IBRANI 5:9 - Allah Wene Fano Wene Hupla Inane

⁹ A'nogo yanggulhi logolik, wurep kobokhogo hilingitikhemo nit at ane hologo logogun mene halok ninebe mondogat nineluk mondok-mondok logouwageluk at ebe telninaferek mene ero hilingisogo fesikhe andi.

IBRANI 5:9 Referans Kwoze

IBRANI 9:15

Andi nen he, wene warogo attak wo'ninafikhe mene andiba logolik, nit komore'lek weak hilingiti lagagu andiba ninebe hele warek hangge welagagu. A'nogo were'ma, at Allah nen Kristus wa'lagaikhe andiba hele fikhalninafikhesik he, nit aren wolnisasikhe mene halok ninom hune'luk, fano mene etok mondok logogin mene wo'nisageluk, wene ket mene warogo wo'ninafikhesik, Kristus ebe hulisanem menfesikhe.

IBRANI 2:10

At Allah andi re, yi mene ti mene at onggwarek faget, onggwaregenat elalhikhe mene nen, afuni at againafuri hokhorogoat fogerinafi logogun oba woginarek loageluk, kwe wanhikhe mene ebe Yesus aro. Arenat afuni elok telinabimbik woginarek laga logouwageluk yi enggin ti enggin hilik-hilik wa'lasuageluk anggasikhe andi re, elok angga hagat higithogo anggasikhe.

IBRANI 12:2

A'nogo laga logolik, omanggum ninendawinggen Yesus oba himbiret fouwageluk, arenat ninendawimo kagalhik, huli wurep oba fano katokhogo mondok asi loageluk, arenat kwelakninarek welagik, ikherek andi nen he, arat nit nineilenggen en waluk murok laga logouwogo. At endawimo nen he, ”Inenggali warogo inebe eba menfisaluk inoatarek andi hak, an a'nogo noasugun nenggali,” iluk anggigi'lek, we, ”An hobuk nendawimo nagaiyek anggagain,” iluk at ebe watu kwelek afe morogo wa'lagaikhesigen, hobuk eluk agaikhesik yogondak Allah kain welagarek oba andoma era'lu kainat werek.

KISAH PARA RASUL 5:32

A'nogo hilingite iluk nit nineilenggen furogo hogosigen, eberogoat, iluk yagahisikhi lago. Afuni Allah ane hologo hilingitorek mene halok, at Areagun wo'nisikherek andi ninom enat wene andi yagahisikhi lago,” iluk yagaisasikhe.

1 PETRUS 1:22

Ebe wene andi hinesanggo holhi logolik, hinendawimo nen weak mene horogo lakfisaluk, hinerugwi hinagaila'lak Allah againafuri mene eberogoat hinendawirogo hilingiti lagep andi, hinom hundik mondok logolik nendawi-hendawirogo hilingiti logoino o.

DANIEL 9:24

Inenggi yi teng ti teng kofokhogo wenatarek hak, 7 kali 70 tahun logogun andi ebe re, Afuni hat hinom hinunggulenu misigat mene hinebe o kota Allah onggwarek awi hat were'ma andoma logolik, Allah ane sagalogo hilingitik, weak hilingitik, ikhi lagep mene andi, Allah nen herakfisigik, sagalogo legetfisigik, higithogo hilingitu mondok logouwageluk esinet figik, ugunem he, Yi'nogo hilinglasigin, iluk habikanggo oba yethegen mene andi ebe agik, Allah onggwarek awi tegelek mondok welagaikhe mene weaget fesukwa mene andi hobuk fanot figik, igin mene faget, Allah nenat huli warogo fesikhesik hobuk ebe andi huliba hilingisigin mene faget hegenma o.

IBRANI 11:8

At Abraham ogo re, Allah nen ayonggo fesikhesik, ”Hat o ekhe eise logoinogeluk wokhesigen he, lano,” iluk abok yagatikhemo, aren he, ”Wene andi eberogoat,” iluk endawinggen Allah oba himbiret fuluk o koma lagain heat onggot logoligat wagaikhe.

ROMA 2:8

A'nogo meneat he, it afuni fena nen inonggwarek faget enek hilingiti logolik, ebe wene ugunem inesanggo hologo hilingiti'lek herakfisaluk, weak wene nek inesanggo hologo hilingitarek mene andi, Allah a'ma kwe het-pet imbik wene hokhorogo inoba fagain o.

ROMA 1:5

At wa'lagaikhemo nen Allah Areagun en eluget fesikhe andiba, an nen yi afuni ti afuni inunggulenu lombok inendawinggen at Yesus oba himbiret fuluk ane hologo hilingiti logogun mene yagaisugunem, at enu hokho asuageluk Allah obabut fano nen nayonggo fesikhesik laknobagai wagaikhe o.

