IMAMAT 4:3 - Allah Wene Fano Wene Hupla Inane

³ Ap weak hilingitu mene andi re Imam Agung inoe a'nogo weak hilingitunem it afuni Israel mene inom at ombo'ne weak hilingitu halok, Tuhan nen aweak legaphogo fouwageluk aren wam sapi ai mene ket kotorek mene agap palek lek mene misik warogo Tuhan obaget fikhi logogin.

IMAMAT 4:3 Referans Kwoze

2 KORINTUS 5:21

Nit Kristus ninom huneto halok, at Allah nen onggwarek ninom ninambotkwe hunogo ninobagauwageluk nit fagerat nit ninobabut weak hilingitorek mene andi, at Kristus weak hilingiti'lek mene oba fesikhe andi.

IMAMAT 9:2

at Musa nen Harun yagati logolik, ”Sapi ket kotorek mene ai mene halok inom, nen domba ai mene ekhe inom pirenet agap oba agambut palek lek mene halok wanimbik he, sapi ai mene andi re hinaweak legaphogo fagain mene nen domba andi re warogo nolhu mene faget iluk ebe pirenet Tuhan wogo'ni.

IMAMAT 4:14

halok he, weak hilingitu mene weinam agunem aremnogo afuni nen he weak-weak sapi ai mene ket kotorek mene ekhe waluk he Tuhan Awi Sabu o lelunggulmo aremnogo waga logogun. We'luk he, wam andi warogo abirengge inaweak legerasuageluk noleti logogun.

IBRANI 5:3

It inonggwaregen weagat hilingitaresik andi nen he, it afuni ekhe weak hilingitarek mene faget inanggo helaluk wagunem, iren Allah waretarek andi hak, a'nogoat it inonggwarek faget inanggo Allah waresugun higithogoat waretarek andi.

EZRA 8:35

Linggene a'nogo sambul enek he it afuni hele warogo fisa lagaukwa ma nen wagaukwa mene omanogo inebe mondogaren, Tuhan Allah afuni Israel mene ineisena a'nogoba wam Tuhan endawimo agaiyek hoageluk mene warogo noletukwa. Andi sambul wam watukwa mene it afuni Israel mene inebe lambulogo faget he sapi ai mene 12 nen inom, domba eagwi 77 nen inom watukwa. Andi nen fena re nit ninonggwarek faget ninaweak lek hilingisogo ninobagauwageluk Tuhan kino yagati logolik faget iluk he, wam kambing 12 nen watugusik he, mondogat warogo re Tuhan obaget iluk nolhugu.

ROMA 8:3

Attak he, Allah nen komotninafikhe wene a'nogo, nit afuni ninobabut lebelek andi nen he, fano hilingninabu elo'lek agaikhe. Elo'lek agaikhemo re, nit afuni ninobabut weak hilingitu were'ma, Allah onggwarek amlogo nit hangge hilingla'luk, nit weak hilingitorek mene andi wene oba fesikhesik sebelfisoageluk lakfei wagaikhemo sebelfisasikhe andi.

YEHEZKIEL 43:19

An nobaget weneba kabogesuogeluk he we it ap imam Zadok unggulenu Lewi mene againafuri nek he elok waga logogun. Iluk An Tuhan Lego Mondok welagirek mene a'nogo nen wene yi melalhobagagi. It inoba wam sapi ai mene ebe oan kotorek mene misik ekhe it inaweak horogo leget fisoageluk warogo noluakhogo wogisano.

KELUARAN 29:21

Mep inom, amusu ap menfisikhi logolik yugulfisugu mene faget inom, endebat waluk Harun againafuri inebene inom, inasubene inom kweterisilik lano. A'nogo hilingisigin andiba re Harun againafuri inebe inom inasu inom andi re, An nobaget enogo logogun.

KELUARAN 29:14

Wam sapi andi eino inom, alabut inom, agap inom, enggi, eisok abirengge andoma waganogo endakwe fikhit nol feino. A'nogo noligin mene andi re, it imam inaweak legap esuageluk hilingisigin.

KELUARAN 29:7

A'nogo hilingfuluk he amusu ap menfisikhi logolik hilingiri'lagwi mene a'nogo onggo palimbik he, ungguloba kweisalogo nen amusu watfeino.

BILANGAN 8:8

Andi nen he, iren sapi ai mene oak warek mene ekhe waluk he tepung amusuba mulelogo weragongge inom waluk fei wesugun. Nen haren he sapi ai mene afuni inaweak lek hilingisogo fugu mene faget ekhe wanino.

IMAMAT 16:11

At Harun nen wam sapi ai mene at onggwarek weak hilingite mene faget inom, againafuri weak hilingita mene faget inom, An nen horogo leget fisoageluk warogo nobagambik senggelogo fuluk,

IMAMAT 16:6

Nen, at Harun onggwarek weak hilingite mene faget inom, againafuri weak hilingita mene faget inom, An nen horogo legetfisoageluk, wam sapi ai mene misigat halok warogo An nolneti logouwago.

IMAMAT 8:12

Andi mene mondogat hilingfuluk at Musa nen amusu afuni menfisikhi logolik watfisikhi lagaukwa mene a'nogo waganogo Harun ungguloba warogo menfesikhe.

