IBRANI 6:4 - Allah Wene Fano Wene Hupla Inane

^4-6 It afuni ekhe, Allah nen inendawimo selegerinafu kwelek, yi mene ti mene enduk mikhaluk fano mene wanharek andi hak, Allah pogoroba nen onggo lek weat wo'nisikherek mene andi wanhik, Areagun sumbu'nisikherek mene andi ekhe wanhik, Allah ane andi fano mondok iluk ineluat welagik, Allah obabut fano nen hobuk omamerogo fano mondok hilingninabigin andi oan hilingninafi'lek werek kwelek, yogondak ya yi mene ti mene lilu nenggarek hak, wogisugunem heligik, agaresigenat he, hobuk iren he, ”Allah ninabit,” iluk ane herakfisaluk inambotkwe wulibi laluk logolik, Yesus Allah amlogo ebe eba menfesukwasik wati logolik inane asegen wokhasukwa andi hagat hobuk hilingiri'lagwi andi. A'nogo mondok hilingirik laga logolik, hobuk iren he, ”Nit weak hilingito,” iluk inobabut hebeluageluk inambotkwe ninggi'nogo woginarek wesu he, elo'lego.

IBRANI 6:4 Referans Kwoze

MATIUS 5:13

A'nogo yagaisasikhesik he, ”Afuni yoma mondogat faget, mayu hangge hirat welagebo. Mene re, mayu andi aik lek aga halok he, nena meneba aik wereget asugun anggegep? Lego. Aik wereget asugun mondok legen he, kweisalogo lakfisugunem afuni ineisogen sebelisagarek andi.

YOHANES 15:6

Nen, hele enggisok palogo lakfisagarek mene puk agunem he, afuni nen andogorogo fuluk endumo lakfisugunem endu ninggerek andi hak, at sa nen an nemberek hundik lek, kobolek logolik, a'nogoat palogo lakfoumo ebe endu nagain o.

EFESUS 2:8

Hit hinendawinggen at oba eberogoat himbiret fugunem he, at obabut fano enago a'nogo nen telhinafikhemo welagep andi, ero hinonggwaregen telegep fuk, we, yi mene ti mene onggo legat wogisagarek hak, at Allah obabut fano nenat telhinafikhemo welagep andi.

YOHANES 3:27

A'nogo yagatukwama aren he, mel yagaisasikhe: ”Ap yi sani. Nagoromi. Ap ekhe Allah nen yagati'le'ma, at onggwarek endawimo nen kagalogo higit hilingisu elo'lego.

IBRANI 10:32

Nerugwi nagaila'lak. Hit attak Allah nen hinebe seleget hinafikhemo were'ma yi enggin ti enggin wiik-weakhogo hilinghinafu kwelek, hinafe morogo ninghogo welagagip andi hinendawimo ebe'no o.

MATIUS 12:45

hobuk ambotkwe wulibi lagaresik, munggwarengge ekhe inobabut at obabut hangge lek. Athe, inobabut mondok weak mene inebe 7 nen, inayonggo lagaresik, woginarek o a'nogo kwi wagaresik, ap andi endawimo kwagaresik welagaikharego. A'nogo kuluk were'ma re, ap andi attak he, obabut fano hak welagaikhe meneat he, hobuk obabut mondok weagat hilinglagarek. Andi hak he, hit afuni o yogondak ya hinobabut mondok weak hilingiti lagep mene yi a'nogoat hilingisugun o,” iluk yagaisasikhe.

GALATIA 3:2

Wene Allah nen komotninafikhe wene a'nogo higithogo hilingiti lagagip andiba Allah Areagun wokhisasikhe a? Athe, niren fano wene yagahisasugumo holhigipsik he, ”Eberogoat,” iluk hinendawinggen Kristus oba himbiret fesigip andiba wokhisasikhe a. Wene misigat andiat yagane'ni o.

2 TIMOTIUS 2:25

A'nogo yagaisugunem, it afuni ekhe nen at ane sebeluogeluk ugunem, aren ane liokhogoat komorinafi logogin. A'nogo komorinafunem, it weak hilingitarek mene herakfisaluk, ebe wene andi wanuageluk, Allah nen inendawimo kagaluago, iluk komorinafi logogin.

