IBRANI 1:9 - Allah Wene Fano Wene Hupla Inane

⁹ Nen, hat hobabut he, higithogo nek hilingitendek andi mene hilingiti logolik, weak hilingiti logogun mene hapsiri andi nen he, hagaila'lak hinom welagep mene inawe a'ma hangge werek kwelek, hat enek he, hunggul oba amusu kweisalogo menhobagasigi andi nen he, hendawimo hagaiyek hokhorogo anggikhi logoino,” iluk yagatikhesik,

IBRANI 1:9 Referans Kwoze

MAZMUR 45:7

Haren ferinarek logouwageluk At Allah nen homame wokheterek, hat homame andi re mondok-mondok logouwak, haren he mondok katokhogo nek it hagainafuri melalinafi lagen.

MAZMUR 23:5

It an naselei mene ineilhanem en he, Haren nahenengge wo'nafi lagen. Haren ap kain mene afuni inambok wagunem hakhogo hilingnafi lagen. Harenat nagai nunggu mene ele sophogo hinagaisogo wo'neti lagen.

YESAYA 61:3

it afuni o Sion werek mene inendawimo heiselhu welagik, fong watu welagik agarek mene omanogo inoba, hobuk inendawimo inagaiyek hikhi logouwagaluk fanorinafik, ”Ninggi'nogo hilingisugun he,” iluk inobakheindok palagarek mene andi, inendawimo fanorinafunem Allah awuniba fogerati logogun wene yagaisigik, uagaluk laknobai waga aro. It a'nogo yagaisamo, inebe re e Tuhan onggwarek enggi nen awi yate mene hangge logogun. A'nogo logolik, fano hilingitik, higithogo hilingitik, ugunem, Tuhan mondok legeisogo fikhi logogun.

GALATIA 5:22

Nen, e enggen iterek hak, Allah Areagun afuni inendawimo logolik inobabut hilingitarek he, ebe yi. Afuni ekhe inebe inendawinggen hundik welagik, inendawimo inagaiyek anggigik, afuni ekhe inom lioksek welagik, inafe morogo welagik, inobabut enago welagik, inobabut fano welagik, inobabut lombokhogo welagik,

ROMA 15:13

”Hobuk fano asigin,” iluk ninendawimo ninagaiyek hogorek andi, ero at Allah nenat hilingninaferek. Hit a'nogo hinendawimo agaiyek hokhorogo hikhi logouwageluk Allah Areagun omameba hilinghinabuak. A'nogo hilinghinabuagen he, hinendawinggen at oba himbiret fesigip andiba himbiret fuluk were'ma, aren hinendawimo agaiyek hokhorogo hikhi logouwageluk hilinghinafik, hinendawinggen hambugethinafik, uago.

YESAYA 61:1

Tuhan Lego Mondok welagarek mene a'nogo omame re an noba werek. Aren an wenagaisogo nobagaikhesik la'nobagai waga andi re afuni inelagaik mene inoba wene fano wene yagaisigik, afuni inendawimo warugu welagaikharek mene andi fanorinafik, afuni hele warek welagaikharek mene inoba re weak-weagat hele fikhalogo telhinabigin o, iluk yagaisigik, nen afuni ekhe o hele warek fisagare'ma andoma welagaikharek mene inoba re, hobuk fikhalogo hinobagagin o, iluk yagaisigik, uagaluk laknobagai waga o.

LUKAS 4:18

”It afuni inagarek mondok lek inelagaik mene andi fano wene yi yagaisikhi logouwageluk mennobagaikhemo a'luk he, neisena Enupogot Areagun pelakfei wagama an noba louksek werego. Nen, nayonggo fikhi logolik mel yaganetikhe: It afuni inenggi hele homago mene hele fikhalinabigin wene inom, ineilenggen mum mene fano asuageluk hilinginabigin wene inom, yagaisigik, it afuni inawe a'ma hak sebelogo hebisili'lagwi mene telogo sele'ma fisigik,

AMOS 5:15

Inobabut weak hilingitarek mene andi hinabit logolik, fano hilingitarek mene andiat hinendawirogo logoino. A'nogo hilingiti logolik, wene higithogo hilingitarek mene andiat omamerati logoino. A'nogo hilingisugun andiba re, Tuhan nen, afuni Israel mene fena ineluk logogun mene omanogo endawi hundik hilinginafi logogin logou hak.

1 YOHANES 1:3

Ebe nit nineilenggen higik, ninesanggo holhik, isugu mene andi, nineisena Allah amlogo Yesus Kristus emberek ninom hundik welagorek andi hak, hit nit ninom fano hundik logouwogeluk yagahisikhi lago o.

