IBRANI 12:22 - Allah Wene Fano Wene Hupla Inane

²² It andi hangge meneba wagaukwa meneat nen, hit enek he, tom Sion Allah eluk welagarek mene awi sili o kota Yerusalem pogoroba meneba wagep andi. Andoma re, malaikat esa yi esa ti esa hokhorogo inom,

IBRANI 12:22 Referans Kwoze

FILIPI 3:20

A'nogo meneat he, nit ninawi ero pogoroba werego. Ninawi eroma andoma nen, ninoe Enupogot Yesus Kristus hobuk telninabi wesigin andi nenangorogo welago.

GALATIA 4:26

Mene re, he onggwarek agwe ebe mene hangge, o Yerusalem pogoroba mene andi, nit ninagaisa aro.

WAHYU 14:1

A'nogo yethigiri'mo nen, ombo'ne yethigi hak he, at Domba Eak a'nogo tom Sion oba mendek were'ma yethigi. Andi re, at ebe inom, it afuni inebe 144.000 nen, at Domba Eak inom, Eisena inom, emberek inenu it andi inebe lombok inelhaba lisu palek were'ma yerisigi.

MAZMUR 48:2

Nit nineisena Allah Awi kota horek mene andiba re, Ibi eberogo nen At Tuhan ebe lego mondok were'ma, esinet fagarek mene werek.

WAHYU 21:2

A'nogo hilingisogo fikhesik, at onggwarek awi sili o kota Yerusalem ket mene, hemi inaguni helowogeluk inalilingge li'lukhogo wanharek andi hak, at were'ma pogoroba nen pelabi wagunem higi.

YESAYA 51:11

Andiba afuni Tuhan nen fikhalogo fisagain mene re sugulogo we'luk, it o Yerusalem kwi waga logolik inagaiyegen ngai-wai liafi logogun, a'nogo hilingitunem inagaiyek hokhorogo hilingiti logolik inoba mondok heanerogo nek logogun. Fong watu mene inom, enggin-fenggin hugu mene inom omanogore mondogat legasumo re iren inagaiyegetik, inanggilugetik, hilingitu mondok logogun.

WAHYU 22:19

Nen, sa nen yi wene ti wene hobuk hilinglasigin mene yaganete mene lisu palhi mene yi werek kwelegat he, wene andi mene ekhe sebelogo pelafe halok he, e enggen nunggunem inelugerinaferek mene andi enggen ekhe at noageluk werek meneat he, Allah nen he, Hat nagain lek, iluk yagatik, nen, o Allah onggwarek awi kota a'nogo at andi eisewerek asimbik wulifik-kwigik ikhi logouwageluk werek meneat he, Allah nen, Hat kwigin lek, iluk, yagatik, igin,” iluk yagahisigi andi o.

WAHYU 3:12

Nen, sa nen omame asigin mene halok, o anduli liafarek andi hak, at a'nogoat Allah onggwarek awi wuri'mo menogo fagain, neisena Allah enu inom, awi kota Yerusalem ket mene pogoroba nen pelabi wesigin mene andi enu inom, an nenu ket mene inom, an nen, at andi oba lisu palogo foumo re, at ebe o andoma nen wulibi wesigin mondok lego,

YOEL 2:32

A'nogo meneat he, ap sa nen An hineisena Tuhan nen lebetninabuageluk yaganesugun mene halok enek he An nen mondogat telinabigin. An Tuhan nen ikhi logolik he, An nagainafuri o Yerusalem oba andoma nen wolinafigi mene nek he inagap telinabigin o,” iluk ikhe isikhe.

HOSEA 1:10

A'nogo yaganetesik he, ekhe mel yaganeteat: ”Meneat he, hobuk An nen he, afuni Israel mene inebe ial i laut hokho yenggelek mene era'lukwe inenggi wenatik, iwak elema kwelagaisogo kilo walhigik, u mondok elo'lek andi hak, inebe mondok hokhorogo hilingisogo fisagain o. Yogondak An nen he, Hit An nagainafuri lego, iluk yagaisigirek aro. A'nogo meneat he, hobuk, hit An Allah neluk mondok welagirek mene nagainafuri o, iluk yagaisagain oba werego.