1 YOHANES 5:16

It afuni ekhe weak mondok hilingitaresik he, inobabut oba inebe mondok-mondok wa'lasugun mene werek andi faget, hiren Allah ayonggo fogoin, iluk yagahisigi lego. Athe, inobabut higithogo hilingisu mene werek kwelegat he, kwanirogo weak hilingitarek andi mondogat enu weak meneat he, it ekhe nen weak hilingitunem inobabut oba inebe mondok-mondok wa'lasugun lek mene hilingitarek mene weregaro. Mene re, hit Allah againafuri mene hinerugwi hinagaila'lak ekhe weak hilingitunem obabut oba ebe mondok-mondok wa'lasugun lek mene hilingite halok, at faget Allah ayonggo foumo, aren nabulal-habulal ebe mene wogosigin werego.

IBRANI 2:4

Wene andi yagaisilik nugunem he, it afuni ekhe nen, ”Wene andi eberogoat,” iluk futfouwageluk, Allah nen inane legeisogo yi mene ti mene hilingisu lek mene elalinat omamerogo hilingitik, at endawinggen amolo meneat higithogo inobabut lombok Areagun sumburogo wogisigik, isikhe mene andi, niren ninabit iluk herakfisogoin halok he, herakhinobagagin anggegeba? Weagetninabigin aro.

1 TIMOTIUS 4:14

Hat faget fageat it ap Allah againafuri kwelaginarek welagaikharek mene nen inenggi hunggul oba sebelhu kwelek, it ap Allah ane yagaisagarek mene nen mel isukwa andi: ”Hat hobuk yi'nogo hilingiti logoino,” iluk, yagahetukwa higithogo, Allah obabut fano nen ninobabut tomok wo'nisikherek a'nogo hat wokhetikhe mene andiba hilingiti'lek hobakhenene herakfisaguno.

KISAH PARA RASUL 11:17

Ninendawinggen eberogoat ninoe Yesus Kristus oba himbiret fugunem, Areagun it inom, nit inom, ninom higithogoat wo'nisikherek andi. Halok he, Allah nenat a'nogo wo'nisugunem an nen he, it wogisugu lek, iluk wene paligin nogo? Elo'lego,” iluk yagaisasikhe.

EFESUS 4:7

Mene re, at Kristus nen sumbutnisikherek higithogoat, Allah obabut fano nen, yabu hunogo tomok hilingiti logouwageluk ninobabut lombok wo'nisasikhe.

EFESUS 3:7

An afuni inamingmingengge hak logolik, wene andi sumburisikhi logouwageluk, Allah obabut fano nen omamerogo hilingninaferek higithogoat nayonggo fesikhe andi.

KISAH PARA RASUL 10:45

A'nogo pi wagaikhemo, it afuni inagap inenggalimo mene palek logolik wene eberogoat iluk wanhukwa mene ekhe Petrus inom o Yobe nen wagaukwasik were'ma, Allah nen Areagun a'nogo it endakwe mene inoba pelakfei wagaikhemo, helasukwasik, wene it ekhe inane inonggot meneba elalinat igik, Allah fogeratik, ugunem, ineilenggen higik, inesanggo holhik, isukwasik he, mel isukwa: ”Allah nen Areagun it afuni endakwe mene higirat wogisikhemo higi. Nailo e,” iluk fogeratukwa. A'nogo fogeratukwama, at Petrus nen he, mel yagaisasikhe:

KISAH PARA RASUL 8:20

A'nogo yagaisikhi lagaikhemo, at Petrus nen he, ”Hat hendawimo nen he, Allah obabut fano nen wo'nisikherek mene andi, onggo fuluk eise asugun, anggegen a? Elo'lego. A'nogo anggegen andi nen, hat hauang ari alomat lakhigik, hebe alomat lakhigik, uago.

