IBRANI 13:15 - Allah Wene Fano Wene Hupla Inane

¹⁵ Andi nen he, at Yesus ninom hundik logolik, niren he, ”Allah neisena,” iluk wam warogo at faget wogeti logou hak, hundik-handik ninambeba Allah enu hokhorogo fogeratu mondok logouwogo.

IBRANI 13:15 Referans Kwoze

MAZMUR 50:14

Hiren An nobaget wam yi mene ti mene warogo wo'nesu hak he, An hai warogo wa'neti lagep mene andi wo'neti logoni o, Nen hiren At Lego Mondok welagarek mene hinom wene wati legep mene andi nek tiphogo hilingiti logoni o.

ROMA 12:1

Nerugwi nagaila'lak. At Allah ninebe endawi iluk wene ekhe hinendawimo wenggel fuluk, Allah anggo wareti lagaukwa hak, hinebe hineluk meneat, at onggwarek faget fisaluk, at endawimo fanorogo wogeti logoino o. At awe a'ma logolik he, at faget hilingisugun mene a'nogoat hilingiti logoino o.

1 PETRUS 2:5

A'nogo fesikhemo, hit hinebe helep eluk welagarek andi mene hangge logolik, at oba we'nio. At oba wagunem, Allah nen he, at onggwarek awi wurogo hinobagauwak. At awi wuri'mo, hinebe Allah eiseweregat Yesus Kristus hinom hundik logolik, Allah endawimo fanorogo anggo wareti logou hak, hinendawinggen wogeti logoino o.

HOSEA 14:2

A'nogo isikhemo, an nen afuni Israel mene yagaisikhi logolik mel isigi, ”Hit afuni Israel mene yi. Hinebe nineisena Tuhan Allah oba hinambotkwe we'ni o! Hit weak hilingiti lagep oba, hineisok peikhogo hinebe warikhi lagep.

YESAYA 57:19

An nen ap yatkwe werek mene inom, horok-horokwe werek mene inom, fano liokhogo welagaikharek mene afuni mondogat inoba wogisagain. An nen nagainafuri fano higirinabigin.

2 TAWARIKH 33:16

A'nogo hilingfuluk, aren he Tuhan obaget hilingiti logolik wam warogo nolhuba mezbah a'nogo pugunetikhesik he, omanogo wam seberogo ninobagauwageluk mene inom, Tuhan Hai wati logolik iluk mene inom warogo nolhikhe. A'nogo hilingiti logolik he, it afuni Yehuda mene mondogat omanogo nen Tuhan Allah it afuni Israel mene ineisena a'nogo obaget hilingisuageluk yagaisasikhe.

MAZMUR 50:23

Afuni nen wam yi mene ti mene warogo An nobaget fou hak he, ap andi nen An nalong anggaluk legeisogo nobagakhi logogin andi aro. Nen it ekhe kwe pikhithogo laga logogun mene andi inoba re, inagap telinabigin mene andi re An noba nen inugisikhi logogin o, iluk ikhe.

IMAMAT 7:12

Warogo fei wesugun mene andi hai warogo iluk fei waga logolik halok he, wam waluk wagu mene andi inom he roti fitunggeba werago lek mene inom waluk waga logogun. Roti andi re tepung meneba wulimhogo zaitun amusu inom seberogo werago mene fanoat, athe roti we amusuba yugulik engge mondok iringik mene serameak mene ogo fano, nen kue tepung mene zaitun amusuba seberogo hilingik mene ogo fano nek.

MATIUS 11:25

A'nogo yagaisasikhesik he, o andi sambul he, at Yesus nen samban oba eisena Allah yagati logolik he, ”Allah Neisena o! Pogot kweang eisewerek menere hararo! Wene mondogat andi re, it afuni inendawimo kagalek mene inom, yi wene ti wene inelu mene inom, inelu asinogo iluk hinakfuluk he, it inobabut yenggerugwi ketago mene hangge nek he, fakhogo yagaisegen andi hendawimo hamolo anggegendigenat yagaisegen andi nen hai wathafi lagi o, Neisena,” iluk yagatikhe.