DANIEL 7:10

Nen, kursi hurek welaga mene andiba nen, i endu mene elesi wilibisogo lagunem higi. Nen, yi afuni ti afuni inebe mondok hokhorogo ribuan mene re At faget hilingiti lagaikha. Nen afuni inebe inenggi wenasu mondok elo'lek jutaan mene re At elokhoma mendek welagaikha. A'nogo logolik, afuni inanema waganogo wene inoba figik, kotik, igiluk suesingga omanogo mondogat funggulhunem neilenggen yerogo welagi.

YESAYA 60:14

Afuni hat sebelogo hobagaikhi lagaukwa mene inagainafuri re ineindep awi yagaisogo sagam esi wesugun, it inane weak hat hoba fikhi lagaikha mene omanogore sebe i wesimbik iren ikhi logolik, ”Hat he kota Tuhan mene o, igik, athe Sion, Israel mene ineisena Allah, Mondok Horek mene a'nogo aiba o, igik,” ikhi logogun.

YESAYA 59:20

Tuhan nen againafuri inoba ikhi logolik, ”An nen hit hinebe mondogat hinaweak oba nen hinobabut hebelugun mene o Sion oba andoma hinagap telogo hinobagaigiluk wesigin o.

YESAYA 28:16

A'nogo anggikhi lagep andi nen he, Tuhan Omame Mondok Hokho mene a'nogo nen yi'nogo ikhe, ”An nen he helep ubule mondok omame mene hambuk lele warogo o Sion oba andoma fagain o. Helep misik andi ebere omame mondok hokho mene ninghogo ubule warogo were'ma helep andiba lisu yi'nogo palek logogin: ’Hit afuni hinendawinggen at oba himbirik logogun mene re hinenggali hogoin lego,’ iluk palogo foumo logogin.

YESAYA 12:6

Hit afuni o Sion oba welagep mene yoma sani, hinagaiyegeti logoni. Wuni hinagaiyek oba wati logoni. Israel mene ineisena Allah Mondok Horek mene andi re, Ombak-bak mondok werek, At ebe re hinanggele'ma werego, iluk wuni wati logogun.

2 RAJA-RAJA 19:4

Afuni Asyur mene inoe raja a'nogo nen, agot tentara kain mene nen Allah eluk welagarek mene endawimo serametfisaluk ane asegen wokhoagaluk lakfei wagama ane asegen wokhikhe mene andi, heisena Tuhan Allah esanggo holhesik, it ap a'nogo aga mene andi, wene inoba fagain a? Lek he a, sa elu. Andi nen he, hat heisena Tuhan Allah nen nit ekhe ninebe endebat nineluk welago mene ya faget kino yaga'no o,” iluk isikhemo yagasi lagaukwa.

WAHYU 21:10

A'nogo yaganetu kwelek, Allah Areagun noba louk i wagama re, at malaikat a'nogo nen wo'narek tom hokho uan meneba lagaikhesik, Allah onggwarek awi o kota Yerusalem pogoroba Allah nen pelabi waga mene a'nogo yaganetemo yethigi.

WAHYU 7:2

It a'nogo werek kwelek, malaikat hunogoat ekhe o mo yegelogo liabi wagare'ma a'lima nen Allah eluk mondok welagarek mene asilo waluk wulibi wagasik, Allah nen it malaikat inebe enggaminogo mene nen kweang inom, i laut yenggelek inom, weagetfouwageluk eisewerek fisasikhe mene omanogo mel yagaisugunem holhi:

YUDAS 1:14

Omanggum Adam huliba nen ta'larik waga lagaukwasik, huli 7 ba mene huli, at Henokh ta'lagaikhe mene nen, it afuni andi wene inoba fagain mene faget mel isikhe: ”Yethani. Ninoe Enupogot a'nogo nen agoromi at onggwaregen yonggo pelakfisa wagarek mene inebe mondok hokhorogoat woginarek pi wesigin o.

DANIEL 6:26

A'nogo arat hilingi'luk, at raja Darius nen he, lisu palogo afuni inunggulenu lombok, ineisok erokwe lombok, inane lombok, o yi awi ti awi welagaikharek mene inoba lakfikhi logolik: ”Hinendawinggen hambukhogo fano logobagaigiluk he, hai wathinafi o,” isikhe.

YEREMIA 10:10

Oba nen Hat enek he nineisena Tuhan Allah eberogo mene o, Raja hetok mondok logolik nineluk wo'nisegendek mene welagen. Nen Hat ha'mage lagagunem he kweang leik eterek, nen Hane pararak etunem he yi afuni ti afuni hambuget hare elo'lek.

