KOLOSE 2:18 - Allah Wene Fano Wene Hupla Inane

¹⁸ Nen, it ekhe nen he, inobabut inetogat logolik tulemat fogerakhikhi logoligat he, mel agarek andi: ”Nit afuni ninebe kembu. We kaindek he, malaikat Allah nen yonggo pelak fisa wagarek mene andiat. Halok he, inawe a'ma logolik fogerinafi logogun, iluk an nabikanggo higirek mene nen yagahisikhi lagi andi,” iluk ineranhogoat Kristus hinom hundik mene wulak hinobagauwogeluk yagahisili'lagwi andi re, ”Eberogoat,” iluk hinendawimo anggagubo.

KOLOSE 2:18 Referans Kwoze

KOLOSE 2:8

A'nogo ugu were'ma, afuni ekhe inendawimo wenggelek mene hak, wene we mene ineranhogoat yagahisikhi logolik, lalhinabinogo iluk he, hinobabut hebelogo logoino o. Wene andi re, Kristus nen isikhe mene higithogo ili'lagwi fuk. We, afuni ta'larik-ta'larik wagu kwelek, inombalagen he: ”O yoma yi mene ti mene himbirengge re, munggwarengge inobabut weak mene andi aro,” iluk ikhi lagaukwa mene higithogoat lalhinabi'lagwi andi.

1 TIMOTIUS 1:7

It andi nen he, ”Wene Allah nen komotninafikhe wene a'nogo, niren yagaisikhi logogun,” iluk inamolo nen yagaisikhi logoligat he, wene ebe futfigi'lek inonggot logoligat he, ”Wene ebe yi'nogo, eberogoat furogo yagaisogo,” iluk ili'lagwi meneat he, futfigi'legat ili'lagwi andi.

KOLOSE 2:23

It andi ineranenat afuni yagaisikhi logolik he: ”Malaikat inawe a'ma logolik fogerinafik, hinendawimo nen he, nebe kembu, iluk igik, inendawinggen fano asuageluk, inenggi inesanggo inelha palagarek hak, inagap oba wiik-weakhogo hilingitik, ikhi logouwago,” iluk wene inendawimo wenggelogo fano higithogo yagaisili'lagwi andi. Mene re, inoba aigage lagagunem, wene andiba nen inendawinggen sebelu lek hago.

1 TIMOTIUS 4:1

Allah Areagun nen wene fakhogoat yaganisikhi logolik he, ”O wurep oba, afuni ekhe Allah ane eberogoat iluk anggili'lagwi mene nen, wene andi, Ninabit, iluk herakfisaluk he, Iblis agoromi nongerinafarek mene inawe a'ma kuluk, wene iren yagaisagarek wene andi fakfuluk hilingiti logogun.

2 KORINTUS 11:3

A'nogo meneat he, attagat at kisu a'nogo obabut lagokse'ma re, he Hawa lalhikhe hak, hit hinendawinggen misigat Kristus oba eberogoat himbiret fuluk at faget tegelek welagep mene it ekhe nen lalhinabugun andi nen he nailo ari'logo.

ROMA 1:25

At Allah Walhasikhe mene fogeratu mondok logogun, iluk ugunem, eberogoat, iluk u hak, ”Amin,” iluk ikhi logogun meneat he, iren Allah ane ebe wene andi herakfisaluk, afuni ineranen felalogo isukwa mene andi wanhukwa. A'nogo wanhukwasik, Allah nen yi mene ti mene elalhikhe mene andi ebe fogerati'lek, we, yi mene ti mene elalek mene andi inenggi nen agauwak halogo fuluk, fogeratik, obaget hilingitik, agarek andi.

WAHYU 3:11

An weak-weagat wesigin o. A'nogo wesimbik he, sa awewerek-sa awewerek laga logolik, inomame asugun mene onggo kware-kware ikfisagarek andi hak, onggo hit wokhisagain mene, it afuni ekhe nen telogo helanogo iluk, hit ebe wanhigip mene andi, hinenggi ninghogo fisogo logoino o.

1 YOHANES 2:26

Wene yi mondogat he, it afuni hit lalhinabuogeluk walhili'lagwi mene faget lisu palogo hinoba lakfei wagio.

