KOLOSE 1:21 - Allah Wene Fano Wene Hupla Inane

²¹ Attak he, hit hinendawimo weak wene ebeti logolik, hinobabut weak hilingiti lagagip andiba, Allah hinom heksek logolik weim palek hak welagagip.

KOLOSE 1:21 Referans Kwoze

EFESUS 2:12

Andi sambul Kristus ebe hinom heksek logolik, hinebe Israel mene lek. We, it ekhe mene welagagip. A'nogo were'ma, at Allah nen he, wene it Israel mene inom wati logolik he, ”Yi'nogo hilinghinabigin,” iluk abok yagaisasikhe mene a'nogo, hit hinonggorat logolik, ”Fano asigin,” iluk hinendawimo anggigi'legat, Allah awe a'ma kwigi'lek, kweangma yoma logolik, Allah ebe hinonggorat welagagip.

EFESUS 4:18

inendawimo mumat werek. Inendawinggen helep hangge abirengge nen he, fano wene inonggorat logolik, Allah nen afuni inelugerinaferek mene a'nogo inom hundik lek it ekhe mene welagaikharek andi.

EFESUS 2:19

A'nogo wagaikhe andiba, hit hinebe endakwe it ekhe mene, ap pok mene hangge welagagip andi yogondak a'nogo lek agaikhemo, hinebe Allah againafuri agagipsik, it hinom, at Allah awiba andoma hinawi weregat agagipsik welagebo.

ROMA 1:30

weinam igik, Allah ebe inabit welagik, inawulagam weak hilingitik, inonggwaregen fogerakhigik, sewirakhigik, weak hilingisuogeluk inambelal weak felalhik, ineisena inagaisa inane holhi'lek hilingitik, agarek andi.

YAKOBUS 4:4

Hemi nen inaguni ineil salharek andi hak, Allah eil salogo hilingiti lagep andi re? Afuni kweangma mene yoma inobabut inetogat logolik hilingiri'lagwi mene andi hinom hundik welagep halok, Allah hinom weim palek hanggeat welagep andi, hinonggot nogo? Hit ekhe nen afuni kweangma yoma mene inobabut inetogat logolik hilingiri'lagwi mene andi hinom hunisuogeluk ikhi lagep halok he, hinonggwaregen at Allah hinom weim kagalhi lagebo.

2 SAMUEL 22:24

An weak noba le'ma, weak ekhe hilingiti hanogoluk an nebe heise wulifirek andi re, At mondok elu o.

EFESUS 2:15

At Kristus nen, ninunggul enu Yahudi mene inom, endakwe mene inom, pire andem welagaikhe meneat, at ninom hunogo misigat ninobagaluk ninunggulenu misigat ket mene lambulogo ninobagaigeluk he, wene Allah nen komorogo ”Yi'nogo hilingi'no, ti'nogo hilingi'no,” iluk yaganisasikhemo wene palek werek mene andi sebelfisikhi logolik, ninom hunogo ninobagasikhe andi.

YEHEZKIEL 14:5

Tugwi kembu andoma mondogat oba re An nagainafuri inebe mondogat omanogo ninom eil uanhogo hilingninobagaga, oba nen he An nen onggo igin mene andiba re An nagainafuri andoma nekhengge sugulogo nambit wesugun logouwak,’ iluk ikhe o.