Biblia Todo Logo
Bib sou entènèt

- Piblisite -




HOSEA 9:15 - Allah Wene Fano Wene Hupla Inane

15 Tuhan nen ikhi logolik, ”Iren weak mondok hokhorogo hilingiri'lagwi mene andoma re, o Gilgal en eroratukwa. A'nogo hilingitukwa andem huli nen An nen it inoba nabit anggugu mene a'nogo eroratigi. Nen, iren ina'mageba hilingitarek mene andi nen An nen o An nanggweang oba yoma nen mugisogo wulaginabigin, An nen it inoba nendawi hundik hilinginabigin lek; it inogogwi ferinarek mene andoma mondogaren he, An nane oak sagalogo mondok hilingiri'lagwi.

Gade chapit la Kopi




HOSEA 9:15
38 Referans Kwoze  

An nen it nabi-nabi ninom nane mondogat igi, inabikanggo hagarek hakhogo wene hokhorogo wogisigik, nen it inebene nen An nen hit An nagainafuri hinobaget wene kagalogo welagi mene omanogo mondogat yagaisigik, isigi.


Hit afuni Israel mene nen he An noba hinendawinggen tiphogo logolik hilingiti lagep lek! Oba nen it Yehuda mene andi re hiren hilingiti lagep andem hakhogo hilingiti logoinogo. Hiren o Gilgal iluk ogo nen o Betel iluk ogo wene kabogesugun iluk ekhe hilingisu fuk. O andoma nen Tuhan Eluk Mondok welagarek agun a'nogo enuba hombuk palu fugat.


Hit hinogogwi kaindek fethinarek welagaikharek mene omanogo re wene oak sagalogo hilingiti logolik he, afuni yogot wanharek mene inom sebe'luk weak hilingiri'lagwi andi. A'nogo hilingiti logolik he yi mene ti mene weat wogisugunem heligik, inenggi a'makwe nen heligik hilingiri'lagwi. A'nogo hilingiti logolik he, yenggerugwi suarek mene afuni unggum pilingitarek oba omanogo nen unggum inoba fisugunem it inebikhit agi'lek, hemi sogwe mene inane agarek mene omanogo inane holhi'lek, hilingitarek andi.


Hit an faget hilingisuogoluk, o Bersyeba lagubo. Nen, afuni o Betel mene inebe lek asugun andi nen he, An hera'nabik, andoma la fugo. Nen, afuni o Gilgal mene inebe hele warogo woginarek logoin andi nen he, o Gilgal lagubaro,” iluk ikhe.


A'nogo ferinarek logolik, yi tahun ti tahun o Betel, Gilgal, Mizpa oba andoma eilenggen isilik laga lagaikhe. Laga logolik, afuni Israel mene yi wene ti wene minggilik awene inoba were'ma pilingisogo legetfisikhi lagaikhe.


It ap o andiba yi kain ti kain werek mene re mene singa ngin eterek hak hilingitarek inap werek. Nen, it ap Hakim wene higithogo tegetarek inap andoma re no serigala nen nunggu mene nele welerogo logolik hilingiterek hak, iren oak misik iluk ogo hobit nunggu mene iluk ekhe fagarek lek.


Nagainafuri e. Hun raja Balak awi Moab mene a'nogo nen hinombawi weagetfisagain iluk hilingitikhemo nen ap Beor amlogo Biliam a'nogo nen onggo yagatikhe mene aremnogo eberek logoino. Nen, o Sitim o tenda meneba wuri'mo welagaukwasigen hobuk o Gilgal o tenda wusuogeluk tulem andoma waga logolik, hilingitukwa mene andi hinendawimo eberek logoino aro. A'nogo eberek logogun halok he, An nen telhinabigin iluk hilingiti lagi mene andi fut fogoin o,” iluk isikhe.


A'nogo isigin hagat, at Herodes inom, Pontius Pilatus inom, afuni endakwe mene inom, afuni Israel mene inom, hat honggwarek hamlogo Yesus, nit afuni telninabuageluk menfesigin mene a'nogo, wasuogeluk eberogoat o yoma andogosi wagaikha andi faget isigin andi.


An nen a'nogo halinafunem he, ap gembala inebe henagan mene nen an li'norogo wena'neti logolik inabit noba fugunem he, an na'mage sebelu mondok elo'lekhogo hilingnafi laga. A'nogo hilingnafu nen he, tugi misik meneba nek he, it a'nogo mugusogo wulakfisigi.