2 TAWARIKH 7:6

A'nogo hilingitunem he it imam a'nogo re inobalik it faget enogo fesukwaba aremnogo mendek welagaukwa. It inelokhe tukhum he it ap Lewi mene re, at Daud en a'nogo hilingiti logogun iluk mene higithogo re, inambinggong raja Daud en a'nogo hilingiti logogun iluk isikhe aplerogo re, inambinggong raja Daud en hilingitikhe mene omanogoba kong eti logolik, wuni re, ”Tuhan endawi hundik inaferek mene andi re etok mondok logogin mene o i,” iluk ikhi logolik Tuhan fogerati lagukwa. Nen, it afuni holhu mene omanogo inebe mondogat mendek werek kwelek imam omanogo re trompet a'nogo futi lagaukwa.

1 PETRUS 4:11

A'nogo ikhi logolik, Yesus Kristus hinom hundik logolik hilingitunem, it afuni ekhe nen Allah fogerati logouwageluk, hit ekhe nen wene yagaisikhi logolik, Allah aneat yagaisigik, hit ekhe nen it ekhe leberisikhi logolik, Allah omame wo'nisikherek andibaat leberisigik, ikhi logoino. A'nogo hilingiti logolik, Yesus omame hokho etok mondok welagarek mene a'nogo fogeratu logouwogeluk, ”Amin,” igi andi.

MAZMUR 118:19

An nebe kwi wesimbik, neisena Tuhan fogerati logogin nen he, o Tuhan awi kwe sou ambe palek ari hu'neani o.

MAZMUR 18:49

an enek he it naselei mene omanogoba nen Aren nagap telogo nobagali'lago. Tuhan neisena, it afuni an naselei mene were'ma nen Harenat an nalonget nobagakhi lagen. It ap inobabut mondok haferek mene inoba nen Harenat an hawea'ma nobagaluk fetnarek welagen.

NEHEMIA 12:43

Linggene andi sambul he wam hokhorogo warogo TUHAN wogetukwa. A'nogo hilingitukwasik he it afuni omanogo nen At Allah agaiyek it inoba fikhemo iluk inagaiyek hokhorogo hilingiti lagaukwa. Nen, andi hilingitunem it yenggerugwi magendek mene inom hemi inom ogo inom seberogo hilingitukwasik he, iren inane mondok inagaiyek oba ugu mene andoma re yatma nen ogo holhi lagaukwaat.

IBRANI 7:25

A'nogo eluk mondok logolik, nit afuni faget Allah kino yagatu mondok welagarek andi nen he, nit Allah were'ma kuogeluk At oba fa'larik kugunem elok telninabimbik katokhogo fano hilingninabigin andi.

KOLOSE 1:12

nineisena Allah hai watik, ikhi logogun andi. At nineisena nen, at againafuri ekhe hinomat selek oba hinawi werek logouwageluk hilinghinafikhemo welagep andi nen, arat hai wati logogun andi.

ROMA 6:19

Hit hinobabut he, wene yagahisigi andi futfogoin elo'lek hangge andi nen, futfobagaigen iluk he, afuni inamingmingengge logolik hilingitarek mene inoba lirogo yagahisikhi lagi andi. Hit attak he, hinenggi hineisok hinebeba welagarek mene ekhe inom mondogat he, weak mene amingmingengge hangge woge'luk, hesanggeat hilingitik, hit komore'lek yi weak ti weak hilingitik, ikhi lagagip andi. Andi hagat he, yogondak hit hinenggi hineisok hinebeba welagarek mene ekhe inom mondogat he, Allah onggwarek faget fisaluk higithogo hilingiti logouwogeluk, at wogeti logoino o.

YOHANES 10:9

Kwe re, An nebe aro. Ap sa nen, An nebeba kwikhe halok, ebe tegelek fano mondok logolik, wulifik kwigik ikhi logolik he, engga fano mene nek ninggi logogin o.