1 PETRUS 1:3

Ninoe Enupogot Yesus Kristus eisena Allah a'nogoat fogerati logouwok. At Allah ninebe endawi mondogen, Yesus Kristus wa'lagaikhemo nen eluget fesikhe andiba nit ninebe hobuk ninambotkwe ket ta'ninafikhe andi. Ninelugetninafikhemo logolik he, ninendawimo nen, ”Aren, hobuk fanothinabigin, isikhe andi lek asigin lek,” iluk ninendawimo ninagaiyek hikhi lago.

YESAYA 61:8

Tuhan nen he, mel ikhe: ”An he, afuni inobabut weak logolik, yi enggin ti enggin hilinginafarek andi re mondok nabit logolik, higithogo hilingiti logogun andiat namolo welagirego. An he, nebe hit hinoba lomborogo logolik, onggo fano mene wokhisigik, wene mondok logogin mene warogo wokhinafik, ninom hundik welagik, igin o.

AMSAL 8:13

Tuhan ebe inailorogo welagaikharek andi re, weak hilingitarek mene inabit welagaikharek andi aro. Inonggwaregen fogerakhagarek andi inom, ”It ekhe elo'lek, an enek he, esin,” iluk anggagarek andi inom, inobabut weak hilingitarek andi inom, ineranhogo wene lalinafarek andi inom, an mondok nabit isigirego.

IBRANI 7:26

Nit ninendawimo nen he, ”Ap ekhe Allah eisewerek nit faget fano katokhogo yi'nogo kain logolik hilingiti logoilebe,” iluk anggogorek mene, Allah nen ninoe Yesus andiat menfesikhemo werego. At obabut he, weak ekhe hilingiti'lek, fano tegelek mondok were'ma, afuni weak hilingitarek mene inendawimo nen tegelogo pogot abel ponggwe po'lima liakfesikhemo nit faget werego.

FILIPI 2:9

A'nogo anggasikhe andi nen, ebe Allah nen esinet fesikhe. Esinet fuluk he, it ekhe inenu sebelek hak werek kwelek, arenek he, Enupogot logouwageluk esin meneat salfesikhe.

EFESUS 1:3

Ninoe Tuhan Yesus Kristus eisena Allah at fogerati logouwogo. Nit Kristus ninom hundik were'ma, at Allah nenat fano mene mondogat ninendawinggen faget pogoroba nen wo'nisasikhemo welago.

1 KORINTUS 1:9

At Allah nen amlogo ninoe Enupogot Yesus Kristus hinom hundik logobagaigeluk hinayonggo fesikhe andi. A'nogo, at obabut humbun mene nen hinayonggo fesikhe andi nen he, ebe asigin iluk hinendawinggen menenei ebeti'lek humbunhogo logoni o.

YOHANES 20:17

A'nogo hai watikhemo re, at Yesus nen he, mel yagatikhe: ”An nebe neisena oba lagagi'lek oan welagi andi nen he, henggi abirogo fetnarek logogun o. An nagoromi wene yi'nogo iluk, yagaisa Ian o, An inom, hit inom, nineisena Allah oba himbirik welagorek mene a'nogo oba lagaigeluk ikhi lagi, ikhe iluk nagoromi yagaisa Ian o,” iluk yagatikhemo,

YOHANES 1:41

Yesus ombo'ne lagaikhesik inom welagaukwasik he, at Andreas andi tak oe Simon a'nogo herarik lagaikhesik, emberek ambi agaukwasik he, mel yagatikhe. Nit ninaneba Kristus afuni telninafi logogin mene a'nogo Allah nen ayonggo fuluk lakfei wesigin isikhe a'nogo u hak he, it inaneba Mesias agarek a'nogo nen he, ”Mesias a'nogo nit arat ninom ambi ago,” iluk yagatikhe.

MAZMUR 119:128

Andiba an he Haren yi'nogo hilingiti logoino iluk yaganisegen mene andoma higithogo hilingiti logolik inobabut kwanirogo hilingiri'lagwi mene andoma re an nen nabiret fisikhi lagi.

MAZMUR 119:104

Hat hawene melalek andi nen he an mondogat nendawimo hebelek mene hilingnobagagunem he, inobabut mondok hena-hena hilingitarek mene andi re an nen mondogat nabit anggikhi lagi.

MAZMUR 89:20

O attagat andoma inabikanggo wokhagarek hak, Haren hamingmingengge tiphogo hilingitarek mene inoba yagaisikhi logolik he, ”Ap misik ekhe ambong siserek mene kware-kware mintago ungguloba puget figi o. Afuni inanggele'ma nen ap misik ekhe An nen heragaisogo figi mene a'nogo arat menfigi o.

MAZMUR 33:5

Aren he higithogo hilingitarek mene andi inom, katokhogo hilingitarek mene andi inom he, endawi hundik mondok werek. O kweangma yoma yi awi ti awi mondogat he Aren endawi hundik hilinginaferek mene a'nogo nen hoporek werek.

WAHYU 2:15

Nen, hit ekhe nen, wene ap Nikolaus nen yagaisasikhe mene awene andi waganogo fisogo welagebat andi. A'nogo hilingiti lagep andi, an nabit mondok anggikhi lagi o.