Hit ap o kota ba hinebe kaindek logolik hinalonghogo welagep mene nen ogore, wene yaganisani iluk onggo palogo ugu halok enek he Tuhan nen awene melalek a'nogo yagaisigik, hilingiti lagep andi. Nen, hit ap nabi nen ogore, Allah nen yi'nogo hilingisugun iluk ikherek mene yagaisouwogeluk he uang wokhisugu halok enek he inawene palhik, nen hit ap imam en ogore, wene yaganisani iluk onggo palogo ugu halok enek he Tuhan nen awene melalek a'nogo yagaisigik, ikhi lagep andi. A'nogo hilingiti logolik, hit mondogaren he, ”Nit nineisena Tuhan ninom hundik welago, nen At ebe nit ninanggele'ma were'ma re, nit ninoba wene weak mene ekhe aga logogin lego,” iluk anggikhi lagep andi.


Andi re, An nen hit o kweang ekhe o Damsyik en yatma andoma lakhinobagaumo logoin o. An Tuhan Nomame Mondok Hokho mene hineisena Allah a'nogo nen nane arat igi o,” iluk ikhe isikhe.


Tuhan Lego Mondok welagarek mene a'nogo nen ikhi logolik: ”Hit afuni Israel mene yi sani! Hiren o Betel tugwi kembu faget hilingiti lagep oba andoma An nane sagalogo weak hilingira lani o. O Gilgal andoma lambik weak hokhorogo hilingira lani. Laluk he, wam tugwi kembu faget warogo hundik-handik ohealek huberat siakhogo noletik, yi mene ti mene awi yatu mene ebe tatik, palhik, ugu mene hinenggi wenagaisogo 10 nen asi lagunem, 9 hit aga logolik misik 10 mene andi re tugwi kembu faget fisaluk, hinenggi pire wela'luk ekheba re wogosi lagik, ikhi logoino o.


Afuni Allah againafuri nen he Allah an nen obaget hilingiti lagi mene a'nogo At ane holhu re ninabit iluk herakfisagama, it inebe re afuni inunggulenu amu mene inanggelekwe leil wati logogun o, iluk ikhe.


Yago, hit afuni Israel mene re kweang hineisena Tuhan nen wokhisasikheba andoma femhogo logogun lek. Hit mene fena re nekhengge sugulogo o Mesir logoin, nen fena re o Asyur oba andoma nen nunggunggere saliogengge mene omanogo ninggi logogun.


Iren ina'mageba hilingiri'lagwi mene andoma faget An nen eberisagain mene a'nogo inendawimo eberi'lagwi lek. Oba nen he it inaweagen sebelinafunem An nen weinamat isikhi lagi.”


Ma re, afuni inoba enggin-fenggin hili'lagwi andem higit he hirogo a'nogoat hogoin o! Nen hiren hilingiti lagep andem higithogo re An nen unggum hinoba wokhisagain aro.


A'nogo yagatigimo At Allah nen he, ”Andi hagat afuni Israel mene inenggi hokhorogoat inoe enupogot inom, inogogwi kaindek at enggi ebekwe mene inom, le'ma logolik, wam warogo An nolnetik, afuni inalik hilingik mene oba himbirik logouwogeluk menegeisogo figik, tugwi kembu fisogo welagik, hobuk hilinglasigin mene faget inelu asuageluk hilingitarek mene fisogo welagik, ikhi logogun lego.


Takhikhemo re, Tuhan nen yaganeti logolik, ”Hit An nagainafuri legat. Nen, An hit hineisena legat andi nen he, hit An nagainafuri lek iluk u hak he, enu Lo-Ami salin o,” iluk yaganete.


A'nogo yaganetikhesik oba nen, he a'nogo hobuk eak a'ma agaikhesik he, omalik hele mene ekhe tatikhe. A'nogo tatikhemo, At Tuhan nen an yaganeti logolik, ”Hosea ao, An nen afuni Israel mene nendawirinabimbik, it weak hilingiri'lagwi mene sagalogo legetfagain mondok lego, andi nen he ha'logo andi enu re endawi hundik ninabi'lago lek mene iluk, Lo-Ruhama, salino.


