IBRANI 6:7 - Allah Wene Fano Wene Hupla Inane

⁷ Allah nen hundik-handik o meiso kweangma pelabi wagunem he, kweang fano sakho ugunem afuni nen yabu waganogo yi mene ti mene awi yatarek mene nen ebe fano nunggunem he, Allah nen, ”Kweang andi fano,” iluk fanot fikheregaro.

IBRANI 6:7 Referans Kwoze

HOSEA 10:12

An nen ikhi logolik, ”Hat Israel yi! Heabu ket mene senfuluk enggen awi yatu mene re katokhogo hilingitu mene andi yasin o, nen enggen palhu mene re haren hendawinggen An noba ibi-eberogo tibet fikhi logogin andiba fanot hobagagu mene palikhi logogin. Haren An heisena Tuhan hera'nabigin oba o arat horogasi waga. An wesimbik fanothinafirek mene a'nogo meiso pelabi wagarek hak pelakhisa wesigin.

YESAYA 44:3

An nen kweang iringikwe andoma i wulagaisogo lakfei wagik, nen kweang agai nele pelerogo werekwe andoma meiso sogenggen mene oba sakhoratik, igin o. Nen An Nomame re haren tagongge mene inoba wogisigik, hombawi hobuk ta'lasugun mene inoba fanoet fisigik, igin o.

MAZMUR 126:6

It afuni ineabumo andoma, awi yasi laga logolik le arik lagaikharek mene re, enggen paluk waga logolik he, inagaiyegen inendawimo hai hilik-hilik wagaikharego, iluk wuni watukwa.

YAKOBUS 5:7

Andi nenat, nerugwi nagailak lak. Ninoe Enupogot ebe oan wagi'lek werek kwelek he, hinendawinggen puk agi'lek hinafe morogo nenangorogo logoino o. Afuni nen yabu wagane'ma sumburu awi yakfuluk welagaikharek andi hinendawimo futfeni! A'nogo awi yakfuluk werek kwelek meiso o mo lagagu kwelek ninggik, pugu kwelek ninggik, hobuk attak nunggu kwelek inendawimo pugagi'legat, ”Hobuk sumburu hokho agunem ebe hokho mene takhagain,” iluk inafe morogo nenangorogo welagaikharek andi hak,

YEHEZKIEL 34:26

An nen he it inebe fanot fisambik an nandom horek mene a'nogo era'lukwe andoma logouwageluk yagaisagain. Nen iren meiso inamolo halok An nen wogisikhi logogin.

MAZMUR 24:5

Inobabut ariginik mene re nineisena Tuhan nen telinabimbik, fanorinabigin werego. A'nogo fanorinafi logolik At Allah nen yagaisikhi logolik, ”Hit he weak hilingiti'lego,” iluk yagaisagain aro.

IMAMAT 25:21

A'nogo hilingi'mo tahun 6 meneba re At Tuhan nen hinanggweang oba fanot foumo re, 3 tahun he enggen itu mondok logogin.

MALEAKHI 3:10

Nunggu mene sik-pikhogo logouwageluk he, hiren nomolo mene andi mondogat waluk An Naiba fei waga logoni o. An nobabut palniikhi logoni, An nen pogoroba kwe hut fuluk yi mene ti mene mondok fano mene hit hinobaget pulel-pulel pugu kwelek hilingisogo hinobagagunem hiren neogoin aro.

KEJADIAN 27:27

A'nogo yagatikhemo, at Yakub en hai ambe saluk wasigeluk ebe era'lu horokhogo higilha lagunem he, asu Esau asu amben enegat hasikhesik he, ”Allah nen fanothafi logouwago,” iluk, mel yagatikhe: ”Namlogo hamben he, o lei Allah nen fanotfikhe mene amben hangge fano mondogo.

KEJADIAN 1:11

At Allah nen a'nogo isikhesik he, ekhe mel isikheat: ”Kweangma re, e yi agayo ti agayo engga yi engga ti engga, enggen ebe lek awi faget enek iterek mene inom, enggen ebe were'ma nenggarek mene inom, fulelogo wilibuago,” iluk isikhemo, arat fulelogo hilinglagaikhe.

2 TIMOTIUS 2:6

Nen, ekhe re, afuni ekhe ineabu heligik, awi yagaisogo set kwalogo hilingiri'lagwi mene andi ebe wurik agunem he, inonggwaregen tak nenggarek andi.