IBRANI 5:1 - Allah Wene Fano Wene Hupla Inane1 It ap Allah eisewerek inogogwi kaindek inebe lombok andi re, afuni Allah againafuri nen, ap it mene ekhe Allah faget hilingiti logolik, it mene yi mene ti mene fugunem, Allah wogetik, weak hilingitarek mene faget inanggo waluk wagunem waretik, ikhi logouwageluk wenagaisogo menfisagarek. Gade chapit la |
IBRANI 5:1
17 Referans Kwoze
At ap enu Kain en, we mene Allah wogetikhe meneat he, at Habel andi nek he, endawinggen Allah oba himbiret fuluk fano mene Allah wogetikhemo, aren he, ”Habel enek he, obabut higit fano higi,” iluk isikhe. A'nogo isikhesi'mo nen, at Habel ebe wa'lagaikhe meneat he, endawinggen Allah oba himbirik logolik hilingitikhe andi, aren, ”An yi'nogo hilingiti,” iluk yaganisili'logo hangge mondok werego.
Wene andi, ebe yogondak hilingiri'logo mene faget alik waganek welagaikhe. Wene alik waganek mene andi higithogo hilingiti logouwageluk, sumburu inom, i inom, yi'nogo ninggi logolik, yi mene ti mene oba yi'nogo horati logogun, iluk Allah nen yagaisasikhe mene higithogo hilingiti logolik, inanggo Allah faget wareti lagaukwa andi, Allah nen wene ket ebe mene oan hilingiti'lek werek kwelek, kweangma elama faget logolik, alik waganogo hilingiti lagaukwa andi nen he, wene inoba lek iluk inendawimo katokhogo selegetfogoin elo'lek welagaikhe.
It ap Allah eisewerek kaindek andi re, hundik-handigat inonggwarek weak hilingitarek mene faget tak inanggo Allah faget waretaresigen, hobuk afuni ekhe weak hilingitarek mene faget inanggo Allah faget warogo wogotarek meneat he, at Yesus enek he, nit weak hilingitorek mene faget ninanggo Allah waresu hak, at ebe misigamat faget wa'laga logolik, ebe Allah wogetikhe andi.
A'nogo hilingitikhe andi re, yi'nogo iluk. Nit afuni weak hilingitorek mene, aren legetfisageluk, at ebe Allah eisewerek kain logolik, obabut Allah faget hombunhogo hilingitik, nit afuni endawitninafik, higirat ikhi logoigeluk, at ebe nit afuni erugwi agaila'lak hanggeat agaikhesik, nit hilingitorek mene mondogat ninobabut wanu hagat wanhikhe andi.
A'nogo mondogat yagaisasikhesik at Musa nen Harun yagati logolik, ”Tuhan nen a'nogo hilingi'no ikhe higithogo, wam warogo nolhuba omanogo laluk inaweak leget fisoageluk nolhu mene inom, Tuhan endawimo agaiyeget fugu mene inom, hit hinaweak inom, it afuni mondogat inaweak inom Tuhan nen lek hilingisogo fouwageluk At ane ikhe mene higithogo fik-foukhogo hilingisi lano,” iluk yagatikhe.
Piblisite