2 KORINTUS 11:31

An wene igi andi re, nera nen igi lego. At ninoe Enupogot Yesus eisena Allah enu hombuk palogo fogeratu mondok logogun mene a'nogo elu.

ROMA 12:9

Hit hinendawinggen oba nenat afuni ekhe hinendawirogo logoino o. Weak mene hinabit mondok logolik he, fano mene hinenggi ninghogo fisogo logoino o.

KISAH PARA RASUL 4:27

A'nogo isigin hagat, at Herodes inom, Pontius Pilatus inom, afuni endakwe mene inom, afuni Israel mene inom, hat honggwarek hamlogo Yesus, nit afuni telninabuageluk menfesigin mene a'nogo, wasuogeluk eberogoat o yoma andogosi wagaikha andi faget isigin andi.

YOHANES 3:34

At Allah nen lakfei wagaikhe mene andi, Allah Areagun elele wanhi'lek mondogat wogetikhe andi nen Allah aneat yaganisikherego.

ZAKHARIA 8:17

Hit hinagaila'lak inoba weak mene hilingfisogoin iluk inabok palu fuk. Nen, hineranhogo hinane nen lalogo hombuk palu fugat. An he, ineranhogo wene agarek mene inom tiphogo hilingitarek lek mene inom, ina'mageba hilingfisagarek mene inom andoma re nabit inoba fisikhi lagi o,” iluk yagaisugunem holhi.

MAZMUR 89:26

Aren ferinarek logogin oba o kerajaan andi re An nen hokhot fikhi logogin. I laut yenggelegen pikhit i Efrat huli andomaba ferinarek logouwagaluk hilingfagain.

MAZMUR 40:8

Andi nen an nen ikhi logolik he, ”Eberogo an waga lagi, buku yinggilik mene andiba re an nobaget palek werek.

MAZMUR 37:28

At Tuhan nen he fano hilingitarek mene inom, katokhogo hilingitarek mene inom endawi hundik anggikherek. Afuni At oba tiphogo nek hilingitu welagaikharek mene re hesanggema obogerisikherek lek. Aren mondok-mondok andoma awe a'ma fisaluk ferinarek mondok werek, oba nen he, ap weak hilingitarek mene nen tagomangge mene re mondogat wathigik lakfisagain.

MAZMUR 11:5

At Tuhan nen he afuni weak hilingitarek mene inom, fano hilingitarek mene inom inobabut palherek, nen afuni inobaharoba hilingitarek mene andi re Aren he mondogat abit isikherek.

MAZMUR 2:6

Aren ikhi logolik he, ”Ap an nen wenagaisogo figi mene a'nogo ebe raja logouwagaluk, nonggwarek nandom Sion Mondok Horek mene a'nogoba arat menfigi o,” iluk isikhe andi.

MAZMUR 2:2

It afuni kweangma mene inogogwi raja-raja omanogo inom, kaindek-kaindek inomame hokho mene omanogo inomen, nit nineisena Tuhan inom ap Raja Aren wenagaisogo fikhe mene a'nogo inom, emberek inoasuogoluk weim abok inebe mondogen inane misik seberogo mata andi.

IBRANI 2:11

Yesus ebe, nit afuni weak hilingitorek mene hotninafikhe mene inom, nit aren horogo ninobagaikhemo welago mene inom, ninom lambukhogo re, nineisena misigat. Andi nen he, at Yesus nen enggali legat, ”It afuni andi an nerugwi nagaila'lago,” iluk ikherek andi.

MAZMUR 45:6

Hat handok enggat werelek kabuk mene andi nen he, it haselei mene omanogo inendawinggen kagaukhogo inoati lagen, nen inunggulenu lombok omanogo re hat heisok eroma nek warogo taik ili'lagwi.

YOHANES 10:17

An wa'lagunem nambotkwe neluk asigeluk nebe wa'lasigin anggigirek andi nen he, Neisena nen An endawinggen hundik welagarego.

KISAH PARA RASUL 4:26

It inenupogot kweangma mene yoma menlagaukwasik, kaindek ekhe inom lambukhogo andoget fuluk, nineisena Tuhan Allah, iren he, Ebe ninabit. Amlogo Kristus ayonggo fesikhesik lakfei wagaikhe mene andi, ninabirat. Ninom weim yabuok, iluk andi fagerat hebelogo werek, iluk isiginmo ebe Daud en isikhe andi.

IBRANI 2:9

Meneat he, at Yesus enek he, arat kain menfesikhemo werek hikhi lago. Allah obabut fano nen, Yesus afuni mondogat faget wa'lasuageluk malaikat inenuwerek esin hangge werek kwelek, at enu lek hangge hilingisogo fesikhemo, ebe yi enggin ti enggin hilik-hilik wa'lagaikhe andiba, Allah nen at enuwerek kain menfesikhemo werek andi.