YESAYA 51:16

An nenat pogot tiaganet figirik, kweang ero inom talogo fesigi. An nen Sion oba ikhi logolik, hit he An nagainafuri o, An nen hit hinoba wene yagahisikhi logogin, An nomameba re hit nawea'ma fethinarek logogin o,” iluk ikhe isikhe.

MAZMUR 87:3

Hit afuni Allah aiba kota welagep mene andi hinesanggo holini o. Hit hinawene mondok fano mene ikhi logolik he, mel ili'lago:

MAZMUR 84:2

Neisena Allah, Homame Mondok Hokho mene! Hat hebe welagen oba andoma re nendawinggen yamukhogo werek oba welagen o.

MAZMUR 2:6

Aren ikhi logolik he, ”Ap an nen wenagaisogo figi mene a'nogo ebe raja logouwagaluk, nonggwarek nandom Sion Mondok Horek mene a'nogoba arat menfigi o,” iluk isikhe andi.

YOSUA 3:10

Hit logoin sambul he Tuhan nen hit hinaselei mene afuni o Kanaan mene inom, Feris mene inom, Het mene inom, Hewi mene inom, Girgasi mene inom, Amori mene inom, Yebus mene inom, mugusogo wulak fisikhi logogin. Nen Peti Wene Warek Tuhan pogot kweang elalhikhe mene a'nogo nen hit hinelokhoma i Yordan palago wulibi logoin oba andemen, Allah eluk mondok welagarek mene a'nogo hit hinanggele'ma andoma were'ma hineilenggen hogoin o.

ULANGAN 33:2

”Nineisena Tuhan ebe it malaikat inebe 10.000 mene inom, tom Sinai ba nen o mo henogo lagai wagarek andi hak, o Edom higit andoma wagasik, mo linggene yaterek andi hak, at enggi ebekwe higit endu ibilik logolik, tom Paran oba nen againafuri inoba ombak-bak tilelogo lakfei waga.

ULANGAN 5:26

Allah eluk mondok werek mene a'nogo nen enduba nen ane ugu kwelek he afuni koma mene nen ekhe ineluk welagaukwa anggegep?

IBRANI 10:31

Wene a'nogo inoba fagain andi, nit weak hilingitunem ninebe Allah eluk mondok welagarek mene enggiba ninobagaikhe halok, ninailo mondok asigin andi.

IBRANI 9:14

It inagap endakwe mene faget wam amep elo'lek meneba elok fano horinafi lagaukwa. Halok, nit Kristus amep esin meneba, ”Wene hinoba lek,” iluk ninendawimo selekhogo elok mondok ninobagaikherego. Nit Allah eluk welagarek mene endawimo fanorogo hilingiti logouwageluk, wam esi fano mene Allah wareti lagaukwa andi hak, at Kristus Allah Areagun etok mondok welagarek mene omameba, wa'laga logolik, ebe Allah wogetikhe andiba, nit attagat lek asigin mene tulemat hilingiti lagagu mene, aren, ”Wene hinoba lek,” iluk, at amep oba ninendawimo selekhogo ninobagaikhemo welago.

IBRANI 3:12

Halok he, nerugwi nagaila'lak. Hit ekhe hinobabut weak a'luk, hinendawinggen Allah eluk mondok welagarek mene oba himbiret figi'lek logolik, at ebe herakfisaluk hinambotkwe wulibi lanogo iluk, hinobabut hebelogo logoino o.

1 TESALONIKA 1:9

Iren wene mel ili'lagwiat: ”It afuni o Tesalonika mene nen, Paulus lak inebe woginafasik he, eberogoat he, Allah eluk mondok welagarek mene andi aro, iluk awe a'ma logolik, at faget hilingitik, at amlogo pogoroba nen pi wesigin andi ebe nenangorogo welagik uogeluk he, tugwi kembu herakfisaluk inelokhe hebelogo Allah wogetukwasik werego. Allah nen amlogo wa'lagaikhemo nen eluget fesikhe a'nogo ebe Yesus andi aro. Nen, Allah a'mage afuni inoba fagain sambul he, nit Yesus andi nenat telninabigino,” iluk, hinabok fano ili'lagwi aro.

ROMA 11:26

Allah nen afuni Israel mene mondogat fanorinabigin o. Wene a'nogo iluk he, at Allah nen mel isikhemo aneba lisu palek werek: ”Telinafarek mene ebe re, o Sion nen wesigin o. Wesimbik he, it Yakub en tagongge mene nen an nebe inailo lek logolik weak hilingiri'lagwi mene korogo wokhagain o.

