IMAMAT 26:3 - Allah Wene Fano Wene Hupla Inane

³ Nen, hiren ambi An nen Nawene melalek yagahisikhi lagi mene furogo hilingitik, An nen yi'nogo hilingi'no ti'nogo hilingi'no iluk yagahisikhi lagi mene andi tiphogo hilingitik ikhi logogun halok,

IMAMAT 26:3 Referans Kwoze

YESAYA 1:19

Hiren An nane hologo hilingiti logogun halok he, kweang An nen wokhisasigiba yoma logolik, yi mene ti mene yakfakhaluk fanorogo ninggi logogun.

WAHYU 22:14

Nen, it ekhe inasu fanorogo sobalogo fakhaluk logogun mene halok enek he, Allah nen fanorinafunem inendawimo inagaiyek a'luk, e enggen nunggunem inelugerinaferek mene a'nogo enggen ninggik, nen o kota andoma kwe ambe palekwe nen wulifik-kwigik, ikhi logouwogeluk eisewerek asimbik logogun.

ULANGAN 7:12

A'nogo yagaisasikhesik ekhe mel yagaisasikhe: ”Allah nen he, Yi'nogo hilingiti logoino, ti'nogo hilingiti logoino, iluk komorogo yaganisasikhe mene andi, hiren futfuluk, hinaberali agi'lek hilingiti logogun halok, nineisena Tuhan Allah nen, Yi'nogo hilinghinabigin, iluk wene wathisasikhe mene andi aberali legat ebe higithogo hilinghinafi logogin o. Aren ninombalak yagaisikhi logolik, hinebe nendawi mondok logogin, iluk wene warisasikhe andi hak, hit a'nogoat endawithinafu mondok logogin o.

KELUARAN 23:25

Hiren An Hineisena Tuhan Allah fogetnafi logogun halok he, An nen hit ninggi logogun mene wokhisigik, hinagai wokhisigik, hilinghinafi logolik, Ou ero hit hinoba mene yatma hugisa laga logogin.

YEREMIA 11:4

Wene andi re An nen it inombawi o Mesir faget iren endu amulok oba hak anggikhi lagaukwaba andi nen woginarek wulibi waga logolik warisasigi. An nen it inoba yagaisikhi logolik an nane hologo hilingitik, An nen yi'nogo ti'nogo hilingi'no iluk yagahisigi mene hilingitik, hilingiti logoino isigi. Yogondak An nen nekhengge afuni Yehuda mene inom Yerusalem werek mene inom inoba ikhi logolik hiren An nane hologo hilingiti logogun halok, hit he An nagainafuri asumo An he hit hineisena Allah asigin o, isigi.

ZAKHARIA 8:12

It he, inendawinggen fanoba nek awingge enggen feik lakfikhi logogun. Nen, it inagayo anggur enggen itik, inanggweang oba nen enggen ugu paligik, meiso pogoroba nen hokhorogo pelagisa wagik, ikhi logogin. It inunggulenu ari mene nen fena ineluk werek mene andoma inoba re An nen fanoabet fisikhi logogin aro.

MALEAKHI 3:10

Nunggu mene sik-pikhogo logouwageluk he, hiren nomolo mene andi mondogat waluk An Naiba fei waga logoni o. An nobabut palniikhi logoni, An nen pogoroba kwe hut fuluk yi mene ti mene mondok fano mene hit hinobaget pulel-pulel pugu kwelek hilingisogo hinobagagunem hiren neogoin aro.

IMAMAT 19:25

Tahun fuap meneba re, enggen hit elok ninggi logogun o. Hineisena Tuhan he, Anat andi nen, An nen, yi'nogo hilingiti logoino, iluk yagahisigi mene andi higithogo hilingitep halok he, e andoma enggen hokhorogo iti logogin o.

NEHEMIA 1:9

A'nogo meneat he, hobuk hinafe hebelasimbik hinambotkwe noba wesimbik noba lomborogo logolik, nane hologo hilingisugun halok he, hit hinebe pugulogo o pogot ero-ero lakhinobagambik hobuk andogorogo an nobaget hilingiti logogun oba nonggwaregen wenagaisogo fakhasigiba andoma logobagaik iluk hinobagai wesigin o, iluk isigin mene andi hendawimo ebesin o, neisena.

YESAYA 30:23

Hiren awingge enggen feik fol-fugunem he, ebe fulelhik, enggen hokho-pokhorogo itik, enggen ebe hokhorogoat palhik, hilingiti logobagaigeluk he At Tuhan nen meiso lakhinobagai waga logogin. Hit hinanggo faget ogore engga o lei mondok lia-fiare'ma andoma fouget hinobagakhi logogin.