Ap it inanggele'ma andoma mene ekhe mondok fanorogo hilingiterek mene welagik, nen ekhe mondok higithogo hilingiterek mene welagik, agarek oba nen ogore, e alok weak mene andoma hak enek hilingik. A'nogo hilingitunem At Allah nen amingmingengge nabi bene nen afuni inelurogo yagaisoageluk yagaisikhi lagaikhe mene omanogo higithogo Allah nen At againafuri mene inoba wene fagain mene a'nogo arat horogasi waga. Nen, yogondak he it inebe inanggelekwe andoma mondogat nonghong ikhe.
HOSEA 9:7 - Allah Wene Fano Wene Hupla Inane7 Unggum helogoin oba arat horogasi waga, iren hilingiri'lagwi mene andoma ambisangma helogoin oba faget arat horogasi waga. Israel mene andoma re, ambisangma hogoin mene werek! Hiren ikhi logolik, ”Nabi yi re munggwarengge endawimo kwikhesik! At ebe mondok wenenebo mene!” iluk ikhi lagep. Hiren a'nogo ikhi lagep andi re hit hinaweak hokhore'ma re, an noba hinabit logolik ikhi lagebo. Gade chapit la |
HOSEA 9:7
40 Referans Kwoze
At a'nogo heise lagaikhemo re, at Yehu ambotkwe sugulogo agaila'lak inambit wagaikhemo, iren heinok wokhiki logolik he, ”Wene ninggi'nogo hilinglaga? Nen, ap lugu-lugwi balik andi nen he hat hoba ninggin habigin iluk yagahete?” iluk yagatukwa ma, aren onggo ikhi logolik he, ”Nagaila'lak hiren ogo ap andi ane re hinelu agi,” iluk yagaisasikhe.
It ap nabi nen hat yagaheti lagaukwa mene omanogo re, we ineranhogo wene inom lalogo wene inom enek yagaheti lagaukwa. Iren he hat haweak werek mene a'nogo weinamet fikhi lagaukwa lek, andiba re hat hobabut agaum eti lagagin lek andi o. Hebekhogore iren hat hoba yagaheti logolik inane nen lalek wene inom hendawinggen wanhu mene inom enek yagaheti lagaikha.
A'nogo hilingiti lagep oba nen he, linggene Allah nen hit unggum hinoba fagain sambul andi re, hiren ninggi'nogo hilingisugun anggegap? Nen, o yatma andoma nen enggin mene hinoba lakfei wesumo re hit hinonggwarek hinomameba elok tela hak anggegep? Hiren saba lebetninabin iluk kino yagasugun anggegep? Hit hinangge hinenggi werek welagep mene andoma re koma hinakfakhogoin nogo?
Hit nabi lalinafi lagep mene yoma sani! Hiren An nagainafuri inoba hinane nen lalinafi logolik, wene legengge fano liokhogo logogun iluk lalogo fisikhi lagep. Oba nen wene ebe a'nogo hilingik lek kwelegat! An nagainafuri nen he kweang tangge werago meneba leget pa'leget selang-belangengge wanha mene andi re, hit waga logolik timeng oba tamulugun o.
A'nogo ugunem he, o sili hokho a'nogo kweang pakhogo henagan minggilogo hilinglagik, afuni inunggulenu lombok Allah ebe inonggot mene inawi sili lombok mondogat sanik-sanokhogo wolelenggen tagalagik, ugunem, Allah nen he, ”An na'mage hokho anggur amusu hinago hak a'nogo, at o Babel hokho a'nogo wogosigin,” iluk abok yagatikhe mene andi endawimo ebetesik, wogeti laga higi.
A'nogo higimo nen, Tuhan nen an yaganeti logolik, ”Amos. Nenamene heilenggen hegen?” iluk heinok wo'niikhemo, an nen he, ”Mul ugu misik meneba re enggen yugulik mene nek taganegengge kwalek were'ma higi o,” iluk yagatimo, Tuhan en yaganeti logolik he, ”E enggen wurik agunem palu higit agarek andi hak, afuni Israel mene an nen hilinginabigin mene horok agasik werego. Ma re, an nen hilinginabigiluk anggigi mene andi, sugulhi'lek, eberogo nenat wene arat inoba fagain o.
An he, nebe nabi logolik hit Tuhan againafuri hineluet hinobagakhi logouwageluk Allah nen la'nobagai wagaikhe, oba nen an o ekhema-ekhema laga lagikwe omanogo re, sue faget hakhogo an nobaget hele webet nobagakhi lagep. O kweang Allah onggwarek anggweangma a'nogoba nen afuni nit nabi ninap omanogo eil ninabi'lagwi.
Aren ap tentara ebekhit asuageluk onggo palinafeba nen he at ebe sapi sei mene hangge hilingi'mo re, iren yi'nogo ti'nogo iluk hilingisu re elo'lek. Iren hambuk haluk kagalu elo'lek logolik he longgo ugun iluk inambotkwe heise lili'lagwi. Linggene it inoba unggum fagain oba nogo re arat asi waga, it inoba enggin mene asigin oba re enggi higit aga.
It ap hobuk yi'nogo hilinglasigin iluk agarek mene nen husumbi agarek mene re An nenat sugwiabetirek, hareise higirinafarek mene omanogo An nenat nalek-falek isikhi lagagi. Ap inendawinggen wenggelek mene nen agarek mene omanogo re An nen inane oak sagal fisikhi lagagi, it hebelek mene omanogo re an nenat kembut fisikhi lagagi.
Tuhan nineisena, Hat he it haselei mene unggum wogisagain iluk fouksek welagen oba nen, it he inonggorengge inafe wonghogo werek. Haren hagainafuri faget hendawi hundik hilinginafi lagen mene andoma ineilenggen isaluk he, it inenggali nen yinggil-yinggil kwikhi logouwak. Haren it unggum wogisagain iluk foukhogo fegen mene andiba it inebe mondogat funhogo legasuwak.
Iren An noba wam warogo wo'netu aplere mondok inagaiyek. Nen wam a'nogo eino palek he it nili'lagwi, oba nen An Tuhan nen he iren a'nogo warogo fei weri'lagwi mene andoma re mondogat nabit. Yogondak he An nen it inaweak hilingiri'lagwi mene andoma eberek logolik he it inaweak onggo unggum inoba fagain o, An nen it inebe inambotkwe sugulogo o Mesir lakfisagain.
Piblisite