IBRANI 3:12 - Allah Wene Fano Wene Hupla Inane

¹² Halok he, nerugwi nagaila'lak. Hit ekhe hinobabut weak a'luk, hinendawinggen Allah eluk mondok welagarek mene oba himbiret figi'lek logolik, at ebe herakfisaluk hinambotkwe wulibi lanogo iluk, hinobabut hebelogo logoino o.

IBRANI 3:12 Referans Kwoze

YEREMIA 17:5

Tuhan nen yagaisikhi logolik, ”Ap ekhe An eisena Tuhan a'nogo oboget nealuk, endawinggen afuni mene inoba himbirik welagik, onggwarek omameba tipsek welagik, hilingitu werek halok he ap andi re homan ugu logouwak.

YEREMIA 7:24

Oba nen he, iren holhi'legengge hilingitik, fut figi'lek welagik, hilingiti lagaukwa. A'nogo hilingiti logolik iren he ina'mageba nek wene mondok kwanirek mene omanogo hilingiti lagaukwa. It inebe re fano aga lagaukwa lek, meneat he ekhe inom mondogat inanini weak mene aga lagaukwa.

YEREMIA 17:9

Afuni inendawinggenma re yi'nogo hilingik iluk futfisa lek hak, yi mene ti mene andoma we endep harek hak, oba nen he afuni inendawinggen andi re awulagam mondok weak, nen obabut ogore mondok weagat.

YEREMIA 18:12

Oba nen iren onggo ikhi logolik, ”Andi re ero nena mene faget nogo? Nit he ninonggwarek ninendawimo anggugu mene nek hilingitu logogun! Nit ninamu-ninamu ninonggwarek ninendawinmo nen wenggelhaluk ninaniniba hilingitu aple andoma nek hilingiti logogun o,” iluk ugun o yaganete.

IBRANI 12:25

It afuni Allah ane kweangma yagaisugunem inesanggo holu inabit welagaukwa mene, inebe ineluk herakfisigi'lek inoati lagaikhe andi. Halok he, nit yi ogo re, wene pogoroba nen yaganisugunem ninesanggo holu ninabit logogun halok he, ninoati'lek herakninobagagin anggegeba? Lego. Mondok ninoasigin andi nen he, at ane ugu kwelek hinesanggo holhi'lek, ”Ninabit,” iluk herakfisanogo nen he, hinebe hebelogo logoino o.

1 KORINTUS 10:12

Andi nen he, hat ekhe hendawimo nen: ”An nendawinggen wurik, mendek welagi o,” iluk anggegen halok he, sanokhogo lagi hanogoluk hafe hebelogo logoino.

IBRANI 10:38

At wesigin andi, oan wagi'lek werek kwelek, it an nagainafuri wene inoba korogo an ninom hunogo inobagagi mene halok inebe lombok, inendawinggen noba himbiret fuluk logogun oba ineluk logogun. Meneat he, afuni it mene ekhe inambotkwe wulibugun mene halok inebe lombok, it andi inoba an nen nagaiyek welagi lek. andi nen an nabiro,” iluk isikhemo lisu palogo fesukwa.

YEREMIA 11:8

iren An ninom wene watugu mene andi hologo hilingiti logouwageluk yagaisikhi lagi. Oba nen he, holhi'lek logolik nane hologo hilingiri'lagwi lek, iren he inendawinggen peterek logolik attak hilingiti lagaukwa hakhogo inobaharo werek. Andiba re wene warek werek mene andiba unggum inoba asigin mene iluk palek werek mene a'nogo re An nen it inoba figi andi o,” iluk ikhe isikhe.

IBRANI 12:15

Afuni hit mene ekhe Allah obabut fano nen wo'nisikherek mene andi herakfisaluk wulifunem he, awingge awi ale weak mene fulelek were'ma, fano mene oba a'luk alet fikherek andi hak, at andi nen afuni mondogat weagerinabinogo iluk hineilenggen fanorogo logoino o.

YEREMIA 16:12

Oba nen hiren he ekhe inom hinanini mondok weak hilingiti lagep. Hit he hinendawinggen mondok peterek logolik, kwanirek mene omanogo hinendawimo nen anggaluk enek hilingitu welagep. Hiren An nane hologo hilingiti lagep lek.

MARKUS 13:33

Mera hilinglasigin hit hinonggorat andi nen he, hinobabut hebelogo kagalek logoino o.

MATIUS 24:4

at Yesus nen he, ”Afuni nen lalhinabinogoluk he, hinobabut hebelogo logoino o.

