IBRANI 13:11 - Allah Wene Fano Wene Hupla Inane

¹¹ O andoma it ap Allah eisewerek inoe kain en it mondogat weak hilingiti lagaukwa mene Allah nen sebelogo legetfisoageluk, wam warogo amep waluk o Allah onggwarek awi hulumo andoma kwikhi lagaikhe meneat he, wam ebe nek he, leget enda'ma endu noli wulifi lagaukwa.

IBRANI 13:11 Referans Kwoze

IMAMAT 16:27

Nen, sapi ai mene a'nogo inom, kambing ekhe a'nogo inom afuni weak hilingita mene An nen horogo legetfisoageluk, wa'nesimbik, amep An Nonggwarek Nawi hulu hore'ma a'nogo waluk kwigin mene andi ebe re, leget enda'ma waluk wulibi lambik, wam ebe pire andi mene agap inom, ebe inom, al inom, mondogat endu nolhi logouwago.

KELUARAN 29:14

Wam sapi andi eino inom, alabut inom, agap inom, enggi, eisok abirengge andoma waganogo endakwe fikhit nol feino. A'nogo noligin mene andi re, it imam inaweak legap esuageluk hilingisigin.

BILANGAN 19:3

imam Eleazar wogosi we'no. Fei wagu mene andi re O Sabu wuri'mo nen waluk enda'ma wulibi laluk, ap imam inelokhoma nen wati logogun.

IMAMAT 9:11

Oba nen he, wam a'nogo agap inom, eino inom enek he o sabu sale'ma omanogo abel endakwe fikhit andoma nolhikhe.

IMAMAT 6:30

Wam inaweak legaphogo iluk hilingitu sambul faget warogo fei wagu mene andi it ninggi'legengge nol fuluk abirengge amep fena re Senggelek Hore'ma andoma waluk kugu mene faget fikhi logogun,” iluk yagatikhe.

IMAMAT 9:9

Wat fesikhesik at Harun amlogomi nen wam amep a'nogo at Harun wogetukwama aren enggi tumen mep a'nogoba yugulhasikhesik mep a'nogo mezbah unggut 4 en hilingi'mo aremnogo ebene watfilik lagaikhe. A'nogo hilingfuluk amep fenakwe omanogobare mezbah erokwe kweisal isasikhe.

BILANGAN 19:7

Andi hilingfuluk he imam a'nogo asu sobalhik kume watik, ikhi logogin. A'nogo hilingfuluk enek he aren o sabumo andoma kwikhi logogin, oba nen he at ebe emerek were'ma nen enek he mo ubuk ikhi logogin.

YEHEZKIEL 43:21

Andi hilingfuluk sapi ai mene inaweak horinafu mene andi waluk obalik mondogat tukhogo hilingi'mo o Tuhan awi wurik andi era'lu obalik mondok hore'ma andoma nen endakwe fikhit andoma endu nolino.

IMAMAT 6:11

A'nogo hilingfuluk at a'nogo asu amu mene laberaluk wul a'nogo hambokhogo waluk he, o sabu wuri'mo nen endakwe fikhit obalik enegenggere'ma andoma fei wilifi logogin.