NEHEMIA 12:40

A'nogo asi lagagumo re ap wuni ugu inap esa pire aremnogo re hilingirik-hilingirik o TUHAN Awi wuri'mo horokhogo omanogo asi lagaukwa. Esa an ninom laga lagagu mene a'nogoba it melalinafu mene omanogo werek kwelek oba nen he,

EZRA 3:11

A'nogo fogeratu kwelek, it afuni mondogat omanogo nen ineisena Tuhan fogeratu logolik wuni elugun warogo hobugalep agap sagalogo watu logolik, yi'nogo ikhi lagaukwa: ”Nineisena Tuhan andi re fano mondok logolik, nit afuni Israel mene ninoba endawi hundik ninafu mondok welagarego,” iluk wuni watunem, o Tuhan awi a'nogo wusuogeluk, o tik arat watukwa. A'nogo watukwa andi nen he, afuni omanogo mondogaren inendawimo inagaiyegen he a'mit sup igik, wuni watik, ikhi logolik, ineisena Tuhan fogeratukwa.

2 TAWARIKH 29:31

A'nogo hilingitukwasik he at Hizkia nen ikhi logolik he, ”Yogondak he hit he Tuhan obaget enogo hinobagogoma re, hiren Tuhan hai warogo hakhogo re wam waluk Tuhan Awi wuri'mo fei wesugun,” iluk yagaisasikhe. A'nogo yagaisasikhemo re it afuni hokhorogo andoma kabogesi lagaukwa mene omanogo nen Tuhan obaget fugungge omanogo waluk fei laga logolik he, iren fena wam inendawi inagaiyek oba Tuhan obaget nolengge warogo nolhu mene iluk mene ogo fei lagaukwaat.

YOHANES 14:6

at Yesus nen he, mel yagatikhe: ”Kwe inom, ebe wene inom, afuni inelugerinafirek andi inom, An nebe aro. At sa nen an noba wagi'lek halok, neisena were'ma pikhit kwigin mondok lego,” iluk yagatikhesik,

LUKAS 10:21

A'nogo yagaisasikhesik andi sambul he, Yesus endawimo Allah Areagun were'ma andi nen he, endawimo agaiyek hikhi logolik mel isikhe: ”Allah Neisena e. Pogot kweang eisewerek hararo! Wene mondogat andi, it afuni inendawimo kagalek mene inom, yi wene ti wene inelu mene inom, inelu asinogo iluk hinakfuluk he, it inobabut yenggerugwi ketago mene hangge nek he, fakhogo yagaisegen andi re, hat hendawimo hamolo anggegen meneat yagaisegen andi nen he, hai wathafi lagi o, Neisena!” iluk yagatikhe.

MAZMUR 119:108

Tuhan neisena, an nen Hat hai wathafi logolik samban ikhi lagi mene andi nane hologo wanhik, Hat hawene melalek andi an yaganetik, ikhi logoino o.

YEREMIA 33:11

Oba nen he o andoma bene re inane inagaiyekhogo agarek mene inom, inamolorogo agarek mene inom, afuni iginafi logolik inane agarek mene inom, holhi logogun. Nen afuni nen An nobaget hai warogo noba waluk lagu mene iluk inangge fugu mene waluk laga logolik wuni ugu mene ogore inesanggo holhi logogunat. Iren ikhi logolik, ”Tuhan Omame Mondok Hokho mene andi oba hai wasuok, At mondok fano logolik endawi hundik oba nek hilinginaferek mene andi re etok mondok logogin mene hilingi'mo re oba hai wasuogo ikhi logogun. O kweang yiba re An nen attak hilingik welaga hak sik-pikhogo hilingfagain o. Iluk An Tuhan nen nane mondogat igi,” ikhe.

YEREMIA 33:18

Nen it inunggulenu Lewi mene nen he imam logolik An nobaget hilingitik, wam warogo figik, gandum inom, yi mene ti mene nolnetu mene hilingitik, ikhi logogun,” ikhe.

IBRANI 12:28

A'nogo abologet hagain meneat he, nit enek he, Allah awe a'ma ninobagaikherek oba abolok igin mondok lek mene wo'nisasikhemo eise agosik welago andi nen he, ”Allah neisena,” iluk hai wati logouwogo. Nen, at Allah ebe re, endu nen yi mene ti mene ninggerek andi hagatma, nit a'nogo weagetninabinogo iluk, at ebe ninailorogo hilingitik, agaukhogo hilingitik, ikhi logolik, at ane hologo endawimo amolo mene hilingiti logolik, fogerati logouwogo.