IBRANI 10:25 - Allah Wene Fano Wene Hupla Inane

²⁵ Ninoe enggi welagi'legat wesigin iluk ninelu andi nen he, nit andogotunem it ekhe kamo agarek andi hak, nit kamo igi'lek he, oba ebet-ebet nit-nit ninendawinggen ago warogo komo-komo ikhi logouwogo.

IBRANI 10:25 Referans Kwoze

KISAH PARA RASUL 2:42

Inom lambukhogo fanoat logolik he, it ap Yesus nen wenagaisogo inayonggo fuluk lakfisasikhe mene omanogo nen wene yagaisugunem hundik-handigat inesanggo holhik, sumburu inom kurogo ninggik, samban inom igik, ikhi lagaukwa.

1 TESALONIKA 5:11

Andi nen, hit yogondak ya hilingiti lagep hagat, hit-hit komo-komo igik, hinendawinggen ago wat-wat igik, ikhi logoino o.

IBRANI 3:13

Hit ekhe weak hilingiti logolik hinonggwarek lalogo hinendawinggen omame asinogo iluk Allah aneba, ”O yogondak yaba,” iluk isikhe andi lek agi'lek werek kwelek, hit-hit hundik-handik hinendawinggen ago wat-wat ikhi logoino o.

IBRANI 10:24

A'nogo fisogo logolik, nit-nit nendawi-hendawirogo logolik, lebet-lebet hilingiti logouwogeluk, ninendawinggen ago wat-wat ikhi logouwogo.

1 TESALONIKA 4:18

Andi nenat, wene andiba hit-hit hinendawinggen fanorogo, hinendawimo ago wat-wat ikhi logoino o.

KISAH PARA RASUL 2:1

Afuni Yahudi mene hari Pentakosta a'nogoba higit asi wagaikhemo logolik, it afuni inendawinggen Yesus oba himbirik welagaukwa mene inebe mondogat misi'mo andogorek were'ma,

KISAH PARA RASUL 20:7

Nit o andoma logolik, Allah faget weat welagagusik he, hubanggo sumburu roti mene ninerugwi ninagaila'lak ninom nuogeluk andoget fuluk, at Paulus nen wene yaganisikhi lagaikhe. Ohealekwe arat louwogeluk andi nen he, wene uanat yaganisikhi logolik, hubanggo hup tulemat yaganisugu mondok welagaikhe.

1 KORINTUS 14:3

A'nogo meneat he, at sa nen Allah ane afuniat fakhogo yagaisugunem he, inendawinggen ago watik, komorinafik, inendawinggen sebelhik, ikherek andi.

ROMA 12:8

Nen, it ekhe nen, afuni ekhe inendawinggen ago wati logouwageluk inobabut wogisasikhe mene andi re, a'nogo fanorogo hilingiti logogun o. Nen, it ekhe nen, inagarek mene it afuni ekhe inagarek lek mene sumburisikhi logouwageluk inobabut wogisasikhe mene andi re, inonggwarek faget anggigi'lek lebekhogo wogisikhi logogun. Nen, it ekhe kain logouwageluk inobabut wogisasikhe mene andi re, ninghogoat hilingiti logogun. Nen, it ekhe nen afuni ekhe inendawirinafi logouwageluk inobabut wogisasikhe mene andi re, inendawimo inagaiyek hikhi logolik inendawirinafi logogunaro.

FILIPI 4:5

Ninoe Enupogot a'nogo weak-weagat wesigin andi nen, afuni mondogaren hit hinebe fut hinobagauwageluk, hinobabut liokhogo hilingiti logoino o.

2 PETRUS 3:9

It afuni ekhe nen he, ”Ninoe Enupogoren wene watnisasikhe wene a'nogo, ebe wagi'lek aninurogo werek,” iluk anggili'lagwi andi re, aninurogo werek fuk. Hit hinebe endawi nen, At endawimo nen he, ”It ekhe nong asinogo,” iluk afuni mondogat inobabut weak hilingiri'lagwi mene herakfisaluk inobabut hebelasuageluk, eranenat endawimo anggaluk aninurogo werek andi.

YAKOBUS 5:8

ninoe Enupogot ebe horogat wesigin iluk hinendawinggen wurikhogo logolik, hinafe morogo nenangorogo logoino o.

