KELUARAN 11:3 - Allah Wene Fano Wene Hupla Inane

³ A'nogo yagatikhesik, At Tuhan nen he, afuni Mesir mene inangge it afuni Israel mene inendawirogo wogisoageluk hilinginafikhe. Nen at raja a'nogo agoromi pegawai nen inom, afuni Mesir mene ekhe mondogaren inom, Musa mondok agaugwerati lagaukwaat.

KELUARAN 11:3 Referans Kwoze

KELUARAN 12:36

A'nogo kino yagaisasukwama, at nineisena Tuhan nen afuni Mesir mene inangge it afuni Israel mene inendawirogo wogisoageluk hilingitikhemo, yi mene ti mene mondogat it afuni Israel mene nen, ”Nit ti mene wo'nisobagaigen,” iluk kino yagaisasukwa mene mondogat wogisasukwa. A'nogo hilingitukwa andiba nen, afuni Mesir mene inangge yi mene ti mene onggo hokho mene omanogo re, it afuni Israel mene nen felenghogo helaluk wulibi wagaukwa andi.

KELUARAN 3:21

An nen, afuni Mesir mene inendawimo fanot fisamo agaukhogo hilinghinabuageluk hilingisogo fisagain o. A'nogo hilingisogo fisamo, nagainafuri wesugun andi sambul hinenggimo legengge ekhe wesugun lego.

WAHYU 3:9

Yethani! It afuni Iblis againafuri andogotarek mene inebe Yahudi mene lek meneat he, ineranenat, nit ninebe Yahudi mene, iluk agarek mene andi, hit hinawe a'ma kwi we'luk, an hit nendawinggen hundik welagirek andi inelu asuageluk, it inebe hit hinoba fisa wesigin o, iluk eberogoat yagahisigi.

YESAYA 60:14

Afuni hat sebelogo hobagaikhi lagaukwa mene inagainafuri re ineindep awi yagaisogo sagam esi wesugun, it inane weak hat hoba fikhi lagaikha mene omanogore sebe i wesimbik iren ikhi logolik, ”Hat he kota Tuhan mene o, igik, athe Sion, Israel mene ineisena Allah, Mondok Horek mene a'nogo aiba o, igik,” ikhi logogun.

MAZMUR 106:46

It afuni amu mene it inebe hele warogo fisa lagu mene omanogo nen inendawi hundik hilinginafi logouwageluk Aren afuni andoma inoba hilingfisikhi lagaikhe.

KEJADIAN 39:21

A'nogo meneat he, Allah nen Yusuf serogo logolik ebe endawi mondok hasikhesik, lebethugunem afuni inenggi hele warek mene ferinarek welagaukwa mene inoe andi nen Yusuf ebe oba liogeratikhesik endawirogo welagaikheat.

KISAH PARA RASUL 7:22

Kulhikhemo re, it afuni o Mesir mene yi wene ti wene inelu welagaukwa mene andi, aren mondogat yagatikhe. Yagatikhesik aren aneba fano nek igik, enggiba yi mene ti mene fano nek hilingitik, ikhi logolik, ebe kainat agaikhe.

ESTER 9:4

Afuni yi kwe ti kwe werek mene omanogo nen he hun Mordekhai andi re hun raja aiba andoma aren hilingiti lagaikhe mene faget enu laga lagaikhe agun. A'nogo hilingi'mo re at ebe ekhe inom amane arik mandok laga lagaikhe.

2 SAMUEL 7:9

Halok he, An nen hat hebe we komakwe lagen halok setharek mondok logolik, hat haselei mene mondogat hinom weim yafunem, inebe mondok legetfisikhi lagagi andi. Ma re, it afuni o yi awi ti awi inogogwi kaindek logolik inenuwerek welagaikharek andi hak henuwerek hilinghobagagin andi.

ULANGAN 34:11

Andi nen he, Tuhan nen Musa yagati logolik, Yi'nogo hilingisi lano, iluk yagatikhe higithogoat, it afuni Mesir mene inom, inoe kain Firaun inom, agoromi inom, futfouwagaluk, ineilhanem hilingisu'lek mene hilingitik, elalin mene hilingitik, ikhi lagaikhe andi hangge ekhe hilingitarek mondok legat.

KEJADIAN 12:2

An nen he, haren tagomangge mene nen hokhorogo sik-pik imbik, it inunggulenu hokho asuageluk hilinghobagagin o. An nen, hat fanot hobagagik, henu werek hilinghafik ugunem, halisikhogo afuni ekhe hat fanorinafi logogin aro.

KELUARAN 12:35

A'nogo wanhi logolik, at Musa nen he, afuni Mesir mene yi'nogo kino yagaisano, iluk yagaisasikhe hagat, inalilingge emas mene inom, perak mene inom, su inom, wogisoageluk kino yagaisasukwa.

ULANGAN 34:10

Afuni Israel mene, ap ekhe Allah ane yagaisagarek mene, at Musa nineisena Tuhan emberek weneane inolokheba lakfigik-wakfigik ikhi lagaukwa andi hangge ekhe welagaikharek mondok lek.

YOSUA 4:14

A'nogo wulibi wagaukwa andi sambul At nineisena Tuhan nen yi mene ti mene hilingiti logolik, it afuni Israel mene nen Yosua ap kain iluk inane agaukhogo yagati logouwageluk hilinginafikhe. A'nogo hilinginafikhemo, iren attak Musa agaukhogo yagati lagaukwa hak, hobuk at Yosua ebe eluk were'ma agaukhogo yagati lagaukwaat.