HOSEA 9:4 - Allah Wene Fano Wene Hupla Inane

⁴ Hit ap pok mene inanggele'ma andoma logolik hiren anggur inom wam inom Tuhan endawimo agaiyek hoageluk fuluk wogeti logogun lek. Hiren ninggi logogun mene andoma re, ap ware'ma fongma andoma logolik nunggunem emetlagaikharek a'nogo hak emethinafi logogin. Nunggungge andoma re we hinalabutmo homot hinobauwageluk ninggi logogun oba nen endebengge ekhe o Tuhan awi wuri'mo omanogo wogosugun nen iluk waluk laga logogun lek.

HOSEA 9:4 Referans Kwoze

HOSEA 8:13

Iren An noba wam warogo wo'netu aplere mondok inagaiyek. Nen wam a'nogo eino palek he it nili'lagwi, oba nen An Tuhan nen he iren a'nogo warogo fei weri'lagwi mene andoma re mondogat nabit. Yogondak he An nen it inaweak hilingiri'lagwi mene andoma eberek logolik he it inaweak onggo unggum inoba fagain o, An nen it inebe inambotkwe sugulogo o Mesir lakfisagain.

YEREMIA 6:20

Iren kemenyan amben fanongge a'nogo o Syeba nen inom, nen yi mene ti mene enduk fano mene ekhe o yatma nen inom, An faget waluk weri'lagwi andi nenahalok nogo? Andoma re tulem aro. Iren yi mene ti mene An nobaget nobagali'lagwi mene andoma re, An nen wanhi lagi mondok lek. Wam warogo nolneri'lagwi mene andoma ogore, An noba liok ili'lago legat.

ULANGAN 26:14

Yi mene ti mene hat faget figi mene andi, ware'ma fong wati logolik ekhe ninggi'lek, enda'ma waluk wulibi laluk, yugalek le'ma ekhe ninggi'legat, afuni ware'ma logolik noagaluk ekhe wogisigi'legat. Haren, Yi'nogo ti'nogo hilingi'no iluk mondogat yaganisasigin hagat hane hologo higithogo hilingiti o, neisena.

YOEL 2:14

Hineisena Tuhan Allah nen he, wene hinoba feigeluk endawimo ebete mene andi sebelogo fuluk, hobuk endawimo hunogoat mene ebesimbik, hokhorogo fanothinabigin logou hago. A'nogo fanothinafe halok, hiren anggur inom, gandum inom, hineisena Tuhan Allah faget elok fisikhi logogun aro.

HOSEA 3:4

A'nogo yagatigimo At Allah nen he, ”Andi hagat afuni Israel mene inenggi hokhorogoat inoe enupogot inom, inogogwi kaindek at enggi ebekwe mene inom, le'ma logolik, wam warogo An nolnetik, afuni inalik hilingik mene oba himbirik logouwogeluk menegeisogo figik, tugwi kembu fisogo welagik, hobuk hilinglasigin mene faget inelu asuageluk hilingitarek mene fisogo welagik, ikhi logogun lego.

YEHEZKIEL 24:17

Haren heilamusu lilogo pelafunem ekhe holinogo. Hat hebe pelagi logoligen heisok sepatu kwelabek legengge inom, hunggul topi ugu legengge inom he la fuk. Nen ekhe haren ogore helokhe salu fugat, hambe heang logolik roti na fugat,” iluk yaganete.

YOHANES 6:51

Sumburu inelugerinaferek mene pogoroba nen pi wagarek andi re, an nebe aro. Sumburu an nen wogisagain mene andi, ap sa nen nunggu halok, at ebe eluk mondok logogin o. Afuni kweangma mene ineluk logouwageluk an nebe it faget wa'lasigin andi, an nebeat wogisagain,” iluk yagaisasikhe.

MALEAKHI 2:13

Nen, hiren hinobabut ekhe hilingiti lagep mene re yi: Hiren yi mene ti mene warogo Tuhan faget iluk nolhi lagep mene a'nogo At Tuhan nen endawimo agaiyek anggaluk helikherek le'ma nen he, hiren le yagaisogo welagep andi. Tuhan obaget nolhuba mezbah omanogo re hit hineil amusu nen yenggelfikhi lagep.

AMOS 5:22

Hiren wam, sue inom, gandum inom, An faget nobagaluk nolnesuogoluk waluk wesugun halok, An nen wanigin mondok lego. Nen, hiren An nane sagalogo weak hilingitigip mene andi faget, ninom lambuluogoluk hinanggo sei hokho mene warogo nolnesi wesugun mene re, An nen wanigin mondok legaro.

YOEL 1:13

Hit ap Allah eisewerek logolik mezbah oba omanogo yabu hilingiti lagep mene yi sani, hinasu karung mene sambuneraluk he le yakhikhi logoni o. Hit hineisena Allah obaget fugu mene anggur inom, gandum inom fuluk wogotu mene mondogat lek aga andi nen he, o hup inukhogo andoma le agu mondok logobagaigen he o Tuhan awi wuri'mo andoma kwikhi logoni o.

YEHEZKIEL 24:22

Ariginumo re hiren ogo hobuk An nen yogondak higi andi hakhogo hogoin aro. Hit hinelokhe huli'lip esugun lek, nen roti inambe heang logolik nenggarek mene nogoin legat.