A'nogo hilingiti la'luk he aren weinam weinamat pailak hilingiti logolik, ebe afuni hokhorogo inelokhoma omanogo nen ineilenggen neoageluk hilingiti laga. A'nogo hilingitunem An nen at oe a'nogoba hebak naferogo kwelakhikhi lagagi hak. At oba ogo kwelakhugu aple hebak nafe aga laga.


It inogogwi kaindek pemerintah ba yabu hilingiri'lagwi inap andoma re mene olomene serigala nen paik hangge senfuluk tilip talap isikherek andi higit werek. Iren he inangge hokhorogo helogoin iluk ap wasugun mene nek hilingiri'lagwi.


Tuhan nen ikhi logolik, An nagainafuri An nen nendawi hundik hilinginafi lagi mene andoma nen mondogat weak hilingita. Ma re it he An nawi wuri'mo andi logoumo re elo'lego. Iren anggikhi logolik he wene-wenengge watik, wam warogo figik, hilingiri'lagwi mene andem faget he enggin inoba asi wesigin mene andi re elok kwe palfogoin iluk anggikhi logolik hilingiri'lagwi a? Andiba it inagaiyek asu hak nogo?


Arigini'mo re Tuhan Allah nen wene ikherek mene inom, At amolo anggikherek mene inom andoma re it ap inogogwi kaindek andoma nek he inelu werek enggere an nebe it inoba lambik nane masi layok. A'nogoba nen it mondogat he Tuhan nen yagaisikherek mene faget inabit welagik, nen iren Tuhan ane hologo hilingisu inabit welagik agaregat andi.


Aren he Awi Sabu o Silo wurik mene a'nogo herakfisasikhe, nen it afuni inanggele'ma At ebe welagarek mene a'nogo inomat herakfisasikhe.


A'nogo mondogat hilingfuluk he at Yosua agoromi sikhe fisogo mene omanogo inom he inambotkwe o Gilgal inawi sabu wuri'mo wagaukwa.


An nendawimo hebak naferogo, hiren punu kwe fogerasi laga-lagep kwe andoma inom, dupa amben fano mene nolhi lagep mene obuluk wurik andi inom. wolelenggen tagalogo fembik, hit hinebe warek he tugwi kembu hiren mene wolelenggen hogo fagain mene omanogo ambolebene hukhisagain.


A'nogo yagaisasikhemo re, inesanggo holfuluk, o wei ugu kwelek, Allah awi wuri'mo kwisukwasik wene yagaisikhi lagaukwa. A'nogo yagaisugu kwelek he, it ap Allah ane eisewerek mene inoe kain a'nogo agoromi inomen ap inaluendek Israel mene wene ero pilingiti lagaukwa mene mondogat, inayonggo fesukwasik inebe andoget fuluk inagoromi ekhe nen he, it Yesus nen inayonggo fuluk lakfisasikhe mene inenggi hele warek fisasukwa mene a'nogo woginarek wesuageluk, o fisasukwaba a'nogo lakfisasukwa.


An nagainafuri wenagaisogo fakhasigi meneba nen ogore nane oak sagalhi logolik mene singa engga obakheba nen ane kouwaterek hak iren An noba a'nogo hilingiri'lagwi. Arigini'lagwi andiba re An nen it inoba nabit anggikhi lagi o.


Yi'nogo ti'nogo ap Israel mene nen huberen pikhit hubanggo hilingiri'lagwi mene andoma re, alomarogo nek hilingiri'lagwi, obaburugwi re sogoi timur fikhiren furogo legetfikherek hak hilingitik, inobabut haferogo nek inaniniba hilingitarek mene andi it inanggele'ma nen hokhoabet fili'lagwi. Iren he it afuni Asyur mene inom sebe'luk, ninom hundik logouwogo iluk wene wat-wat uogeluk enegengge re minyak wokhagaresik o Mesir logoin iluk hilingiri'lagwi,” ikhe.


Tuhan nen an noba ikhi logolik, ”Musa inom Samuel inom ya mendek logolik afuni yi faget hendawirinabin iluk kino yaganesumo mene ogore it inunggulenu yi mene ari An nen nendawirinabu lek hago. An he it kwelagisa re mondok nabit nabi'lagonggere, unggulenu ari mene re hela loakhogo yagaisan o!


Swiv nou:

Piblisite


Piblisite