FILIPI 3:14

Andi hela lageluk wene misigat mene yi at hilingiti lagi. Andi ebe re, nobabut attak hilingiti lagagi mene herakfisaluk, hobuk ket mene nelokhoma werek mene andi hela lageluk nomamerogo murok laga lagi. Kristus Yesus ninom hundik were'ma, at Allah nen nayonggo fikhi logolik he: ”Fano mene pogoroba mene wokhesigin,” iluk abok yaganetikhemo, ebe hela lageluk, sa eisok werek sa eisok werek fungusek lagaikharek andi hak, nomamerogo murok laga lagi.

EFESUS 5:6

It afuni Allah ane higithogo hilingitarek lek mene nen, wene igi mene andi a'nogo hilingitunem Allah a'mage lagaluk weagerinabigin andi nen he, it ekhe nen inane we hesanggeat ikhi logolik he, ”Weak mene a'nogo hilingisumo fanoat,” iluk, lalhinabinogo.

1 KORINTUS 8:1

Hiren he, ”Tugwi kembu anggo waretarek andi re, wene ero yi'nogo iluk ninelu nek,” ikhi lagep andi re, nit futfogo. Mene re, wene a'nogo inelu logolik he, inonggwaregen fogerakhagarek meneat he, afuni inebe inendawi logolik hilingitarek andi nek he, inendawinggen wurigerinafarek andi.

DANIEL 11:38

Aren agamhogo re, dewa it ombawi nen ogo fogerati lagaukwa lek mene, dewa agalep leget kagalek werek mene a'nogo fogerati logogin, a'nogo hilingiti logolik he aren emas, perak, permata inom nen fugungge amu mene inom, dewa it ombawi nen ogo apne wanhi lagaukwa lek mene andiba obaget fuluk wogeti logogin.

YEHEZKIEL 13:3

Tuhan Lego Mondok welagarek mene a'nogo nen ikhi logolik, ”Nabi kembu mene andoma re alomat lakhowak! Iren menenei ebetaresigen he amurogo ekhe hogosik igik, inabikanggo wokhagaresigen he ineranhogo wene igik, ili'lagwi.

KEJADIAN 3:13

A'nogo yagatikhemo, at nineisena Tuhan Allah nen he, at he a'nogo mel yagatikhe: ”Nenahalok a'nogo hilingiten?” iluk yagatikhemo, aren he, ”At kisu nen eranen lalnafemo enggen andi palogo ninggi o,” iluk yagatikhe.

WAHYU 19:10

A'nogo yaganeti lagama, an nen, at malaikat a'nogo awe a'ma kuluk neindep awi yagaisogo fogerasigeluk igi meneat he, aren yaganeti logolik: ”A'nogo fuk. A'nogo fogetnabugun lego. An nebe re, hat, hagaila'lak inom, ninom higit. Wene Yesus nen yaganisasikhe mene yagaisilik nikharek mene andi, at Allah Areagun en inendawimo kagalogo yagaisugunem yagaisagarek andi, wene ero at Yesus nen yaganisasikhe andi aro. Halok he, at Allah andiat fogerasugun o,” iluk yaganete.

WAHYU 13:14

A'nogo ekhe hilingiti laga andi, at mene olomene hangge hokho attak mene a'nogo nen, elalin mene at eilhanem hilingiti logouwageluk eisewerek fikhe mene a'nogo ebe hilingiti logolik, afuni kweangma welagaikharek mene eranenat lalinafi laga. A'nogo lalinafi logolik, it afuni omanogo nen, mene olo mene hangge hokho karok oba watukwama ebe wa'lasu hak mene ambotkwe fano agaikhe mene a'nogo ebe hangge hilingisogo ilirengge ekhe wusuageluk yagaisasikhemo ebe wutama yethigi.

WAHYU 13:8

At Allah nen pogot kweang oan elalhi'lek logolik, ”It andem ineluk mondok logouwageluk hilinginabigin,” iluk, inenu lisu palogo at Andomba Eak, it faget watukwa mene a'nogo Ambuku ba fesikhe. It inenu a'nogo lisu palogo fesikhe mene halok, mene olomene hangge hokho a'nogo fogerati'lek werek kwelek, afuni kweangma welagaikharek mene ekhe mondogat inendawinggen mene olomene hangge hokho a'nogoba himbiret fuluk fogerati lagaikha isigi.

