KOLOSE 1:19 - Allah Wene Fano Wene Hupla Inane

¹⁹ At Allah nen: ”An nendawimo namolo re, an nobabut netok mondok welagirek andi hak, an namlogo a'nogoat nemberek higit mondogat logouwago,” iluk, endawimo anggasikhe higithogoat welagarek.

KOLOSE 1:19 Referans Kwoze

KOLOSE 2:9

Mene re, Allah ebe abirengge mondogat Kristus endawimo were'ma at ebe afuni higirat ta'lasi wagaikhesik welagaikhe andi.

YOHANES 1:16

Nen at obabut fano mondogen ninebe mondogat hobuk alep fanotninabi'logo.

EFESUS 1:23

Nit Allah againafuri ninebe at Kristus ebe aro. Mene re, yi mene ti mene, pogoroba kweangma welagarek mene mondogat at Kristus endawimo peterogo logolik, nit Allah againafuri at ebe hangge were'ma, ninendawimo peterogo welagarek andi.

KOLOSE 2:3

Allah endawimo wenggelek logolik, yi wene ti wene mondok elu mene andi re, at endawimo hinago welagaikhe meneat he, Kristus alegaren fakhogo yaganisikherek.

KOLOSE 3:11

A'nogo hilinghinafunem he ninebe mondogat ninoe Enupogot Kristus alegatma andi nen ninebe mondogat at ninom hundik welago andi nen, inunggulenu Yunani mene igik, Yahuri mene igik, agarek andi inom, inagap inenggalimo mene palek mene igik, palek lek mene igik, agarek andi inom, inane unggut palek mene igik, inebe Yali-Somagai mene igik, agarek andi inom, inamingmingengge mene igik, inale'ma mene igik, agarek andi inom, ikhi logogun lek mene welagep andi.

EFESUS 1:3

Ninoe Tuhan Yesus Kristus eisena Allah at fogerati logouwogo. Nit Kristus ninom hundik were'ma, at Allah nenat fano mene mondogat ninendawinggen faget pogoroba nen wo'nisasikhemo welago.

YOHANES 3:34

At Allah nen lakfei wagaikhe mene andi, Allah Areagun elele wanhi'lek mondogat wogetikhe andi nen Allah aneat yaganisikherego.

EFESUS 4:10

At ebe kweangma inom, pogoroba inom, o yi awi ti awi mondogat inom, logoigeluk he, kweangma pi wagaikhesik he, hobuk ambotkwe pogot halianggen oba po'lima lagasikhe andi.

LUKAS 10:21

A'nogo yagaisasikhesik andi sambul he, Yesus endawimo Allah Areagun were'ma andi nen he, endawimo agaiyek hikhi logolik mel isikhe: ”Allah Neisena e. Pogot kweang eisewerek hararo! Wene mondogat andi, it afuni inendawimo kagalek mene inom, yi wene ti wene inelu mene inom, inelu asinogo iluk hinakfuluk he, it inobabut yenggerugwi ketago mene hangge nek he, fakhogo yagaisegen andi re, hat hendawimo hamolo anggegen meneat yagaisegen andi nen he, hai wathafi lagi o, Neisena!” iluk yagatikhe.

EFESUS 1:5

At Allah ninebe endawi nen, onggwarek endawimo nenat, ”Kristus Yesus nen, it woginafunem an nagainafuri asuageluk,” attagaren ninebe wenagaisogo wo'ninafikhe andi.

1 KORINTUS 1:21

At Allah endawimo mondok kagalek andi nen he, mel isikhe: ”Afuni kweangma mene nen, inonggwarek inawene kagalogo agarek andi nen he, an nebe inelu asugun elo'lego. We, it ekhe nen wene ebe wene yagaisilik nugunem, it afuni kweangma mene nen anggikhi logolik he, Wene andi afuni kembu mene nen agarek hangge ili'lagwi, iluk ugu kwelegat he, it ekhe nen, wene andi eberogoat, iluk anggogoin mene halok he, an nen telinabigin aro,” iluk oba liok isikhesik onggwaregenat isikhe.