YEREMIA 3:17

Andem sambul o Yerusalem faget he, ”Takhta Tuhan,” ebe werek oba iluk ikhi logogun, nen yi afuni ti afuni inunggulenu lombok he o kota andiba An napne wanuogeluk kabogesi waga logogun. Iren he it inendawimo nonghonghogo wenggelharek mene inom, inaniniba hilingitarek mene andoma inom murok lagik, ikhi logogun mondok lek.

YEREMIA 2:13

An nagainafuri nen he weak ebe pire mene yi'nogo hilingita: An nebe inelugerinafirek mene it inagai elesi a'nogo re inambotma heraknobagagasik, i mogo habulik mene forogo lagunem i yenggelu elo'lek welagarek andi higit hilingfakhaga o,” iluk ikhe.

AMSAL 1:32

It ap inendawimo inabit mene andi nen an heraknobagaluk wulibugun mene andi hobuk inebe wa'lagik, afuni kembu mene an nane seramet fagarek mene andi hobuk inebe alomat lagik ugun o.

MARKUS 13:9

A'nogo hikhi logolik, hit he, hinobabut hebelogo logoino. Afuni ekhe nen he hinenggi hele warogo ap kaindegen hinanema wanuageluk wokhinarek lagik, o afuni Yahudi mene samban agarek oba nen yei hinoatik, ugun o. A'nogo imbik he, it yi Yesus agoromi iluk, it ap pemerintah mene kaindek inom, inenupogot inom, wene hinoba fouwageluk inelokhoma menhinobagaumo, andi sambul fanoasuak he an hilingitunem hineilenggen niikhi lagep mene fakhogo yagaisogoin o.

HOSEA 1:2

At Tuhan nen an Hosea nayonggo fikhesik wene afuni Israel mene yagaisoageluk attak-attak yi'nogo yaganete: ”An nagainafuri o yoma re An noba lombokhogo welagi'lek hera'nobagaluk wulibi'lagwi o. Andi higithogo re haren he yanani nilik nikherek mene andi waganogo hagainafuri at obabut hanggeat taginabino o,” iluk yaganete.

1 TESALONIKA 1:9

Iren wene mel ili'lagwiat: ”It afuni o Tesalonika mene nen, Paulus lak inebe woginafasik he, eberogoat he, Allah eluk mondok welagarek mene andi aro, iluk awe a'ma logolik, at faget hilingitik, at amlogo pogoroba nen pi wesigin andi ebe nenangorogo welagik uogeluk he, tugwi kembu herakfisaluk inelokhe hebelogo Allah wogetukwasik werego. Allah nen amlogo wa'lagaikhemo nen eluget fesikhe a'nogo ebe Yesus andi aro. Nen, Allah a'mage afuni inoba fagain sambul he, nit Yesus andi nenat telninabigino,” iluk, hinabok fano ili'lagwi aro.

MAZMUR 18:21

An nobabut oba eberogo mene nek hilingiti lagimo re At Tuhan nen onggo higithogo nek hilingnobagali'lago, nen an weak mene ekhe hilingiti lagi lek andi nen he Aren an fanotnobagali'lago.

AYUB 22:17

It ap ariginik mene andi re At Allah Omame Mondok Hokho mene a'nogo ninabiro, iluk kofologo herakfuluk logolik iren ikhi logolik he, ”At Allah nen nit ninoba yi'nogo ti'nogo ekhe hilingninobagau lek hak,” iluk anggikhi logolik hilingiri'lagwi.

ROMA 11:21

It he, e enggi ero ebeba hundik mene endawirinafi'lek palogo lakfisasikhe andi. Halok, hit endawithinabimbik herakhinobagagin nogo? Lego.

LUKAS 21:8

at Yesus nen he, mel yagaisasikhe: ”Afuni nen lalhinabinogo nen he, hinobabut hebelogo logoino o. Afuni inebe hokhorogo nen, inenu an nenu mene salogo nen mel ilik wesugun: At wesigin isukwa a'nogo an nebe wagi yi aro, igik, hilinglasigin a'nogo arat horogasi waga o, igik, ilik wesugun a'naga, it andi inane hinesanggo holfuluk inombo'ne lagubo.

MARKUS 13:23

Wene andi oan hilinglagi'lek werek kwelek husumbi tak yagahisigi andi hinebe hebelogo logoino o,” iluk yagaisasikhe.

