KOLOSE 1:22 - Allah Wene Fano Wene Hupla Inane

²² A'nogo meneat he, hit hinebe at Allah onggwarek faget fakhaluk, at eilhanem enekhogo wene hinoba legengge fano tegelek logouwageluk, amlogo ebe wa'lagaikhe andiba, onggwarek hinom lambulogo hinobagasikhemo welagep andi.

KOLOSE 1:22 Referans Kwoze

YUDAS 1:24

Hit nineisena Allah omame logolik elok fethinarek logogin mene a'nogo oba lagunem, hineisok peikhogo warigi'lek fanorogo fethinarek logombik he, at ebe fogerari'lagwiba andoma, wene hinoba figi'legat, hinendawimo hinagaiyek anggugu kwelek, at elokhoma hinobagai lagain mene andi, hai wati logouwogo.

IBRANI 10:10

Nen, at Yesus Kristus Allah endawimo amolo mene andi hilingiti logolik, at ebe misigam faget wa'laga logolik, Allah wogetikhe andiba, nit ninebe Allah faget mondok-mondok ninobagaikhemo welago.

EFESUS 1:4

At Allah nenat ninebe at onggwarek faget fakhaluk, at eilhanem tegelek logouwageluk, pogot kweang oan elalhi'lek logolik, wena'ninafikhe andi ebe at Kristus nenat wena'ninafikhe o.

TITUS 2:14

Nit attak Allah ane herakfisaluk yi weak ti weak hilingiti lagagu andi nen ninenggi hele warek hak fetninarek were'ma, at Yesus Kristus nen he, ”It inebe an nonggwarek nagainafuri asimbik he, inobabut fano mene anggilukhogo hilingiti logouwagen, inebe hele fikhalogo inonggo paligeluk, an nebe wa'lasigin,” iluk isikhe.

ROMA 7:4

Andi hak he, nerugwi nagaila'lak. Hit attak he, hemi inaguni inom hele homago hangge welagaikharek ogo andi hak, wene Allah nen komotninafikhe wene a'nogoba homago were'ma, at Kristus ebe watukwama wa'lagaikhe andi, hinomat wa'laga logolik, hele hangge homago welagagip mene andi arat fikhalagaikhe andi. Andi nen he, hemi inaguni wa'lagunem ekhe elok woginabugun andi hak, hit Allah faget fano hilingiti logouwageluk, at Yesus wa'lagaikhemo Allah nen eluget fesikhe mene a'nogo nen wokhinafikhemo welagebo.

IBRANI 10:20

Nit a'nogo kugun andi re, o hulu su meneba huli warek andi, at Yesus ebeat. Mene re, nit afuni nineluget ninabigin oba kuageluk, kwe at Yesus ebe wa'lagaikhe andiba, kwe ket mene nit faget yatikhe.

IBRANI 13:21

Hit Allah endawimo amolo anggikherek mene nek fano hilingisubagaigen he, yi mene ti mene fano mene mondogat wokhisoak. A'nogo wokhisugunem, nit ninom mondogaren Allah endawimo fanorogo hilingiti logouwageluk, ninobabut aren wo'nisagain andi ebe re, Yesus Kristus nen wo'nisoago. At Kristus andiat fogeratu mondok logouwogo. Ebe asuak u hak, ”Amin,” igi andi.

2 KORINTUS 11:2

Helime yenggerugwi inobabut ap inom nogo igi'lek mene, inaguni inoba lombologo fisagarek hak, an nen he, hit Kristus oba lombologo hinobagagi meneat he, hiren ap hunogo mene ekhe lombolhep halok he, Allah a'mage lagagik, an na'mage lagagik u hagaro.

2 PETRUS 3:14

Nerugwi nagaila'lak. Hinebe nendawi e. A'nogo wesigin iluk, nenangorogo logolik he, wene hinoba fakhigi'legat, weak agi'legat, Allah hinom fano were'ma at ebe hisa wesuagen, at faget anggilukhogo hilingiti logoino.

1 TESALONIKA 4:7

Allah nen, nit weak hilingiti logouwageluk ninayonggo fesikhe lego. We, ninebe at onggwarek faget fisaluk, horek logolik, higithogo hilingiti logouwageluk ninayonggo fesikhe andi.

MAZMUR 51:7

Eberogo nenat he an nagaisa alabutmo nenat weak ero noba agaikhemo re, nobabut weagat ta'nafikhe o.

AYUB 25:5

At Allah eilhanem tugi re eil seleksek lek. Nen hesagalenggen he eil mumsek.

AYUB 15:15

It malaikat mene oba nen ogore, At Allah elokhoma higithogo nek werek le'ma re, it inoba eberogo tipsek enek logou lek hak.

2 SAMUEL 22:24

An weak noba le'ma, weak ekhe hilingiti hanogoluk an nebe heise wulifirek andi re, At mondok elu o.

2 KORINTUS 4:14

A'nogo yagaisikhi logolik, ninendawimo yi'nogo anggikhi lago. At Allah nen he, ninoe Enupogot Yesus ambotkwe eluget fesikhe andi hak, nit at ninom higithogoat nineluget ninafikhesik he, hit ninomat Yesus oba ninobagai lagain iluk ninelu.

2 KORINTUS 5:18

Mene re, yi mene ti mene andi mondogat at Allah nenat hilingiterego. At Kristus hilingitikhe andiba, Allah onggwarek ninom lambukhogo ninobagasikhe. A'nogo ninobagasikhesik he, afuni ekhe at inom inambotkwe lambukhogo inobagaigeluk wene andi niren yagaisoageluk nit ninoba fesikhe.

KOLOSE 1:28

Andi nen, niren he, wene Kristus abok andi fakhogo afuni mondogat inebe lombok yagaisilik laga lago. A'nogo yagaisikhi lago andiba, inebe lombok Kristus inom hundik logolik, inendawinggen wurik asumo Allah ba woginarek wesuogeluk, ninendawimo eberek mondok logolik, komorinafik, wene yagaisigik, ilik laga lago andi.

1 PETRUS 3:18

Nit afuni weak hilingitorek andi faget ninenggi elugun oba, at Kristus hobuk wa'lagi'lek logoigeluk misigam fagerat katokhogo wa'lagaikhe. Ninebe Allah oba wo'ninarek lageluk he, at obabut higit hilingiterek mene nen, nit ninobabut weak hilingitorek mene faget wa'lagaikhe andi. Ebe nit afuni mene andi watukwama wa'lagaikhe meneat he, areagun mene andi Allah nen eluget fesikhe andi.