IBRANI 11:7 - Allah Wene Fano Wene Hupla Inane7 At Nuh ogo re, endawinggen Allah oba himbiret fuluk, yi wene ti wene hobuk hilinglasigin mene Allah nen husumbi yagatikhemo ebe eilenggen higi'lek meneat he, ”Eberogoat hilinglasigin mene yaganete higi,” iluk Allah ane hologo logolik, e so ekhe at againafuri inom telinabigin mene faget wutikhe. A'nogo wutikhemo, Allah nen afuni wene inoba fesikhesik inebe inoatikhe meneat he, at Nuh alegat enek he, endawinggen eberogo nen Allah oba himbiret fesikhe andiba, Allah nen, ”At fano,” iluk telhikhe. Gade chapit la |
IBRANI 11:7
41 Referans Kwoze
Inareagun andi inebe re, attagat at Nuh nen kapal wutu kwelek, Allah obabut fano nen kwelaginarek werek kwelegat he, wene wanhi'lek herakfisaluk weak hilingitu mondok were'ma i fu nen inoatikhemo wa'lagaukwa mene andi. A'nogo inoatu kwelegat he, it ekhe e so elema kuluk welagaukwa mene, inebe 8 en endebat i fu andiba telinafikhe andi.
At Allah nen he, Abraham mel yagatikhe: ”Kweangma o yi awi ti awi mondogat he, hat inom, haren tagongge mene inom, hinom eisewerek asugun o,” iluk abok yagaisasikhe. A'nogo yagaisasikhe andi re, wene aren komotninafikhe wene a'nogo hologo higithogo hilingiti lagaukwaba yagaisasikhe fuk. Lego. We, at endawinggen Allah oba himbiret fesikhemo, at Allah nen he, ”Wene hoba mene korogo wokhigirik, hambotkwe nemberek hunogo hobagagi,” iluk yagatikhe andiba kweang abok yagaisasikhe andi.
Nen it Nuh inom Daniel inom Ayub inom, aremnogo andoma logoilepma oba nen ogore iren ap misik iluk ogo ekhe inagap telilep legat, An Allah neluk mondok welagirek mene, Tuhan Lego Mondok welagirek mene nenuba hilingi'more, it inagainafuriba nen ogo nen ap amu mene iluk ogo inagap telumo re elo'lek. We it inamu nek iren fano hilingisugun oba inagap telasigin o,” ikhe.
Allah nen mel isikhemo lisu palogo fesukwa mene werek: ”Hinendawinggen an noba himbirik logogun andiba, an nen wene hinoba werek mene a'nogo korogo wokhambik, ninom hobuk hinambotkwe hunogo hinobagagin mene halok hineluk mondok logogun o,” iluk isikhemo lisu palogo fesukwa hagat, Allah ninom hobuk ninambotkwe yi'nogo hunetlasugun, iluk, fano wene andiba sele'matfesikhe. Allah ninom hobuk ninambotkwe hunetlasugun wene andi ebe re, hunogoat mene ekhe hilingisugun oba nen fuk. We, ninendawinggen at oba eberogoat himbiret fuluk eroba nen pikhit huli erembul oba logogun andiba, Allah ninom hobuk ninambotkwe hunetlasimbik logogun o.
A'nogo hilingitu were'ma, it ap Farisi mene fenakwe inom, ap Saduki mene fenakwe inom, inebe hokhorogoat ima pelaginabuageluk he, at oba wagunem yi'nogo yagaisikhi lagaikhe: ”Hit kisu nen tagongge mene yoma sani! Hit he, Allah a'mage hokhorogo lagagin a'nogo hinoba fugunem heise elok logoin iluk sa nen yagahisikhemo. Elo'lego.
Andi higirat, afuni attagat welagaukwa andem oba logolik, Allah inabit mene nen inobabut weak hilingiti lagaukwama Allah nen herakfisigi'lek. We, i nabunghabung ikhi logolik inoasuageluk inoba pelakfei wagaikhemo inoati logolik, Nuh, afuni inobabut Allah endawimo amolo mene hilingiti logouwageluk wene yagaisikhi lagaikhe mene inom, inebe 7 nen ekhe inom, telinafikhe andi.
Nerugwi nagaila'lak. An Simon Petrus Yesus Kristus nen, at amingmingengge logouwageluk nayonggo fesikhesik laknobagai wagaikhemo wagagi. Andi re, at ebe Allah at logolik, obabut higithogo nek hilingiterek a'nogo nen, hit ninom higithogoat ninendawinggen aroba himbiret fugunem telninabi'logo mene halok, wene yi lisu palogo hinoba lakfei wagi andi.
