IBRANI 3:9 - Allah Wene Fano Wene Hupla Inane

^9-10 Allah nen he, O andoma nen o mo lagagik, pigik, ugu kwelek 40 tahun logolik, an nen hit hinombalak hilinginafunem ineilenggen en tomok hikhi lagaukwa meneat he, At omame werega? Lega, iluk lalnafik, nobabut palhik, ikhi lagaukwa. A'nogo hilingiti lagaukwa andi nen, an na'mage inoba fikhi logolik he, mel yagaisasigi: Hinobabut nong-hongsek logolik nane furogo wanugun hinabit andi nen,

IBRANI 3:9 Referans Kwoze

KISAH PARA RASUL 7:36

Ayonggo fuluk lakfesikhemo re, afuni Israel mene inebe woginarek wulibi wagaikhe andi, at Musa nen aro. Woginarek wulibi waga logolik he, o Mesir andoma inom, i yenggelek enu Laut Merah andi inom, o leimo afuni le'ma andoma, o mo lagagik pigik ugu kwelek 40 tahun logolik inom, it afuni nen wene futfouwageluk ekhe hilingisu lek mene elalinat hilingirik wagaikhe andi, at Musa nen aro.

ULANGAN 4:9

Hit hineluk logolik, wene hilinglagunem hineilenggen tomok hegep mene andi hinendawimo eberek mondok logoubagaigen he, wene yagahisigi mene andi fanorogo futfembik he, hinendawimo eberek mondok logoino o. A'nogo logolik he, hiren hinagainafuri inom, hinombalak inom, wene hilinglagaikhe a'nogo mene yagaisikhi logoino o.

YOSUA 24:7

Telninabin o, neisena, iluk inane hokhorogo yaganetukwa. A'nogo yaganetukwama, An nen he, it honggolek, it ap Mesir mene honggolek, tulem andoma o mum hilingisogo fesigisik, ap Mesir mene inebe i laut yenggele'ma sebelinafigimo inebe mondogat i lagaukwa andi. An nen ap Mesir mene hilinginafigi andi, mondogat hit hineilenggen hasigibo. Nen, hit o leimo afuni le'ma andoma ekhe inom hogoat welagagip andi.

ULANGAN 8:4

Andi nen he, 40 tahun andem oba logolik, hit hinasu mondok libilagik, hineisok fitik, igi'lego.

ULANGAN 4:3

Nit nineisena Tuhan Allah nen tom Peor oba nen hilingninafunem hineilenggen tomok arat hasigip anggigi. Aren he, it afuni ekhe tugwi kembu Baal mene fogerati lagaukwa mene inebe lombok inoati logolik,

KELUARAN 19:4

”Hit he, An nen afuni Mesir mene inoba hilingfigirik, hit hinebe sue rajawali nen eagwi ogolabi amboloba woginarek lagarek andi hak, An nomame hokho meneba An noba yoma hinobagai wagi andi hineilenggen arat hegebo.

KISAH PARA RASUL 13:8

A'nogo inayonggo fesikhe meneat he, ap wesagun Bar Yesus andi, it afuni Yunani mene inaneba enu Elimas ikhi lagaukwa mene andi nen he, ap kain gubernur andi wene wanimbik endawinggen Yesus oba himbiret feinogo iluk, Barnabas Saulus emberek inane sebeligeluk isikhe.

LUKAS 7:22

Yohanes agoromi wagaukwa mene omanogo mel yagaisasikhe: ”Hiren he, an yi'nogo ti'nogo hilingitunem hineilenggen niigik, wene ugunem hinesanggo holhik, egep mene andi, at Yohanes furogo yagasi lano o. Ineilenggen mum mene fenggenogo fano agik, inawe wut warek mene kwe lagik, inoba henanggo inailo mene higirinafunem fano agik, inesanggo tagum mene huakhogo holhik, warek mene inelugerinafik, it ekhe inagarek lek mene fano wene yagaisigik ugunem hineilenggen neegep a'nogo furogo yagasi lano.

AMOS 2:10

An nen hit hinebe o Mesir en wokhinarek wulibi wagagisik, o leikwe afuni mondogat lekwe nen wokhinarek wagu kwelek 40 tahun hilinglagaikhe. A'nogo wokhinarek wagagisik, afuni Amori mene inaiba yoma hit eise asubagaigiluk wokhisasigi.

YOSUA 23:3

Hit hinalisikhogo hineisena Tuhan Allah nen yi ekhe mene ti ekhe mene afuni inunggulenu mondogat yomaba hilingfisasikhe mene hiren mondogat hikhi lagep. Hit hinobaget hilingite mene re At hineisena Tuhan Allah amu nenat hilingite o.

ULANGAN 29:2

At Musa nen afuni Israel mene omanogo mondogat kaboge'ni iluk yagaisasikhemo, it mondogat kabogetukwama yagaisikhi logolik, ”At hineisena Tuhan nen raja Mesir mene inom, agoromi eabu inom hilingitarek mene inom, o sili abirengge inom, oba hilingfisasikhe mene a'nogo hit hinamu-hinamu nen hineilenggen mondogat hasigibo.

ULANGAN 8:2

At nineisena Tuhan Allah nen he, hit hinendawimo anggaluk ninggi'nogo hilingisugun. Wene an nen, yi'nogo hilingiti logoino, ti'nogo hilingiti logoino, iluk komothinafi wene andi hologo higithogo hilingiti logogun a? Lega, iluk hinobabut paligiluk, kwe yatkwe nenat o leimo afuni lekwe wokhinarek wagu kwelek, 40 tahun hilinglaga andi hinendawimo ebe'ni o.

BILANGAN 14:33

Nen hit hinobabut lombukhogo hilingiti lagep lek andi nen he, hit hinagainafuri o leimo afuni le'ma yoma 40 tahun logolik wam konik nikhi logogun. A'nogo hilingirik nugunem enggin-fenggin hikhi logogun-logogun he ambisangma nen inagainafuri andi mene wurep kobokhogo wa'lasugun.

KELUARAN 20:22

At Tuhan nen Musa oba it afuni Israel mene faget yagaisoagaluk yagati logolik he mel yagatikhe: ”An Tuhan nebe pogoroba nen nane ugunem hiren hineilenggen mondogat hegep andi.

ULANGAN 11:7

We hit hineil tomok At Tuhan nen alonghogo hilingiti lagaikhe aple a'nogo hikhi lagagip,” iluk yagaisasikhe.

MAZMUR 95:9

An nen yi wene ti wene elalin mene omanogo hilingitunem ineilenggen niikhi lagaikhasigenat he, Iren andoma nen An nobabut palugun mene nek hilingiti lagaukwa.