HOSEA 9:16 - Allah Wene Fano Wene Hupla Inane

¹⁶ Afuni Israel mene re An nen unggum wogisamo, it inebe re awi yago mene omanggen pugagik, enggen iti'legengge welagik ikherek hak hilinglasugun. It inagainafuri inerembul oba tago logogun lek. Nen, it inagainafuri tago logogun oba nen ogore An nen inebe mondogat pinggi inoasigin o,” ikhe.

HOSEA 9:16 Referans Kwoze

YEHEZKIEL 24:21

wene yi'nogo hilingisuageluk yagaisano iluk yaganetemo, iren he Tuhan Awi wurik a'nogo faget foget fakhikhi lagep. Hiren he hineilenggen kwelakhikhi logolik o ebe wuri'mo omanogo laga lagep, oba nen Tuhan nen At aiba andi emerogo mondogat weaget fagain. Nen hit hineisok erokwe mene inebe yenggerek oan meneba nen o Yerusalem yoma werek mene re weim yafi logolik inoasugun o, iluk igi.

YESAYA 5:24

Hit he hineisena Tuhan Omame Mondok Hokho mene a'nogo nen wene yagahisasikhe mene omanogo ninabit iluk herakfisikhi lagep, nen hiren afuni Israel mene ineisena Allah Mondok Horek mene a'nogo sebelogo fikhi lagep. Andiba re, lei engga inom engga puk mene inom endu nen libunghogo ninggerek andi hak he hirogo hinomanggen mondok fili agik, hinowil puk agik, sogoien mondogat furogo lakhinobagagik, igin o.

MALEAKHI 4:1

Tuhan Omame Mondok Hokho mene a'nogo ane ikhi logolik he, ”Hobuk An nawi andi wei ugunem he, afuni ekhe inonggwaregen foget fakhagarek mene inom, inobabut weak hilingitarek mene andi inom, inebe engga puk mene endu nen ninggerek andi hak ekhe fena herakfisigi'lek endu mondok nagain o.

HOSEA 8:7

An nagainafuri nen sogoi awi yatu halok he enggen he sielu palikhi logogun! Gandum yabu yago mene wurik agu lek halok he nunggu mene faget gandum weregabet fakhikhi logogun lek! Oba nen gandum andoma wurik asi le'ma nen ogore ap inunggulenu amu mene nen ninggi logoilep.

HOSEA 5:11

Hit afuni Israel mene nen it ekhe telhinabu lek meneat he telhinabuageluk ninghogo inayonggo fikhi lagep andi nen he, it ekhe nen wene hinoba fagasik weagethinafi logolik hinawi mondogat sebelaga andi.

YESAYA 40:24

It andi re, awingge ket yakfugu mene omanggen ket pelaferek andi hangge hilingik, Tuhan nen sogoi lakfei wesumo nen he, it inebe iring la'luk engga puk mene higit furogo la hago.

AYUB 18:16

E omanggen fili a'luk engga mondogat pugagunem mutarek andi hak at ebe wa'lasigin o.

KEJADIAN 41:23

Nen, gandum ero misik ekhe hunogo meneba enggen ebe 7 nenat sogoi aganhan weak mene nen enggen lek saweret fikhesik, amusu lek pugetfikhe mene igisogo wulabi wagunem higiaro.

ULANGAN 32:25

It inebe endakwe lagunem, weim yafi logolik inoasugun, It inebe oloba were'ma, inali'lip hokhorogo hilinglasugun, Ap alage helime yenggerugwi, inebe mondogat legetfisagain, It omalik ketago mene ogo, it ekhe yamanugwi mene ogo, inebe mondok legetfisagainat.