A'nogo meneat he, afuni inendawinggen Allah oba himbiret fugunem he, aren wene inoba mene korogo wokhaluk hobuk inambotkwe at inom hunogo fisikherek andi faget, Allah aneba lisu yi'nogo palogo fesukwa: ”Hendawimo nen he: Pogoroba sa lagagin, iluk anggagun o,” iluk isikhe andi ebe re, Kristus ebe waluk pi wesuageluk igin lek iluk isikhe andi.
Agap enggalimo mene a'nogo oan pale'lek logolik endawinggen Allah oba himbiret fesikhemo re, at Allah nen he, ”Wene hoba mene korogo wokhigirik, hambotkwe nemberek hunogo hobagagi,” iluk yagatikhe. A'nogo yagatikhemo inendawinggen wenggelogo logouwageluk, ”Hagap henggalimo mene palan,” iluk yagatikhemo palasikhemo re, enegat agaikhe andi. Andi nen he, afuni inagap inenggalimo mene a'nogo pale'lek logolik, inendawinggen Allah oba himbiret fagarek mene halok mondogat he, ineisena Abraham aro. It a'nogo inendawinggen eberogoat Allah oba himbiret fugunem aren he: ”Hinobabut higithogo hilingiti logou hak hinendawinggen noba himbiret fegepma, wene hinoba mene korogo wokhigirik hinambotkwe ninom hunogo hinobagagi andiaro,” iluk yagaisikheregat andi.
A'nogo yagatukwama, at Lot a'nogo siakhogo at a'logomi inebe pire aremnogo ap wenago welagaukwa mene inoba lagaikhesik mel yagaisasikhe: ”Nineisena Tuhan nen afuni o kota yoma mene mondok legetfisagain andi nen he, weak-weak heise wilibuogeluk hisa wagi o,” iluk yagaisasikhe meneat he, Lot eranen ikherek mene a'nogo iluk anggasukwa.
Nuh nen hilingitikhe re, yi'nogo. At Nuh againafuri ap inebe henagan mene taginafikhe. Inenu re, Sem inom, Yafet inom, Ham inom. Nen, at Nuh ebe obabut he, at Allah inom horokhogo hundik logolik, weak ekhe hilingiti'lek higithogo nek hilingiti lagaikhe. Andem sambul he, at amunek fano hilingiti lagaikhe.
Andi halok he, niren ninggi'nogo ugun? Mel ugun. It afuni endakwe mene nen wene inoba mene Allah nen korogo wokhaluk, inambotkwe inom hunogo inobagauwageluk hilingisugun mene ekhe ninghogo hilingiti'lek. Meneat he, inendawinggen Yesus oba himbiret fesukwama re, Allah nen wene inoba mene korogo wokhaluk, hobuk inambotkwe inom hunogo fisasikhe.
Allah nen he, ”Nawi su mene elama faget wutnobagain o,” iluk Musa yagatikhemo, ebe wusigeluk ugunem he, hobuk mel yagatikhe: ”An nemberek tom oba logolik, an nawi yi'nogo wutnobagagin o, iluk ilirengge walhogo inukhiigi a'nogo higithogo mondok wu'nogen he, hendawimo eberek mondok logoino o,” iluk yagatikhe andi hagat, it ap Allah eisewerek kweangma yoma logolik, ebe pogoroba werek mene oba litik, alik wanhik, agarek andi.
It afuni Allah ane kweangma yagaisugunem inesanggo holu inabit welagaukwa mene, inebe ineluk herakfisigi'lek inoati lagaikhe andi. Halok he, nit yi ogo re, wene pogoroba nen yaganisugunem ninesanggo holu ninabit logogun halok he, ninoati'lek herakninobagagin anggegeba? Lego. Mondok ninoasigin andi nen he, at ane ugu kwelek hinesanggo holhi'lek, ”Ninabit,” iluk herakfisanogo nen he, hinebe hebelogo logoino o.
A'nogo yagatikhemo re he a'nogo eisok sungguk ambotkwe aiba lagaikhe. Lagaikhesik he at ebe inom eagwi inom inailoba kwe yagarogo kwisukwasik, he a'nogo nen iwak endep meneba zaitun amusu keralek welagaikhe mene a'nogo wanhikhesik he, it eagwi nen iwak wokhigik enggiba fugu kwelek keralhigik fesikhe.
Piblisite