ROMA 15:18

An nen wene hunogoat mene u nailo. We, it afuni endakwe mene Allah nen awe a'ma fisoageluk he, at Kristus nen nayonggo fesikhesik wene igik, enggi nen hilingitik, ilik wagaikhe andi nailo legat igin.

YESAYA 50:10

Yago, hit Tuhan legeisogo fikhi lagep mene yoma inom, nen At amingmingengge ane ugunem hologo hilingiti lagep mene inom yoma sani, ebekwe hit logoinkwe hokhorek logolik, hit hinobaget ombak-bak seleget hinafu mene ekhe werek oba nen ogore, hinendawinggen Tuhan oba tibetfuluk hineisena Allah ba himbirik logogun halok he fano o.

2 TIMOTIUS 2:10

Andi nen he, it afuni ekhe Allah nen wenaginafikhe mene halok, Kristus Yesus inom hunisumo inebe telinafik, ineluk fano mondok logouwageluk fanorinafik, uageluk he an a'nogoat weagetnafu kwelek nafe morogo welagirek andi.

ROMA 10:16

Mene re, afuni inebe mondogat fano wene andiat wanu mene re, it fena wanhi'lek werego. At Yesaya nen he, Allah yi'nogo yagatikhe: ”Nineisena. Niren wene yagaisugunem he, sa nen wene andi eberogoat iluk futfikhe nogo? Futfigi'lek enek werego,” iluk yagatikhe.

ROMA 6:17

Hit attak he, weak hilingitarek andi awe a'ma kuluk were'ma, hobuk, wene yagahisugunem, wene andi hinendawinggen oba wanhigip andi nen he, Allah hai wasuogo.

IBRANI 2:3

Andi hak he, nit yogondak telninabigin wene esin mene andi ninabit iluk herakfisogoin halok, weagetninabigin aro. Omanggum he, wene at ninoe Enupogot ebe nenat afuni ekhe yagaisasikhemo inesanggo holhukwa mene nen furogo yaganisasukwa mene eberogoat hilinglagaikhe.

YOHANES 19:30

A'nogo wogetukwama, enduk mikhasikhesik he, mel isikhe: ”Arat hilingiti o!” iluk isikhesik, ot soma isikhesik he, ebe arat wa'lagaikhe.

MATIUS 17:5

A'nogo yagatunem aremnogoat, ohena kut mene sebelinabi wagaikhesik, Allah ane ohena a'nogo anggele'ma nen mel yagaisasikhe: ”Namlogo nendawi e, noba liok ikhe. At ane nek holek logoino o,” iluk ane pogoroba pelabi wagaikhemo,

ZAKHARIA 6:15

Afuni re inebe o yat-patkwe nen we'luk An nawi andi wutunem leberisa waga logogun. Nen, o andi mondogat wusugun halok he, An Tuhan Nomame welagirek mene a'nogo nen hat it inoba lakhobagai wagi mene andi inelu asugun. Andoma mondogat he, iren An ineisena Tuhan Allah nawene melalek andoma fi-furogo futfuluk hilingitu halok enek he a'nogo hilinglasigin o,” iluk yaganetunem higi.

YESAYA 45:22

Hit afuni mondogat kweangma welagep mene yoma sani! Hineisena Allah re An namuat welagi, amu mene ekhe werek lek, andi nen he hit hinagap telasubagaigen An noba sugulogo waga logoni o.

MAZMUR 51:6

Hat hane sagalogo weak hilingiti o, Hane sagalogo figirik Hat helokhoma weak hilingiti o. Hat hendawimo weak anggikhi lagen meneat, heilhanem weak hilingitimo aro. Haren wene noba fegen andi re, fou higit obaat noba fegen o.

YUDAS 1:21

A'nogo ikhi logolik, hinendawimo nen, ”Ninoe Enupogot Yesus Kristus ninebe endawi nen, nit hobuk nabulal-habulal hilingninabigin,” iluk, nenangorogo logolik he, at Allah nen ninebe endawi andi re, hiren at hinom hundigat logoino o.

1 YOHANES 5:20

At Allah amlogo ninoba pi wagaikhesik, Allah ebe mene ninelu asuageluk ninendawinggen kagalogo yaganisasikhe. A'nogo yaganisasikhemo, nit he, Allah ebe mene amlogo Yesus Kristus emberek ninom hundik mondok welago. Nen, at Yesus re, ebe Allah ebe mene logolik nabulal-habulal ero arat welagarego.

