HOSEA 9:3 - Allah Wene Fano Wene Hupla Inane

³ Yago, hit afuni Israel mene re kweang hineisena Tuhan nen wokhisasikheba andoma femhogo logogun lek. Hit mene fena re nekhengge sugulogo o Mesir logoin, nen fena re o Asyur oba andoma nen nunggunggere saliogengge mene omanogo ninggi logogun.

HOSEA 9:3 Referans Kwoze

YEHEZKIEL 4:13

A'nogo yaganetesik Tuhan ane ekhe inom ikhi logolik, ”Ap Israel mene o kweang it inonggotma andoma huginabi lamo, it nunggu mene re Musa nen wene melalek oba wesa werek mene omanogo iren a'nogo ninggi logogun,” iluk ikhe.

HOSEA 8:13

Iren An noba wam warogo wo'netu aplere mondok inagaiyek. Nen wam a'nogo eino palek he it nili'lagwi, oba nen An Tuhan nen he iren a'nogo warogo fei weri'lagwi mene andoma re mondogat nabit. Yogondak he An nen it inaweak hilingiri'lagwi mene andoma eberek logolik he it inaweak onggo unggum inoba fagain o, An nen it inebe inambotkwe sugulogo o Mesir lakfisagain.

IMAMAT 25:23

Ekhe inom ikhi logolik, ”Kweang andoma Allah onggwarek mene hilingi'mo re, hit he ap pok mene higit logolik kweang amboloba nek yagaisogo ninggi logouwageluk yagahisikhe. Nen kweang andoma hit hinanggweang logouwageluk mondok-mondok onggo palegep hanogo.

YEREMIA 2:7

An nen o mondok fano kweang muli fanoma yi mene ti mene yagaisogo ebe fano ninggik, yi mene ti mene fano mene ekhe heligik, ikhi logouwageluk woginarek wagagi meneat he, iren An nanggweang andomaba emetfigik, nanggweang oba weaget figik, ikhi lagaukwa andi.

HOSEA 7:11

Israel he, sue yalma mongol mene nen lagik wagik ikherek hak hilingiri'lagwi. Attak he iren Mesir mene nen lebetninapni o iluk kino lagaikha. Andi nen hobuk he Asyur mene nen lebetninapni iluk yagaisa lagaikha!

DANIEL 1:8

Inenu a'nogo salinafikhemo were'ma, Allah nen he, ap Aspenas a'nogo nen at Daniel ebe endawirasimbik endawi hundik hilingiti logouwageluk hilingisogo fesikhe. A'nogo hilingisogo fesikhemo were'ma, at Daniel endawimo nen he, ”An nen raja aiba mene amburu inom, agai anggur amusu ninggerek mene inom nunggunem, nebe weaget fakhigi hanogo,” iluk endawimo anggasikhesik he, ap enupogot agoromi inoe a'nogoba yagati logolik, an namburu inom, nagai inom nunggu mene re we amu mene wo'neti logogun o,” iluk yagatikhe.

YEREMIA 16:18

It inaweak inom kwanirogo hilingiri'lagwi mene inom andoma nen he An nanggweang a'nogo kembu areagun legenggeba nen emetfagama re An nen altap pireba unggum inoba fagain o,” ikhe.

2 RAJA-RAJA 17:6

at Hosea re afuni melalinafu 9 tahun werek kwelek at Salmaneser en o Samaria sebeli wagaikhe. A'nogo sebeli wagaikhesik afuni Israel mene hele warek welagaukwa mene omanogo woginarek he o Asyur lagaikhe. Nen, woginarek lagaikhesik it omanogo fenakwe re o kota Halah ba andoma fisasikhe, nen fenakwe re o wilayah Gozan oba nen i Habor horokhogo andoma fisasikhe, nen, fena fikhit he o Medai kweang oba kota-kota andoma fisilik lagaikhe.

1RAJA-RAJA 9:7

An nen hit nagainafuri Israel mene o wokhisasigiba yoma nen mugisogo wulakhinobagambik he, o An faget hilingitu mondok logogun oba nawi wurogo nobagegen mene yi, nebe welagi'lek herakfisaluk wulibigin o. A'nogo herakhinobagaumo re, afuni ekhe o yi awi ti awi nen hit Israel mene inendawimo seramet hinobagaluk, endo yakhinafi logogun o.

ULANGAN 28:63

At hineisena Tuhan nen agaiyek oba hit hinangge yi mene ti mene werek enek logouwageluk wokhisigik, hinebe ekhe inom hokhot hinobagagik hilingiterek hak, Arenat agaiyek oba hit hinebe hinoatik, leget hinobagagik igin. O kweang horok yogondak ya kwilambik logogun oba andi nen henogo wulak hinobagagin.