YOHANES 6:32

A'nogo yagatukwama, aren he, mel yagaisasikhe: ”An nen wene ekhe yagahisak. Sumburu pogoroba nen pelak hisa waga lagaikhe andi re, at Musa nen fuk. Lego. Athe, sumburu ebe mene andi re, an Neisena nen afuni kweangma mene inelugerinabuageluk an nebe pogoroba nen pi wagagi andiaro,” iluk yagaisasikhe.

BILANGAN 24:3

wene hobuk hilinglasigin mene mel isikhe: ”An Bileam Beor amlogo nabikanggo oba yi mene ti mene enegat yethigirek mene yi nen wene igin o.

GALATIA 3:5

Halok he, ninggi'nogo ugun. Hiren wene Allah nen komotninafikhe wene a'nogo higithogo hilingiti lagagip oba, at Areagun hokhorogo wokhisigik, hilingisu lek mene elalinat hilinghinafik, ili'logo nogo a? Athe, niren fano wene yagahisasugumo holhigipsik, eberogoat iluk, hinendawinggen Kristus oba himbiret fesigip andiba wokhisili'logo nogo a.

KISAH PARA RASUL 15:8

At Allah nen afuni ninendawinggen elu mene a'nogo nenat, yi an nagainafuri o, iluk Areagun nit wo'nisasikhe andi hagat it andi wogisasikheat.

YOHANES 4:10

at Yesus nen he, mel yagatikhe: ”Allah obabut fano nen weat onggo lek wogisasikherek mene andi inom, nen an nen, i ekhe hinagaisogo wo'nom iluk kino yagaheti andi, nebe inom, futnobagailenma re, haren i ekhe kino yaganetunem, an nen i inelugerinaferek mene eberogoat wokhe'le o,” iluk yagatikhe.

2 TIMOTIUS 4:14

Nen, at Aleksander tembaga mene posie hak hilingiterek mene a'nogo nen, an hokhorogoat weagetnafemo welagi. Mene re, at ninoe Enupogoren at hilingite andi higithogoat wene oba fagain werego.

ROMA 1:11

Hit hinendawinggen wurik asuageluk, Allah Areagun en wogisikherek mene andi, hit ekhe wokhisoageluk hinobagai we'le e, anggikhi lagi.

2 KORINTUS 4:4

A'nogo werek andi re, it afuni kweangma mene ineisena Iblis a'nogo nen inendawinggen Allah oba himbiret figi'lek mene andi, inendawinggen mumerinafikhemo werego. At Kristus Allah hanggeatma re, ebe fogeratarek wene, fano wene andi nen selegerinabugun meneat he, selegerinabinogo iluk, inendawinggen mumerinafikhemo werek andi.

2 KORINTUS 4:6

At Allah nen ikhi logolik he: ”O mum andi anggele'ma nen selek asuak,” iluk isikhe andi hak, arenat nit ninendawimo mum mene andi selegetninafikhemo welago. A'nogo logolik, at Kristus elokhonggen mo hangge amulit yatunem nineilenggen yethaluk he, at Allah fogeratarek mene a'nogo ebe ariginik iluk futfikhi logouwageluk a'nogo selegetninafikhe andi.

EFESUS 1:18

Arenat hinendawimo selegethinafunem, hiren he, ”Ninayonggo fesikhe mene a'nogo nen hobuk fanotninabigin,” iluk, hinendawimo hinagaiyekhogo oba eberek welagep mene a'nogo hinelu agik, yi mene ti mene fano mene fogeratu mondok logogun mene at againafuri wo'nisageluk hokhorogo andogorogo ninobagasikhe mene andi, hinelu agik,

IMAMAT 13:55

A'nogo wela'luk imam en ineil kwelakhugunemen filirogo kulumage fikherek mene andi re mondogat saga igi'lek, elokhe misik munen agi'lek halok, nen yi mene ti mene andoma ogo fili mene andi we elokhe fikhit ogo, ambot fikhit ogo hilingik halok, yi mene ti mene andoma re mondok emerek iluk endu nolhi logogun.

IMAMAT 14:43

Attak mene omanogo felelenghogo wulak fisaluk helep ket mene obali'mo fuluk agap endakwe fikhit ket meneba nek liliban higik wusumo nen, fili mene a'nogo nekhengge weregat halok he,