1 KORINTUS 14:23

Hit Allah againafuri misi'mo andogorek logolik, hinebe mondogaren inane hinonggot mene inoba elalinat ugunem, it wene inonggot mene inom, inendawinggen Allah oba himbiret figi'lek mene inom, hinoba kwi we'luk, iren he: ”Yoma re, lugulugwi palhasik ili'lagwi o,” iluk yagahisogoin lek nogo? Yagahisogoin aro.

YUDAS 1:19

It andi re, Allah Areagun inendawimo lek logolik he, inobabut afuni inobabut inetogat logolik, it ekhe fano lambulogo were'ma, minggilogo huli-huli inobagai weri'lagwi mene andi aro.

2 PETRUS 3:14

Nerugwi nagaila'lak. Hinebe nendawi e. A'nogo wesigin iluk, nenangorogo logolik he, wene hinoba fakhigi'legat, weak agi'legat, Allah hinom fano were'ma at ebe hisa wesuagen, at faget anggilukhogo hilingiti logoino.

1 PETRUS 4:7

Yi mene ti mene mondogat wurep oba hilinglasigin mene horogat asi waga iluk, samban ikhi logouwogeluk, hinendawinggen sebelek logolik, hinobabut hebelogo logoino.

2 PETRUS 3:11

Yi mene ti mene mondogat a'nogo legasigin andi nen, hit hinobabut ninggi'nogo hilingiti logogun anggegep? Allah nen hilingisigin andi sambul pogot endu foumo re, amulogen felelenghogo ninggik, yi mene ti mene ero inom tamuk-tamakhogo ninggik, igin andi nen, weak hilingiti'lek tegelek logolik, hinebe Allah faget fisaluk, at ebe nenangorogo logolik, ebe weak-weak wesuageluk anggilukhogo hilingiti logoino o.

1 KORINTUS 11:20

Meneat he, hit ninoe Enupogot oba eberek logolik, enggen amusu nuogeluk misi'mo andoget fuluk he, hinamburu lombok, hinagai lombok, helaluk, ”An tak nagain,” iluk nilik lagunem he, it ekhe lek mene neleat kamo igik, it ekhe amusu hokhorogoat naluk lugulugwi palhik, ikhi lagep andi re, ninoe Enupogot amburu ninggik, agai hinago ninggik, ninggi lagep fuk.

1 KORINTUS 3:13

A'nogo wutu were'ma, at Kristus hobuk wesigin andi sambul, afuni nen o wuta mene lombok. Fano a? Weaga, iluk, endumo walhugunem, fakhogo enegat agunem hogoin o.

KISAH PARA RASUL 16:16

O andoma lagagusik logolik, ninenggi ekhe sambul, o samban ikhi lagaukwaba a'nogo lagunem he, helenggerek afuni inamingmingengge mene ekhe munggwarengge obabut weak mene oba louksek were'ma, heinogengge oba kwikhi lagaukwa mene were'ma ninom ambi agagu. Helenggerek andi, afuni nen heinok oba wanhunem, aren wene hobuk hilinglasigin mene yagaisugunem, onggo wogeti lagaukwa. A'nogo wogetunem, aren ogogwi hokhorogo wogisikhi lagaikhe.

MATIUS 10:15

Yogondak he, an nane eberogoat yagahisak. Hobuk Nineisena Allah pogoroba mene nen wene inoba figik, kotik, igin andi sambul he, it afuni o Sodom Gomora mene andoma re, wene inoba fembik weagerinabigin meneat he, se hangge aro. Meneat he, it afuni o sili hit wokhinafi'lek herakhinobagagun mene andi nek he, wene enggin mene inoba fembik mondok weagerinabigin o,” iluk yagaisasikhe.

YOHANES 12:48

Athe, at andi an nebe wo'nabu abirat, nen nane furogo wanu abirat andi nen wene oba fagain mene werego. Wene oba fagain andi re, o wurep oba tegelinabigin andiba, an nen wene yagahisikhi lagi andibaat wene oba asigin o, iluk a'nogo yagahisikhi lagi andi re,

IBRANI 10:37

Allah aneba lisu yi'nogo palek werek: ”At wesigin andi re, eil misik logombigen wesigin. Ekhe inom logombigen wesigin lego. We, weak-weagat wesigin o.

IBRANI 13:22

Nerugwi nagaila'lak. Wene horogat hit komorogo lisu palogo hinoba lakfei wagi andi, hinaberali agi'lek hinesanggo hologo logoino o.