ULANGAN 4:26

Hiren he, o i Yordan palogo kwimbik logogun oba andoma nen, an nane hologo hilingisugun lek halok, Allah nen hinebe mondok legethinabumo ekhe inom logogun mondok lego, iluk kweang pogot inesanggo holek werek kwelek igi andi.

KISAH PARA RASUL 10:14

A'nogo yagatikhemo, at Petrus nen he, ”Lego. Noe. An wesa mene fenago lek mene endephogo ninggi'legat welagirek,” iluk yagatikhe.

MIKHA 2:10

O yoma re, hit hinebe fanorogo logou lek hago. Hit hinaweak mondok hokhorogo hilingiti lagep andi nen he o hit hinebe welagep oba yi enggin-fenggin mondok weak mene lakfei wesiginmo re, hinebe menla'luk heise lani o.

HOSEA 11:11

It he sue nen tarogo lagarek hak o Mesir en weak-weak wesugun, nen o Asyur en he sue fibe nen elang paluk lagarek hak wesugun. A'nogo wagunem he An nen it inebe sugulogo woginarek it inonggwarek inailoba fisa lagain, iluk An Tuhan nen nane mondogat igi o,” ikhe isikhe.

HOSEA 11:5

it afuni Israel mene andi inobabut hebela'luk inambotkwe an noba wesu re, inabit mondok welagaikharek. Andi nen he, it hobuk inambotkwe o Mesir loago. A'nogo lamo, it afuni Asyur mene inoe raja nen ferinarek logogin o.

HOSEA 9:6

Enggin mene hinoba asi wagunem, nen hit hinebe wokhinarek o ekhema hinobagai lagunem, it fena hit hinanggele'kwe werek mene andoma re afuni Mesir mene nen inoa'luk he inebe warek o Memfis andoma salinafi logogun. Engga inom alok-alogengge inomen he, hit hinaiba wurik logogin kwe andoma inom, hinangge onggo hokho mene perak andoma inom, sebelogo fagain.

YOSUA 23:15

Oba nen he Aren wene wathisikhe mene omanogo mondogat hit hinoba tiphogo nek hilingite hakhogore, Aren he hit hinebe ogo hinoasigin iluk ikhe mene andi re ibi-eberogo nenat hinoasigin o.

ULANGAN 28:68

At hineisena Tuhan nen hit O Mesir en wokhinarek wulibi wagaikhesik, Aren ikhi logolik, o andoma nekhengge sugulogo kapal oba lakhinobagagin o. Andoma re, hit hinonggwaregen hinomamerogo afuni inamingmingengge logogun nen ninebe onggo paloageluk it hinaselei mene inoba onggo huniti logogun oba nen he, ap misigen iluk ogo ekhe onggo palu re elo'lek hilingik logogin o,” iluk yagaisasikhe.

IMAMAT 20:22

Tuhan nen ikhi logolik, ”An nen wokhinarek lagain oba o Kanaan andoma nen mugusogo wulak hinabi nogore, An nen nawene melalek inom yi'nogo hilingiti logoino ti'nogo hilingiti logoino iluk yagahisikhi lagi mene andi furogo holfuluk hilingiti logoino.

IMAMAT 18:28

Hit o andoma oan kwi lagi'le'ma, afuni Tuhan inonggot mene o andoma werek mene Tuhan nen mugisogo wilak fisagain andi hak, hirogo Aren wene hinoba fuluk kweang andomaba nen mugusogo wilakhinabi nogo.

RATAPAN 5:6

Nit he o Mesir laluk kino-kinongge mene aga lago, nit nunggu mene re Asyur mene inoba kinosi laga lago.

HOSEA 7:16

It he hundik-handik dewa inomame werek lek mene omanogo faget mu'luk lili'lagwi. It faget he werek angga lek hak, it inebere sikhe enggela sapulangsek mene hangge werek. It inogogwi kaindegen he inane wonoget fakhikhi logolik agarek andiba re, it inebe weim ambisangma nen inoasumo wa'lasugun. Nen, it afuni Mesir mene nen endo yaginafi logogun,” iluk ikhe.

AMOS 7:17

Tuhan nen ikhi logolik, hat hagwe re yanani hilingirik nugu mene hilinglasimbik, o kota kwe andoma yugunat hilingirik nikhi logogin. Nen, hat hagainafuri re inebe weim oba nen enek inoasugun. Hat hanggweang he ap amu mene inoba sumburisogoin, nen hat hebe re o kweang afuni Tuhan inonggot mene were'ma andoma nen wa'lasigin o. It Israel mene re inawi eroma nen yatma andoma woginapluk lakfisa logoin o,” iluk wenagetikhe.