IBRANI 13:23 - Allah Wene Fano Wene Hupla Inane

²³ Nen, ninagot Timotius a'nogo re, ebe arat hele fikhalogo wulakfagama nen hinelurogo logobagaigeluk yagahisigi o. At ebe weak-weak an nea waga halok he, an hobuk hit hisa waga logolik nemberek wesugun o.

IBRANI 13:23 Referans Kwoze

FILEMON 1:1

Filemon nagailage. Nagailak nemberek Kristus faget hilingitorek mene hebe nendawi e. An Paulus, Kristus Yesus faget nenggi hele warogo nobagagama welagi mene a'nogo, ninagot Timotius nemberegen, hat hebe inom, Allah againafuri ekhe hat haiba andogotarek mene inom, ninerei Apfia inom, ninagot Arkhipus, weim yafarek hak, Allah faget ninom ninomamerogo hilingiti lago mene a'nogo inom, wene yi lisu palogo hinoba lakfei wago andi.

1 TESALONIKA 3:2

Werek kwelek he, at ninagot Timotius, fano wene Kristus hilingitikhe wene a'nogo ninomat, Allah faget yagaisilik nikhi lago mene a'nogo, afuni nen yi enggin ti enggin hilinghinabi'lagwi andi nen, hit hinendawinggen Kristus oba himbiret fesigip mene abolok inogo iluk, hinendawinggen ago wathinafik, komothinafik ikhi logouwageluk hinoba lakfei wago andi o. Yi enggin ti enggin hilinghinabi'lagwi andi, Allah nen wena'ninafi logoligat: ”A'nogo hilinghinafi logogun,” iluk isikhe hagat hilingninabi'lagwi andi hineluaro.

2 TIMOTIUS 1:8

Andi nen he, ninoe Enupogot abok afuni ekhe yagaisageluk henggali legat fakhogo yagaisigik, nen, an at fagerat nenggi hele warogo nobagagama welagi yi faget, henggali lek halonghogo welagik, ikhi logoino. A'nogo ikhi logolik, afuni ekhe nen fano wene andi faget, yi enggin ti enggin hilingninafu kwelegat, an Allah omameba welagirek hagat, hafe morogo logoino.

WAHYU 7:14

Heinok a'nogo wo'niugunem, an nen he, ”Noe, an nonggot. Hat enek he, helu welagen o,” iluk yagatunem, aren he, mel yaganete: ”It afuni yoma re, o kweangma were'ma afuni ekhe nen yi enggin ti enggin hokhorogo hilinginafunem, Allah nen telinafikhemo, inasu Domba Eak amep oba arat kut mondok sobalaga mene o.

FILEMON 1:22

Hit mondogaren an faget samban Allah ayonggo fikhi lagep andi nen, aren hobuk nenggi hele fikhalogo wulaknobagambik, hinoba wo'narek wesigin anggikhi lagi. Halok he, an hobuk hinoba wesimbik nogo igin oba faget, hat haiba andoma o senggelek ekhe tegelogo nobagaluk logoino.

1 TIMOTIUS 6:12

Afuni inawe walhouwogeluk sa awewerek-sa awewerek walhagarek hak, nineluk mondok logogun andi mene hela lageluk, hendawinggen Allah oba himbirik logolik, at faget homamerogo hilingiti logoino. A'nogo hilingiti logombik, andi mene hela lanogeluk, Allah nen hayonggo fesikhemo, haren he, ”Nendawinggen Kristus oba himbiret fuluk yi'nogo hilingiti logogin,” iluk afuni hokhorogoat ineilhanem fakhogo isigin andi higithogoat homamerogo hilingiti logoino.

ROMA 15:28

A'nogo arat fisaga mene andi, a'nogo Allah faget fisaga mene andi an nen it Yerusalem mene arat wogisa lagi halok he, o Spanyol lageluk waga logolik, hinoba fa'larik wesigin o.

ROMA 15:25

It afuni o Makedonia mene inom, Akhaya mene inom. inomen inendawimo kagalogo it mene andogorogo it afuni Allah againafuri inenggi lek mene ekhe o Yerusalem welagaikharek mene andi fisaga mene werek andi nen, yogondak an nen waluk leberisageluk o Yerusalem lagain o.

KOLOSE 1:1

Hit Allah againafuri o Kolose andogoti lagep mene Kristus hinom hundik logolik, at faget hinobabut humbunhogo hilingiti lagep mene nerugwi nagaila'lak, an Paulus Allah endawimo anggasikheba Kristus Yesus nen nayonggo fuluk laknobagai wagaikhemo wagagi mene a'nogo, ninagot Timotius nemberegen wene yi lisu palogo hinoba lakfei wago andi. Nineisena Allah obabut fano a'nogo nen, fano mene wokhisigik, hinendawinggen hambuget hinafik, ikhi logouwago.