IBRANI 13:16 - Allah Wene Fano Wene Hupla Inane

¹⁶ A'nogo hilingiti logolik, afuni ekhe fano hilinginafik, leberisigik, ikhi logouwok. A'nogo hilingiti logogun andi re, Allah endawimo fanorogo anggo waretarek andi hak hilingiti logogunmo re, oba ninonggot asugun mondok lego.

IBRANI 13:16 Referans Kwoze

2 TESALONIKA 3:13

Nerugwi nagaila'lak. Fano mene hilingiti logolik, hinaberali agi'lek hilingiti logoino o.

ROMA 12:13

Allah againafuri mene ekhe yi mene ti mene le'ma werek halok sumburisigik, ap pok inebe hinonggot mene wagunem hinaiba fanorogo woginafik, ikhi logoino o.

GALATIA 6:10

Mene re, nit o yogondak fano mene hilingisu elok welago yaba re, afuni ekhe inebe mondogat leberisikhi logoligat he, esin hangge re, ninerugwi ninagaila'lak inendawinggen Kristus oba himbirik werek mene halok fanorogo leberisikhi logouwogo.

IBRANI 6:10

At Allah obabut he, weak hilingiterek mene fuk. At higithogo nek hilingiterek andi nen he, hiren at faget hilingiti logolik hinerugwi hinagaila'lak Allah againafuri mene ekhe hinendawi nen attak leberisigik, hobuk leberisigik, ikhi lagep mene andi, aren hit hinoba onggot asigin lego.

1 TIMOTIUS 6:18

It andi fanorogo hilingiti logolik, inagarek hokhorogo logou hak he, afuni ekhe fanorogo leberisikhi logolik, inagarek lek mene wogisigik, sumburisigik, ikhi logouwageluk komorinafi logoino.

FILIPI 4:18

Yogondak he, hit lebetneegepma, heligirik, an mondogat namolo anggikhi lagi mene higit agasik fena tindu ikhe aro. Ap Epafroditus oba fegepma wo'nesi wagama nen, nenggi werek aga. Hiren an lebetneegep andi re, wam Allah faget warogo endu noleti logolik amben fano mene liak etunem, at endawimo fano agarek hak, a'nogo lebetneegepma, at Allah endawimo fano aga o.

EFESUS 4:28

Hit ekhe nen yogot wanhi lagep mene halok, hobuk a'nogo wanhi'lek logolik, it inenggi lek mene leberisikhi logouwogeluk, hinonggwarek yabu hinenggi omamerogo wanhi logoino o.

1 TESALONIKA 5:15

Afuni nen hit ekhe weaget hinafunem, onggo-onggo weagerinafi'lek logolik, hit-hit faget inom, afuni mondogat faget inom, inobabut fanorogo hilingitarek andi meneat esinet fikhi logoino o.

LUKAS 18:22

at Yesus esanggo holhikhesik he, mel yagatikhe: ”Wene misigat enek ekhe hilingiti'lek welagen o. Hat hangge andoma felelenghogo it ekhe inoba onggo pali lano. Onggo paliluk he, onggo wokhesugun mene andi it afuni ekhe inagarek lek inelagaik mene andi mondok sumburogo wogisano o. A'nogo arat wogisegen halok he, hat pogoroba mene hokhorogat eisewerek asigin o. Halok a'nogo arat sumburogo wogisaluk he, an nombo'ne nikhi logoinogen we'no o,” iluk yagatikhemo,

MAZMUR 37:3

Hinendawinggen Tuhan oba himbirik logolik he, fano mene nek hilingiti lo goino. Hinebe hinawi welagep oba andiat logolik he, hinobabut higithogo nek hilingiti logoino.

3 YOHANES 1:11

Nagailage, hebe nendawi. Haren he, it afuni inobabut weak hilingitarek mene andi, inobabut wanhuno. We, it inobabut fano hilingitarek mene halok, inobabut wanhi logoino o. Sa nen obabut fano nek hilingiterek mene andi ebe Allah againafuri meneat he, sa nen obabut weak enek hilingiterek mene halok, aren Allah ebe eilenggen hikherek lek, onggoraro.

GALATIA 6:6

Nen, at ekhe nen fano wene yagahisugunem hit hinesanggo holhi lagep mene nen hinangge fano mene werek halok wogisikhi logoino.

FILEMON 1:6

Nit ninendawinggen Allah oba himbiret fuluk, ninerugwi ninagaila'lak Allah againafuri ekhe inom, Kristus ninom hundik were'ma, aren yi mene ti mene fano mene wo'nisugunem futfogorek mene andi, hobuk hokhorogo futfouwogeluk Allah ayonggo fikhi lagi.

FILIPI 4:14

Higit logou hak meneat he, an nenggi lek were'ma, hiren lebetnafi lagep andi fano mondogo.

KISAH PARA RASUL 9:36

O Yope andoma, he ekhe enu Paik enu mene, afuni Yunani mene inaneba enu Dorkas u hak, it inaneba Tabita iluk ikhi lagaukwa mene welagaikhe. At he andi, Tuhan Yesus ane wanhikhesik, yi mene ti mene fano hilingiti logolik, afuni inenggi lek inelagaik mene leberisugu mondok welagaikhe.

MAZMUR 51:19

Allah hobaget wam warogo nolhesu hak he, nit weak hilingito halok, nit weak hilingito iluk, ninendawinggen warugu logolik, ninafe hebela'luk Hat hoba wagunem, Haren he,” It hilingita andi weak hilingita iluk obokhogo herakfisigi'lek, hilingiti lagen mene andi aro.