YESAYA 66:3

Oba nen he it afuni inunggulenu andoma mene nen he it inendawimo inamolo anggagarek mene nek hilingirik lagaikharek. Iren hilingitarek mene re mondok weak mene hebak inafe asu hak mene omanogo faget hinagaiyekhogo kabogetfuluk hilingitarek. A'nogo hilingiti logolik he iren sapi ai mene watik, ap watik, hilingitu mene inom, domba eak watik, mene alonggop perelogo watik, hilingitu mene inom, gandum figik, wam amep figik, ugu mene inom, amben engge kemenyan nolhik, tugwi kembu fogeratik, ugu mene inom andoma re peneti'lek we yugunat hilingitarek.

YESAYA 57:6

Andi nen he, hiren helep elabin mene andoma waluk kabogeti lagep. Hit hinangge mene re andomaat! Helep omanogoba re hiren anggur agai kweisal figik, kandum wogetik ikhi lagep. A'nogo hilingiti lagep mene andoma faget, An nen fano anggili'logo iluk anggikhi logolik hilingiti lageba?

BILANGAN 28:2

afuni inunggulenu Israel mene inoba yagaisikhi logolik he, iren inendawimo nen furogo wenggelfuluk he linggene wenago mene aremnogoba re nunggu mene amben he At Tuhan endawimo healherek mene omanogo obaget wogeti logogun.

IMAMAT 21:21

At Harun ambisangma mene nen tagongge mene halok he, it inebeba inagambut palek lek mene An nobaget nunggu mene warogo nolnesi wagep hanogo.

IMAMAT 21:8

Hineisena Tuhan nebe Anat hilingi'mo An nebe horek welagi hak An nagainafuri inom horegat logoubagaigeluk enogo fakhasigimo, it afuni Israel mene nen he imam andi re An nobaget nunggu mene warogo nolnetunem At onggwarek faget enogo fakhikhe mene iluk fageti logogun fano.

IMAMAT 21:6

At he An nobaget nunggu mene warogo wo'nesi waga logoginmo re, ebe fano tegelek logolik hilingiti logogin. At ebere An nonggwarek nangge eneksek mene were'ma An nenu sebelogo feinogo.

IMAMAT 17:11

Yi mene ti mene eluk werek mene oma re amep oba nek eluk welagarek. Andi nen he, Tuhan nen ikhi logolik he amep mondogat he, At againafuri inaweak leget fisouwageluk mezbah amboloba omanogo nek kweisalisikhi logogun. Nen, mep andi re ebe eluk oba Aren inaweak lek hilingisogo fisikhi logogin.

KELUARAN 40:23

A'nogo fesikhesik, sumburu roti Allah faget fesukwa mene meja andiba earogo fesikhe.

BILANGAN 19:11

Ap ekhe nen ap warek mene ekhe enggi fakhagain halok he, ap andi ebe emerek werek kwelek enek he linggene 7 huli nen logogin.

BILANGAN 4:7

Iren he meja roti weragaisogo Tuhan obaget fugungge a'nogo amboloba re kain elokhe muli pogot hak mene ekheba yanggul fikhi logogun, nen meja andi amboloba re talengge inom, amben fanongge dupa nolhuba obalik a'nogo inom, yi mene ti mene waluk fei laguba obalik a'nogo inom, anggur agai hinagaisogo fei lagungge i wak a'nogo inom, fikhi logogun. Nen meja talek oba andem he roti werago mene hundik-hundik fei lagunem logogin.

KELUARAN 29:40

Domba eak hubet warogo nolhu mene andi inom he tepung terigu mondok fano mene satu kilogram inom, zaitun amusu satu liter inom mulelogo fugunogo. Andi nen ekhe anggur agai satu liter inomat fugunogo.

YEREMIA 16:7

Nen, aben ekhe it faget fong warogo logolik iluk seni ekhe isasugun mondok legat. Nen afuni inom inendawinggen sebe iluk werek mene ogo, athe ineisugwi inagaisalak wa'lagunem fong warogo inom werek mene ogo logogun legat.

DANIEL 1:8

Inenu a'nogo salinafikhemo were'ma, Allah nen he, ap Aspenas a'nogo nen at Daniel ebe endawirasimbik endawi hundik hilingiti logouwageluk hilingisogo fesikhe. A'nogo hilingisogo fesikhemo were'ma, at Daniel endawimo nen he, ”An nen raja aiba mene amburu inom, agai anggur amusu ninggerek mene inom nunggunem, nebe weaget fakhigi hanogo,” iluk endawimo anggasikhesik he, ap enupogot agoromi inoe a'nogoba yagati logolik, an namburu inom, nagai inom nunggu mene re we amu mene wo'neti logogun o,” iluk yagatikhe.

YOEL 1:9

Gandum inom, anggur inom, nineisena Tuhan awi wuri'mo fisugu mene mondogat leg aga. Andi nen he it ap Allah eisewerek logolik, At faget hilingiri'lagwi mene omanogo le yagaisogo werek.

HOSEA 7:16

It he hundik-handik dewa inomame werek lek mene omanogo faget mu'luk lili'lagwi. It faget he werek angga lek hak, it inebere sikhe enggela sapulangsek mene hangge werek. It inogogwi kaindegen he inane wonoget fakhikhi logolik agarek andiba re, it inebe weim ambisangma nen inoasumo wa'lasugun. Nen, it afuni Mesir mene nen endo yaginafi logogun,” iluk ikhe.