MATIUS 16:16

at Simon Petrus a'nogo nen he, ”Hat hebe re, Kristus Allah eluk mondok welagarek mene amlogo, nit telninabuageluk aren lakfei wesigin iluk abok yaganisasikhe a'nogo aro,” iluk yagatikhe.

AYUB 21:14

Iren Allah ba ikhi logolik he, nit he Hat he nit nineluk welago mene yi ninobaget hendawimo anggikhi lagen mene inom, hendawimo ebeti lagen mene inom, andoma ninonggotma re futhobagagun ninabiro, ”Nit welagoba ya hera'ninobagaluk yatma lan o!” iluk isukwaba nen.

KEJADIAN 8:21

A'nogo warogo noletikhemo amben fano mondok lagasikhemo re, Allah endawimo fano agaikhesik, yi'nogo anggasikhe: ”It afuni inobabut a'nogo hilingiti logogun andiba, An nen kweang andi hobuk homan fagain lego. It afuni andi inebe oan oba nen inobabut weak hilingisuogeluk ebeti logogun nelu meneat he, yogondak afuni inebe inom, yi mene ti mene eluk welagarek mene ekhe inom, legetfisigi andi hak hobuk legetfisagain mondok lego.

YESAYA 59:13

Nit he taganhogo hilingiti logolik Tuhan hane oak sagalogo fuluk hilingiti lagoma re, nit nineisena Allah a'nogo hombo'ne waga lago lek andi o. Niren he ap amu mene sebelogo fisikhi logolik lalfalhogo hilinginafi lago, niren wenggelhi lago mene andoma re nonghongsek mene nek wenggelhik, ninane ogore lalinafu mene nek igik, ikhi lago.

KOLOSE 2:8

A'nogo ugu were'ma, afuni ekhe inendawimo wenggelek mene hak, wene we mene ineranhogoat yagahisikhi logolik, lalhinabinogo iluk he, hinobabut hebelogo logoino o. Wene andi re, Kristus nen isikhe mene higithogo ili'lagwi fuk. We, afuni ta'larik-ta'larik wagu kwelek, inombalagen he: ”O yoma yi mene ti mene himbirengge re, munggwarengge inobabut weak mene andi aro,” iluk ikhi lagaukwa mene higithogoat lalhinabi'lagwi andi.

IBRANI 3:1

Andi nen, Allah againafuri at onggwarek faget fakhasikhe mene nerugwi nagaila'lak. At Allah pogoroba nenat hit ninomat ninayonggo fesikhemo wene wanhugusik fakhogo ikhi lago andi faget, at Yesus ebe Imam Agung logouwageluk, Allah nenat lakfei wagaikhemo werek andi nen he, hit hinendawinggen oba nenat futfikhi logoino o.

IBRANI 3:19

It andi inendawinggen Allah oba himbiret figi'lek hilingiti lagaukwa andi nen, set wala kugun mondok elo'lek agaikhe, iluk nit yogondak futfikhi lago o.

IBRANI 9:14

It inagap endakwe mene faget wam amep elo'lek meneba elok fano horinafi lagaukwa. Halok, nit Kristus amep esin meneba, ”Wene hinoba lek,” iluk ninendawimo selekhogo elok mondok ninobagaikherego. Nit Allah eluk welagarek mene endawimo fanorogo hilingiti logouwageluk, wam esi fano mene Allah wareti lagaukwa andi hak, at Kristus Allah Areagun etok mondok welagarek mene omameba, wa'laga logolik, ebe Allah wogetikhe andiba, nit attagat lek asigin mene tulemat hilingiti lagagu mene, aren, ”Wene hinoba lek,” iluk, at amep oba ninendawimo selekhogo ninobagaikhemo welago.

IBRANI 10:31

Wene a'nogo inoba fagain andi, nit weak hilingitunem ninebe Allah eluk mondok welagarek mene enggiba ninobagaikhe halok, ninailo mondok asigin andi.

IBRANI 12:22

It andi hangge meneba wagaukwa meneat nen, hit enek he, tom Sion Allah eluk welagarek mene awi sili o kota Yerusalem pogoroba meneba wagep andi. Andoma re, malaikat esa yi esa ti esa hokhorogo inom,

YEHEZKIEL 14:5

Tugwi kembu andoma mondogat oba re An nagainafuri inebe mondogat omanogo ninom eil uanhogo hilingninobagaga, oba nen he An nen onggo igin mene andiba re An nagainafuri andoma nekhengge sugulogo nambit wesugun logouwak,’ iluk ikhe o.