IMAMAT 5:6

Nen, at aweak hilingisigin mene a'nogo leget fouwageluk onggo re aren wam domba ogo, kambing ogo, he mene halok misik ekhe waluk wagunem, it ap imam omanogo nen ap a'nogo aweak lek hilingisogo fouwageluk wam a'nogo warogo Tuhan wogeti logogun.

KELUARAN 30:10

Tahun misik oba re misigam at Harun nen he mezbah andi fanotninabuageluk wam inaweak legapesuageluk fugu mene omanogo amep oba re andimuk 4 en aremnogobene hoti logogun. A'nogo hilingiti logogun andi re, tahun hundik-handik yi sambul ti sambul andoma a'nogo nek hilingitu mondok logogun. Mezbah andi abirengge mondok hore'ma re, An nobaget enogo logogin,” iluk yagatikhe.

IMAMAT 4:5

Watfuluk amep fena fikhit he o Sabu a'nogo elonggoma waluk kwikhi logogin.

IMAMAT 4:23

a'nogo hilingiti iluk wenggelogo wesigin oba aremnogo weak-weak at aweak lek hilingisogo fouwageluk wam kambing ai mene misik agambut palek lek mene wati logogin.

IMAMAT 4:28

a'nogo hilingiti iluk wenggelogo wagu sambul aremnogo weak-weak aren kambing helou mene agapma palek lek mene ekhe wati logogin.

BILANGAN 16:22

A'nogo isikheba nen, Musa Harun emberek inelokhe kweangma sagaumeti logolik mel isukwa, ”Allah nineisena, Haren enek ineluk welagaikharek mene andoma eluk logouwageluk wogisikhi lagen. Ap misigen weak hilingituba re Haren afuni mondogat inoba ha'mage fisa hak nogo?” isukwa.

2 TAWARIKH 29:21

A'nogo laga logolik a'nogo re, iren he wam it raja eisok erokwe mene inom it afuni Yehuda mene mondogat inaweak legaphogo fouwageluk mene faget inom, Tuhan Awi a'nogo mondok enogo fugu mene faget iluk inom, he wam sapi ai mene ebe 7 nen inom domba ai mene 7 nenat inom, domba eagwi mene 7 nen inom kambing ai mene 7 nen inom, waluk lagaukwa. Waluk lagaukwasik he it imam omanogo inoba raja nen he wam omanogo warogo nolengge nolhuba mezbah wuri'mo omanogo noluageluk miming inafikhe.

IMAMAT 1:3

Nen, aren waluk wogosi waga logogin mene andoma ebe wam sapi misik halok he, wam ebe ai meneba nen oba agambut palek lek mene halok wogeti logogin. Aren waluk we'luk Tuhan Awi sabu wuri'mo solombonma andoma fei wagunem he, Tuhan endawimo ap andi oba endawimo agaiyek fikhi logogin.

IMAMAT 1:10

Nen warogo fei wagu mene andi domba inom kambing inom halok he, wam andoma re ai mene nek agambut palek lek mene nek fei waga logogun.

IMAMAT 6:18

Amep werek lek mene ninggi logogun mene iluk fugu mene andi re, mondok hore'ma omame mondok hokho logogin andi nen he, ap ekhe nen nunggu mene andi fakhikhe halok inonggwaregen alomat fakhikhi logogun. Nunggu mene andi Tuhan obaget fugu meneba nen he it Harun ambisangma mene nen ninggi logogun iluk were'ma re, mondok-mondok andoma logolik it ap Harun ambisangma mene nek roti andoma helaluk ninggi logogun,” iluk yagatikhe.

IMAMAT 9:3

Nen, it afuni Israel mene nen he kambing ai mene misik ekhe re inaweak legaphogo fouwageluk nen sapi eak ekhe inom, domba eak ekhe inom he wam ebe pirenet umur tahun misik oba mene halok, ebene agambut palek lek mene warogo nolesuageluk yagaisano.

IMAMAT 16:3

Wene palek werek andi higithogo at Harun nen An Nonggwarek nawi hulu senggele'ma hore'ma andoma kwigiluk halok he, wam sapi ai mene it weak hilingita mene An nen horogo legetfisoageluk, wa'netik, nen domba ai mene lolnetik, imbik halok enek kwikhi logouwago.”

IMAMAT 16:5

Ma re, it afuni Israel mene nen weak hilingita mene An nen horogo legetfisoageluk, wam kambing ai mene ebe pire nobagalugen, nolneti logogun mene wam domba ai mene misigat halok wanhik, waluk he, at Harun wogosi waga logouwago.

YEHEZKIEL 40:39

O senggelek hokhoma andi re e meja enggaminogo mene talek welaga. Nen pire re esanggo hilingik mugusogo hilingik welaga. Nen meja talek amboloba andoma nen enek wam domba, kambing inom, Tuhan endawimo agaiyek hoageluk warogo nolhu mene inom, Tuhan nen inaweak onggorabethogo fouwageluk kinoti logolik nolhu mene inom, ap inangge obali'mo fugu mene nolhu mene inom, senggelhigik welaga.

YEHEZKIEL 44:27

andi nen at ebe laluk An nawi wuri'mo andoma elonggoma senggele'ma andoma nen nobaget warogo nol nobagagunem ebe horogo fakhaluk enek he An nawi wuri'mo andoma yabu hilingiti logogin fano. Iluk An Tuhan Lego Mondok welagirek mene a'nogo nen nane mondogat igi.