IBRANI 10:1 - Allah Wene Fano Wene Hupla Inane

¹ It afuni Yahudi mene wene Allah nen komotninafikhe wene andi higithogo hilingiti logolik, ebe mene hilingiti lagaukwa fuk. We, ebe hobuk fanotninabigin mene werek kwelek, oba lirogo hilingitik, alik waganogo hilingitik, ikhi lagaukwa. It a'nogo hilingiti logolik, o mo lagagik, pigik, ugu kwelek, yi tahun ti tahun wam Allah faget wareti lagaukwa mene andi mene nek wareto mondok welagaukwa andi nen he, it afuni wam Allah faget waresi waga lagaukwa mene halok andiba nen katokhogo fanorinabigin elo'lek aga lagaikhe andi.

IBRANI 10:1 Referans Kwoze

IBRANI 8:5

Allah nen he, ”Nawi su mene elama faget wutnobagain o,” iluk Musa yagatikhemo, ebe wusigeluk ugunem he, hobuk mel yagatikhe: ”An nemberek tom oba logolik, an nawi yi'nogo wutnobagagin o, iluk ilirengge walhogo inukhiigi a'nogo higithogo mondok wu'nogen he, hendawimo eberek mondok logoino o,” iluk yagatikhe andi hagat, it ap Allah eisewerek kweangma yoma logolik, ebe pogoroba werek mene oba litik, alik wanhik, agarek andi.

IBRANI 9:11

It a'nogo hilingiti lagaukwa meneat he, Allah nen, ”Yi mene ti mene hobuk yi'nogo fano hilinglasigin,” iluk abok isikhe andi ebe re, at Kristus Allah eisewerek inoe kain asi wagaikhe andi. A'nogo wagaikhesik he, it attak yi mene ti mene Allah nen elalhikhe mene kigilogo o wutukwaba andi kwisikhe fuk. Lego. We, o ebe mene hokho fano wuri'mo enggi misigam faget kwisikhesik, o hulu kweba herakfisaluk pikhit o senggelek ti'mo mene obalik mondok hore'ma Allah onggwarek aiba andoma kwisikhe. A'nogo kwisikhe andi re, kambing inom, sapi inom, amep waluk kwisikhe fuk. Lego. We, nit hele warek hangge were'ma fikhalek mondok logouwageluk, ninonggo palogo wa'lagaikhesik, onggwarek amep waluk andoma kwisikhesik, nit faget werego.

KOLOSE 2:17

Afuni inebe oan wagu kwelek inafumak tak inelokhoma wagarek hak, Kristus ebe oan wagi'lek werek kwelek, wesigin iluk wene mondogat andi mene tak hilingiti lagaukwa meneat he, ebe re, Kristus aro.

IBRANI 9:23

Kweangma yi mene ti mene mondogat horasugun mene horati lagaukwa andi, ebe pogoroba werek mene oba lirogo hilingiti lagaukwa. Meneat he, ebe mene pogoroba mene andi, wam warogo amep oba horasugun elo'lek andi nen he,

IBRANI 9:25

It ap Yahudi mene Allah eisewerek inoe kain Allah aiba andi kwikhi logolik he, onggwarek amep waluk kwikhi lagaikhe fuk. Lego. We, wam sapi inom, domba inom, amep waluk o mo lagagik, pigik, ugu kwelek tahun ebe lombok enggi misigam faget kwikhi lagaikhe. A'nogo meneat he, at Kristus enek he, onggwarek amep waluk enggi hobugalep lek. We, enggi misigamat faget kwisikhe andi.

ROMA 8:3

Attak he, Allah nen komotninafikhe wene a'nogo, nit afuni ninobabut lebelek andi nen he, fano hilingninabu elo'lek agaikhe. Elo'lek agaikhemo re, nit afuni ninobabut weak hilingitu were'ma, Allah onggwarek amlogo nit hangge hilingla'luk, nit weak hilingitorek mene andi wene oba fesikhesik sebelfisoageluk lakfei wagaikhemo sebelfisasikhe andi.

IBRANI 7:11

It ap inunggulenu Lewi nen tagongge mene Allah eisewerek esin were'ma, wene Allah nen komotninafikhe wene a'nogo wogisasikhe. A'nogo wogisasikhe meneat he, iren afuni Israel mene katokhogo fano hilinginafi logoilepma re, Allah nen he, ”Ap Harun nen tagongge mene lek. We, an eisewerek Melkisedek hilingiti lagaikhe andi hak, ap hunogoat mene ekhe menfagain,” iluk ilep legaro.

IBRANI 10:22

At ebe andoma were'ma, nit ninendawimo nen he, ”Nit weak hilingito,” iluk ninendawimo menenei ebetorek mene fano hotninafik, ninagap ebene i elokhonggen fano meneba sobalninafik, isikhe andi nen he, ninendawinggen misigat at oba himbiret fuluk ninailo lekhogo, at oba horokhogo kwikhi logouwogo.

IMAMAT 9:16

Andi nen ombo'ne re wam nolengge nolhu mene faget a'nogo waluk he awene melalek werek higithogo wogetikhe.