IBRANI 8:5 - Allah Wene Fano Wene Hupla Inane

⁵ Allah nen he, ”Nawi su mene elama faget wutnobagain o,” iluk Musa yagatikhemo, ebe wusigeluk ugunem he, hobuk mel yagatikhe: ”An nemberek tom oba logolik, an nawi yi'nogo wutnobagagin o, iluk ilirengge walhogo inukhiigi a'nogo higithogo mondok wu'nogen he, hendawimo eberek mondok logoino o,” iluk yagatikhe andi hagat, it ap Allah eisewerek kweangma yoma logolik, ebe pogoroba werek mene oba litik, alik wanhik, agarek andi.

IBRANI 8:5 Referans Kwoze

KELUARAN 25:40

Lampu andi eisok he An nen Tom yiba nen hat yagaheti higithogo hilingisugun nen he, fanorogo futfeino,” iluk yagatikhe.

KOLOSE 2:17

Afuni inebe oan wagu kwelek inafumak tak inelokhoma wagarek hak, Kristus ebe oan wagi'lek werek kwelek, wesigin iluk wene mondogat andi mene tak hilingiti lagaukwa meneat he, ebe re, Kristus aro.

IBRANI 10:1

It afuni Yahudi mene wene Allah nen komotninafikhe wene andi higithogo hilingiti logolik, ebe mene hilingiti lagaukwa fuk. We, ebe hobuk fanotninabigin mene werek kwelek, oba lirogo hilingitik, alik waganogo hilingitik, ikhi lagaukwa. It a'nogo hilingiti logolik, o mo lagagik, pigik, ugu kwelek, yi tahun ti tahun wam Allah faget wareti lagaukwa mene andi mene nek wareto mondok welagaukwa andi nen he, it afuni wam Allah faget waresi waga lagaukwa mene halok andiba nen katokhogo fanorinabigin elo'lek aga lagaikhe andi.

KELUARAN 26:30

O Sabu andi re wusugun higithogo An nen yi'nogo wu'no iluk Tom yiba nen yagaheti higithogoat wu'no.

1 TAWARIKH 28:19

A'nogo mondogat melalfisasikhesik, at raja Daud a'nogo nen ikhi logolik he, ”Mondok abirengge andi re, Tuhan nen yi'nogo hilingi'no iluk wene melalogo an nen hilingisuageluk wo'netemo hilingisugun mene iluk palek meneba mondok kwelabek werek andi,” iluk yagaisasikhe.

KELUARAN 27:8

Obuluk mezbah andi re e kagalek mene elonggoma anggwe folelogo wusugun mene faget iluk, An nen tom yiba nen yagaheti aple a'nogo tiphogo nek wu'no,” iluk yagatikhe.

1 TAWARIKH 28:12

At Daud en he o sili enggen tulem wusugun iluk wenggelhikhe mene inom, ambe maserogo andoma faget inom, o gudang Tuhan Awiba andi elonggoma kwalek logogin mene faget inom, gudang yi mene ti mene Tuhan obaget waluk fei wagu mene logogin oba wusugun iluk wenggelhikhesik palogo fesikhe mene a'nogo ogo wogetikheat.

IBRANI 9:9

Wene andi, ebe yogondak hilingiri'logo mene faget alik waganek welagaikhe. Wene alik waganek mene andi higithogo hilingiti logouwageluk, sumburu inom, i inom, yi'nogo ninggi logolik, yi mene ti mene oba yi'nogo horati logogun, iluk Allah nen yagaisasikhe mene higithogo hilingiti logolik, inanggo Allah faget wareti lagaukwa andi, Allah nen wene ket ebe mene oan hilingiti'lek werek kwelek, kweangma elama faget logolik, alik waganogo hilingiti lagaukwa andi nen he, wene inoba lek iluk inendawimo katokhogo selegetfogoin elo'lek welagaikhe.

BILANGAN 8:4

Lampu andi obalik inom liabek ambolkwe inom nen ebene ilirengge hakhogo walsek mene inom he emas pugunhogo sagalek meneba At Tuhan nen ilirengge kumutigik hilingisigin mene iluk Musa wogetikhe mene a'nogo kumuthigik hilingitikhe.

IBRANI 12:25

It afuni Allah ane kweangma yagaisugunem inesanggo holu inabit welagaukwa mene, inebe ineluk herakfisigi'lek inoati lagaikhe andi. Halok he, nit yi ogo re, wene pogoroba nen yaganisugunem ninesanggo holu ninabit logogun halok he, ninoati'lek herakninobagagin anggegeba? Lego. Mondok ninoasigin andi nen he, at ane ugu kwelek hinesanggo holhi'lek, ”Ninabit,” iluk herakfisanogo nen he, hinebe hebelogo logoino o.

IBRANI 11:7

At Nuh ogo re, endawinggen Allah oba himbiret fuluk, yi wene ti wene hobuk hilinglasigin mene Allah nen husumbi yagatikhemo ebe eilenggen higi'lek meneat he, ”Eberogoat hilinglasigin mene yaganete higi,” iluk Allah ane hologo logolik, e so ekhe at againafuri inom telinabigin mene faget wutikhe. A'nogo wutikhemo, Allah nen afuni wene inoba fesikhesik inebe inoatikhe meneat he, at Nuh alegat enek he, endawinggen eberogo nen Allah oba himbiret fesikhe andiba, Allah nen, ”At fano,” iluk telhikhe.

KISAH PARA RASUL 7:44

At Allah nen Musa yagati logolik he, An nebe ninom welago, iluk nawi o su mene yi'nogo wu'no, iluk ilirengge walethasikhemo, eilenggen hasikhesik, o ebe a'nogoat wutikhe. Wutikhemo ninombalak omanogo o su mene andiat fisogo logolik o leimo afuni le'ma nikhi logolik ya wutik, ta wutik, wurik nikhi lagaukwa.

KELUARAN 25:9

O Sabu inom, yingge-tingge o andi faget waluk wesugun engge andoma inom he, An nen yi'nogo hilingisugun iluk hat yagahesigin mene andem higithogo nek hilingisugun,” iluk yagatikhe.

MATIUS 2:12

Wogetukwasik nogo ugunem at Allah nen he, ”Hit hobuk hinambotkwe Herodes oba lagup,” iluk husumbi yagaisasikhemo inabi hasukwasik he, kwe hunogo kwe nen inaiba lagaukwa.

IBRANI 13:10

Allah awi su mene wuri'mo it ap Allah eisewerek Yahudi mene nen wam Allah faget warogo helep som wurik oba fikhi lagaukwa andi hak, niren Allah faget fisikhi lago mene andi, it ap andi nen na wesugun elo'lego.

WAHYU 15:5

A'nogo higiri'mo nen ombo'ne re, pogoroba Allah awi wuri'mo kwe hu'lagunem elonggoma re, at Allah ebe welagarek iluk, o su mene wurik a'nogo were'ma yethigi o.

YOSUA 22:28

Enggere, niren anggogo mene re: Hit hinerembulmo mene nen ambi a'nogo ugu halok ogore, nit ninerembulmo mene nen ikhi logolik he, mezbah ari hineil hani! Nit ninambu-ninombalagen he mezbah Tuhan nen a'nogo hakhogo wuta mene ari re, warogo nolhuba inom, nen yi mene ti mene obaget fugu mene obalik faget he fuk, athe hit inom nit inom faget enegenggerogo logouwageluk wuta o,’ iluk ikhi logogun.