IBRANI 5:11 - Allah Wene Fano Wene Hupla Inane

¹¹ Wene andi faget he, niren hit yagahisogoin mene hokhorogoat werek meneat he, hit hinobabut, wene weak-weak futfou elo'lek andi nen, niren furogo yagahisogoin elo'lego.

IBRANI 5:11 Referans Kwoze

MATIUS 13:15

It afuni yi ineilenggen higik, inesanggo holhik, inendawimo ebetik, ilugen he, inobabut hebelumo hobuk an nen fanorinabinogo iluk he, iren inendawimo pugagik, inesanggo tagum agik, ineilenggen mum agik, ineranenat ineilenggen pugetfigik, hilingitukwa o, iluk Allah nen isikhemo Yesaya nen lisu palogo fesikhe andi higit asuageluk yagaisikhi lagi o.

2 PETRUS 3:16

Aren wene hundik-handigat lisu palogo hinoba lakfei waga logolik, wene andi mene faget ugu mondogat welagarego. Mene re, wene aren lisu palogo hinoba lakfei wagarek mene andi re, wene ekhe futfou elo'lek mene werego. Were'ma re, it ekhe inendawinggen pire abolok werek mene andi nen, wene andi inonggot logolik, wene Allah nen isikhemo Paulus nen lisu palherek mene andi inom, it ekhe nen lisu palhukwa mene andi inom, wene higit werek meneat he, hebelogo weaget fili'lagwi andi. Wene hebelogo weagetfikhi logolik, inonggwaregenat inebe weaget fakhili'lagwi andi.

KISAH PARA RASUL 28:27

It afuni yi, ineilenggen higik, inesanggo holhik, inendawimo ebetik, imbigen, inobabut hebelumo hobuk an nen fanorinabinogo iluk he, iren inendawimo puk agik, inesanggo tagum-tagum hilingitik, ineilenggen mum asuageluk ineranenat mumeratik, hilingitukwa o, iluk Allah Areagun en isikhemo, Yesaya nen lisu palhikhe andi,” iluk yagaisasikhe.

YOHANES 16:12

An nen wene hokhorogo yagahisa meneat he, hit yogondak ya wanuba re elo'lego.

YOHANES 6:6

A'nogo yagatikhe andi re, at Yesus nen hilingisigin mene elu logoligat he, at Filipus obabut paligeluk yagatikhe andi.

LUKAS 24:25

A'nogo yagatukwama, at Yesus nen he, ”Eige! Hinebe kembu a? Ap Allah ane yagaisikhi lagaukwa mene omanogo nen wene mondogat yagaisikhi lagaukwa a'nogo eberogoat iluk hit weak-weak futfigi'lek welagep yi ri!

MARKUS 8:21

aren he: ”Mene re, hit wene oan futfigi'lek welagep yoma ri!” iluk yagaisasikhe.

YESAYA 6:10

A'nogo yaganetesik ekhe ikhi logolik he, ”A'nogo hilingitunem it ineilenggen higik, inesanggo holhik, futfigik, uluk it inobabut hebella'luk he An noba inambotkwe wagunem, An nen it inebe fano hilinginafi hanogore, inendawinggen helep hak harot fisigik, inesanggo tagumet fisigik, ineilenggen humun fisigik ino o,” iluk yaganete.

1RAJA-RAJA 10:1

Afuni nen he, at Salomo ebe mondok kain enu o yi awi ti awi mondok lili'lago, iluk isukwama, he ratu aiba Syeba mene nen abok holhikhesik, wene onggo u mondok elo'lek mene heinok wokhagaluk oba o Yerusalem wagaikhe.

IBRANI 5:10

A'nogo hilingisogo fesikhesik, aren he, ”At Melkisedek hilingiti lagaikhe andi hak, hat hebe an eisewerek kain logoino,” iluk menfesikhe andi.

IBRANI 5:12

Hit he, Allah ane attagat wanhigipmo re, hiren it afuni ekhe yagaisa elok meneat he, elo'lek andi nen, wene attak yagaisagarek mene andi, it afuni ekhe nen inoba yagahisogoin o. It yenggerugwi sumburu haro mene nogoin elo'legen, inagaisa ineilak enek nunggu welagaikharek andi hak, hit he, wene wurik mene yagaisogoin elo'legen he, wene attak yagaisagarek andi mene nek yagaisikhi logogun hinobabut hisikhi lagi o.