HOSEA 9:2 - Allah Wene Fano Wene Hupla Inane

² Oba nen we eil misik logombik andem oba hit hinangge gandum enggen inom, zaitun amusu inom, anggur inom mondogat lekhogo nek logogun.

HOSEA 9:2 Referans Kwoze

HOSEA 2:9

A'nogo hilingiri'lago andi nen he, gandum enggen inom, anggur enggen inom, palhu sambul he, An nen wogotunem palikherek mene andi, nambotkwe oak heligik, kain esi wol mene inom, esi puselekweak linen mene inom, alfulukwa kogouk weregen labesuageluk wogotirek mene andi, nambotkwe oak heligik, igin o.

HAGAI 2:16

Hiren gandum enggen palek mene kabok lagagunem hinendawimo nen anggikhi logolik he 200 kilogram en helogoin iluk anggikhi lagagip oba nen he, we 100 kilogram enek aga lagaikhe. Nen, hiren anggur agai hinago were'ma omanogo nen 100 liter en hinakhogoin iluk laga-lagagip mene re we 40 liter enek welagaikhe a'nogo.

HAGAI 1:9

Hiren he, enggen ugu hokhorogo palogoin iluk hinendawimo ebet-ebet ugunem en he, we endebengge nek palhikhi lagep, a'nogo palaluk hinaiba helaluk waga lagep oba nen he, An nen futhugunem he sogoi en funhogo waluk lili'lago andi. Ninggi'nogo iluk a'nogo hilingiti lagi anggikhi lagep nogo? Andi re, An nawi a'nogo o meisalegenek kabok lagagu kwelek hit hinebe lombogen hinonggwarek hinawi hinebe werekwe omanogo nek wurikhi lagep andiba hilingiti lagi o.

HOSEA 2:12

At endawimo nen he, e ara ero inom, anggur ero inom, ap An ninom nikhi lago mene nen onggo wo'netarek mene o, iluk anggikherek mene andi re, An nen mondok legetfisagain aro. An nen at eabu anggur yabu inom, e ara yabu inom, andi hunogoat enggama hakhogo hilingisogo foumo, wam maro obabut weak mene nen weaget fisikhi logogin.

KEJADIAN 50:10

It omanogo waga lagaukwasik he, o i Yordan abel mo yegelogo lagai wagarek higit afuni gandum enggen sagalharek oba o Goren-Haatad andoma asi lagaukwasik he, inendawimo weak agaikhesik, le inane hokhorogo agaukwa. A'nogo agaukwama, at Yusuf en fong andoma wasuageluk isikhemo re, fong watu inenggi 7 nen o andoma welagaukwa.

HOSEA 2:11

Aren, afuni Yahudi mene nen hilingitarek higithogo hilingiti logolik, tahun misigat wela'luk pesta seni isago ninggik, tugi ket mene folelhunem pesta hilingitik, enggi sabit oba An faget weat welagik, ikherek mene andi re, mondogat An nen legetfagain o.

AMOS 5:11

Hiren afuni inangge lek inelagaik mene sebelogo fisaluk, inamburu gandum he hinenggi abisak helikhi lagep. A'nogo hilingiti lagep andi nen, hit hinebe hinawi fano mondok wurikhi lagep oba andoma logogun mondok lego. Nen, hinagayo anggur awi hineabukwe yago mene andoma enggen amusu ninggi logogun mondok legaro.