2 PETRUS 2:14

It ap andi ineilmo re, hemi pailak fakfisogoin mene nek eberek logolik, inabit agi'lek weak hilingitu mondok logogun andi. A'nogo hilingiti logolik, afuni Allah ane kerat waluk, inendawinggen abolok werek mene lalinafi logogun andi. Inobabut he, ”Yi mene ti mene nit enek wo'niselep,” iluk ikhi logouwogeluk attagaren yanggulhukwasik he, andi meneat inelu logolik hilingiti logogun andi. A'nogo hilingiti logogun andi nen, Allah nen homan fisambik weagerinabigin werego.

KOLOSE 2:4

It ekhe ineranhogo meneat he, inane eberogo wene hak lalhinabinogo iluk yagahisigi andi.

2 KORINTUS 12:20

An hobuk hinoba wesigin andi wesimbik he, an nen, ”It inobabut fano were'ma lagain,” iluk anggikhi lagi hak, lek. We, weak were'ma hisa wagik, nen, hiren he, ”At Paulus obabut fano,” iluk ikhi lagep hak, lek. We, weak logolik hisa wagik, inogo iluk, nendawinggen firi'logo. Hit-hit hinom weak welagik, wene palhik, hina'mage lagagik, hinonggwarek faget enek hilingitik, inabok weak weinam palhik, hinagaisogo palhik, hinonggwaregen fogerakhigik, hesangge-pesangge hilingitik, ugunem an wesigin andi, nailo.

1 KORINTUS 13:4

Afuni ekhe inebe inendawirogo logolik he, inafe morogo welagaikharek andi. A'nogo inendawirogo logolik he, inobabut fano, pou igi'lek logolik, inonggwaregen sewirakhigik, fogerakhigik, agarek lek andi.

1 KORINTUS 9:24

Sa awewerek-sa awewerek louwogeluk he, inebe logoin mene andi, inebe mondogat lagaikharek meneat he, misik agun tak lagunem onggo fano mene wogotarek iluk hinonggot nogo? Andi hagat, onggo fano mene wokhisoageluk he, fungusek hinomamerogo laga logoino o.

1 KORINTUS 4:18

An hit hinoba wesigin lek iluk he, hit ekhe fena nen hinonggwaregen fogerakhikhi lagep andi.

1 KORINTUS 3:3

Hit-hirat pou igik, wene palhik, ikhi lagep halok he, hinobabut he, afuni inobaburat welagebo. Afuni inobabut inetogat logolik hilingitarek hak hilingiti lagep andi nen yagahisigi o.

ROMA 16:18

It andi re, ninoe Enupogot Kristus awe a'ma logolik, at faget hilingiri'lagwi fuk. We, inonggwarek inendawimo inamolo mene hilingiri'lagwi o. A'nogo hilingiti logolik, inane fano igik, liokhogo igik, ikhi logolik he, it afuni ekhe inobabut, ”I o,” nek agarek mene andi lalinabi'lagwi andi.

YESAYA 57:9

Hiren he amusu inom amben fano mene inom yugul fuluk dewa Molokh were'ma laga lagep. Nen hirenat he ap yonggo mene o sili yatma meneba lakfisigik, nen ap wa'la'luk lagaikherek oba omanogo lakfisigik ikhi lagebat.

AYUB 38:2

”An nendawimo kagalek logolik hilingitirek mene andi re, hendawimo seramet fegendik kembu mene nen yugunengge agarek hangge, honggot logolik andi re hat sa nen ikhi lagen nogo?

ULANGAN 29:29

Wene fena At nineisena Tuhan Allah nen hinagaisogo fikhe mene werek oba nen he, awene melalek nit ninoba weinamhogo nit inom, niren tagomangge mene inom faget yaganisikhemo niren hologo hundik-handik hilingiti logogun o,” Iiuk yagaisasikhe.

1 KORINTUS 4:6

Nerugwi nagaila'lak. An wene yagahisigi andi re, hit ekhe nen he, ”Hit hinoe andi elo'lek hak mene re nit ninoe yi nek he mondok fano,” iluk fogerakhanogoluk yagahisigi. A'nogo fogerakhogoin lek iluk, mel agarek anggigi: ”Wene Allah ane lisu palek werek kwelek oba mangorogo ekhe ugun lego,” iluk agarek a'nogo futfobagaigeluk, nit Apolos nemberek ninoba lirogo yagahisigi andi.

EFESUS 4:17

An nineisena Tuhan ninom hundik logolik, aren yagahisa hak wene yi komorogo yagahisak. It afuni endakwe mene inobabut hilingiri'lagwi andi hak, hit hinobabut a'nogo hilingiti logogubo. It andi, we tulemat mene oba ebeti logolik he,