2 TESALONIKA 2:16

At ninoe Enupogot Yesus Kristus, nineisena Allah inom inobabut fano a'nogo nen, inendawit ninafukwasik, ninendawinggen abolok lek mondok logouwageluk ago watninobagagik, fano asigin iluk oba eberek logouwageluk ninendawimo kagalhik, agarek.

KISAH PARA RASUL 3:15

Nineluget ninaferek mene ero ebe at meneat he, hiren watepma Allah nen he, ebe eluget fikhemo, nit nineilenggen eberogoat hogosigen yagahisikhi lago o.

LUKAS 13:32

at Yesus nen he, mel yagaisasikhe: ”Ap obabut mene olo mene obabut hangge andi, wene yi weak-weak yagasi lani o. An he, o yogondak inom, hobit inom, munggwarengge obabut weak mene afuni inendawimo nen henegeisogo wulakfisigik, ou warek mene halok, higirinafik, ikhi logombik he, nenggi henaganek oba nek he, an hilingisigin iluk wagagi mene arat eil hondologo kobokhogo hilingisigin o.

YESAYA 49:6

At Tuhan nen yaganeti logolik, ”Namingmingengge yi sa, hat he yabu hokho mene ekhe haren hilingisigin mene nenangot habi'lago o, haren he Yakub ombawi mene fena andem enek inambotkwe woginarek inaiba fisa wesigin he fuk, athe Israel mene inunggulenu lombok lego welagaikhe mene a'nogo obali'mo halfisagain mene andi nek he fugat, oba nen he afuni o kweangma mondogat inagap telinabuageluk, An nen hat hoba inunggulenu ekhe mene-ekhe mene omanogo selegerinafu mene hobagagin o,” iluk yaganete.

MAZMUR 51:8

Hat hendawimo re afuni inendawinggenma nen higithogo nek hilingiti logoilebe, iluk anggikhi lagenma re, Hat hendawinggen wenggelogo hilingiti lagen mene a'nogoba an nendawimo peterogo nobagakhi logoin o.

MAZMUR 45:17

Hat he, an noe raja welagen, it hambu hombalak kain mendek logolik hurek welagaukwa mene takhta a'nogoba hurek logouwageluk haren hamlogomi ap hokhorogo taginabigin, it inebe re afuni o kweangma yoma mondogat faget inenu werek mene logouwageluk haren menfisagain o.

KISAH PARA RASUL 4:12

At Allah nen, nit afuni kweangma yoma mene at ekhe nen telninabuageluk enu yaganisigi'lek andi nen he, alegat mene nen telninabigin elo'lego. We, at Yesus nen telninabuageluk, at alegat enu yaganisasikhe andi,” iluk yagaisasikhe.

YESAYA 55:3

Hit An nunggulenu mene andoma hinesanggo holini o, An nen hineluk mondok logogun mene wokhisagain enggere, An Noba waga logoni o. An nen nendawi hundik hilinghinafik, tiphogo nek hilingitu welagik, hilingiti logogin iluk Daud oba wene waretigi a'nogoba hilingi'mo re, An nen hit ninom wene mondok-mondok logogun mene wati lagi o.

FILIPI 2:12

Nerugwi nagaila'lak. Hinebe nendawi e. An ninom logolik, nane hundik-handigat ugunem hologo hilingiti lagagip andi hagat an yogondak nebe weat werek kwelek, nane andiat esinet fuluk he, hologo mondok hilingiti logoino o. At Allah nen, hiren hilingiti logobagaigeluk, hinendawinggen wenggelogo hilinghinafunem, hit hinendawimo nen he: ”I, nit a'nogo hilingiti logou ninamolo,” iluk, Allah endawimo amolo mene hilingiti lagep andi nen, at ebe hinailorogo hinoak elekwe lei'leik ikhi logolik: ”Aren telninabigin,” iluk andi fagerat hilingitu mondok logoino o.

IBRANI 1:14

Allah agoromi malaikat andi inebe re, ninggi'nogo hilingitarek mene nogo. It inebe inareagun hangge mene, nit Allah nen telninabigin mene halok lebe'nisikhi logouwageluk, aren inayonggo fuluk lakfisa wagarek mene aro.

IBRANI 9:28

at Kristus ogo re, nit afuni weak hilingitorek mene legetfisageluk enggi misigam faget wam Allah wareti lagaukwa andi hak, at ebe wa'lagaikhesik, hobuk wesigin andi, nit weak hilingitorek mene legetfisageluk wesigin fuk. Lego. We, nit afuni, at wagunem elokhoma nenangorogo welagorek mene halok, fanotninabigeluk wesigin o.