ROMA 9:26

An nen he, afuni o ekhe mene faget he, Hit he, an nagainafuri lego, iluk isigi meneat he, hobuk it o andoma mene fagerat, O yoma an neluk welagirek mene nagainafuri o, iluk igin,” iluk isikhemo re, at Hosea nen lisu palogo fesikhe.

MATIUS 5:35

Nen, nineisena Allah eisok kweang yiba yago welagarek andi nen he, kweang yi enu hombuk palogo yagaisogoin mondok elo'lego. Nen, o Yerusalem hokho silimo andi an hineisena Nenupogot nebe kain mene andoma welagirek hilingi'mo, o andi enu hombuk palugun legaro.

YESAYA 14:32

Ap Filistin inaben yonggongge lakfisa wesugun mene andoma inoba re niren onggo ninggi'nogo yagaisogoin nogo? Niren yagaisikhi logolik Tuhan en o Sion a'nogo re mondogat wute o, nen At againafuri enggin-fenggin hugu welagaikharek mene re o andi elonggoma inagap telek logogun o, iluk yagaisogoin o.

MAZMUR 68:17

Hat hebe handom punu-punungge andomaba nen, o Sion Punuba At Allah ebe werek oba iluk wenagaisogo fakhasikheba a'nogo heilenggen lourogo yerogo welagen andi re nenahalok? At Tuhan he o andoma mondok-mondok logogin o.

MATIUS 16:16

at Simon Petrus a'nogo nen he, ”Hat hebe re, Kristus Allah eluk mondok welagarek mene amlogo, nit telninabuageluk aren lakfei wesigin iluk abok yaganisasikhe a'nogo aro,” iluk yagatikhe.

MAZMUR 42:2

Allah neisena, no rusa agai nele nen endawimo age lagagunem heinet watherek andi hak, an nendawinggen Hat hoba nunggunem welagi o.

YESAYA 24:23

Tuhan Omame Mondok Hokho mene a'nogo ebe Raja menlasimbik melalinafi logolik werek kwelek enek he tugi elokhe mum agik, mo yati'lek kamo igik, igin. At ebe o Yerusalem oba logolik Andom Sion oba andoma nen melalinafi logogin. Andoma nen he it afuni kaindek At againafuri ferinarek welagaikharek mene omanogo inelokhoma nen Aren elalinhogo hilingiterek mene omanogo inugisagain.

YESAYA 27:13

Inenggi andi sambul he afuni Israel mene re o Asyur inom Mesir inom huginabi lagaikha mene omanogo sugulogo inambotkwe wesuageluk trombet ane hokho meneba futhogoin. It wesimbik he o Yerusalem punu horek mene a'nogoba ineindep awi yagaisogo Tuhan fogerasi wesugun.

YEREMIA 17:25

An nen wene melalogo hinobagagi mene andi fifurogo hilingiti logogun halok he, ap yabu legoma hilingitarek mene inom, raja hun Daud en melalinafi lagaikhe higit melalinafarek mene inom he kwe andi nen o Yerusalem kwi waga logogun. It he afuni Yehuda mene inom, afuni o Yerusalem werek mene inom he no kuda inom kereta inom oba lagaluk kwi wesimbik were'ma re, o kota Yerusalem yiba mondok-mondok faget inanggilukhogo nek logogun.

EFESUS 2:19

A'nogo wagaikhe andiba, hit hinebe endakwe it ekhe mene, ap pok mene hangge welagagip andi yogondak a'nogo lek agaikhemo, hinebe Allah againafuri agagipsik, it hinom, at Allah awiba andoma hinawi weregat agagipsik welagebo.

2 TIMOTIUS 4:18

A'nogo telnafesik, hobuk afuni nen yi weak ti weak hilingnabuogeluk ugunem, arenat telnafi logombik he, telogo wo'narek pogoroba at awe a'ma logogun oba andoma kwigin andi faget, at fogeratu mondok logouwok, iluk, ”Amin,” igi andi.

IBRANI 11:16

We, it ebeti lagaukwa andi re, inawi ebe fano mondok pogoroba mene faget inamolo anggikhi lagaukwa andi nen he, Allah nen it faget inawi arat tegelogo fisasikhemo andi nen he, aren, ”An it ineisena,” iluk, enggali legat ikherek andi.