Oba nen he, An nen, it hilingiri'lagwi mene andoma faget unggum wogisagain lego, andi re, hit oba nen ogo re, laluk, it uang herati logolik pailak hilingiri'lagwi mene omanogo inambit kembu awi wurikwe andoma yabu hilingitunem hinom hambenan hilingisi laga lagep. A'nogo hilingiti logolik hiren it hinom seberogo fugungge omanogo kembu dewa faget nologo fogerati lagep. A'nogo hilingiti lagep mene andoma faget wene aben ikhi logolik: ’Afuni inunggulenu Allah ebe werek mene faget wenggelhi'legengge hilingitarek mene andoma re ibi-eberogo nen he it inebe alomat lakhogoin o,’ iluk agarek.
HOSEA 9:10 - Allah Wene Fano Wene Hupla Inane10 Tuhan nen ikhi logolik, ”Attak An nen Israel herakhasigi sambul andi re, afuni o leimo nen anggur enggen herakhaluk inagaiyek agaikharek hak hilingitigi. An nen attak hinombawi isasigi sambul andem he, afuni nen e ara enggen attak mene ineilenggen haluk inagaiyek agarek hak nagaiyek hasigi. Oba nen he, it inebe tom Peor oba laluk kembu baal fogeratunem, dewa iren inendawi hundik hilingiri'lagwi mene andi ebe emerek hak emetlagunem he An nen nabit anggikhi lagi o. Gade chapit la |
HOSEA 9:10
32 Referans Kwoze
An nebeba hilingik welagi re o hibi lagagunem e enggen itu mene omanogo andogosi lagaikharek hak inom, nen anggur enggen attak mene paliluk hobuk mene pali lagaikharek hak inom, hilingik logolik he, alomat lasigiluk welagi o. Nen e anggur enggen nunggu mene inom, ara enggen an namolo mene inom ekhe werek lek.
A'nogo yagasimbik, at eabu anggur yabu andi hobuk ambotkwe fano hilingisogo wogotik, o Akhor tonggoma yi weak ti weak hilingiti lagaba andi hobuk fanot fikhi logogin oba hilingisogo figik, igin o. O andoma nen at ebe silerik oba o Mesir en wulibi waga logolik, An nebe wo'nafikhe andi hak wo'nabigin.
Oba nen he iren An nane sagalhi logolik, An nane holu aple inabit anggikhi lagaukwa. Iren he tugwi kembu it inebe emetfisikherek mene ilirenggethigik werek mene omanogo hugisare inabit logolik Mesir mene inandugwi kembu omanogoba fogerasuogeluk ogo kamo ikhi lagaukwa legat. It inebe andoma welagaukwaba andem he An nen nanini it inoba fagain iluk mondogat fouget fesigi.
Nineisena allah nen wo'nisikhi lagen, iluk hai wati logolik, roti An nobaget fou hak, tugwi kembu andoma faget roti enggen fiterek mene inom seberogo werago wogotu mene inom, fisikhi logolik, Niren ekhe oba mangorogo fisikhi lago, iluk fogerakhigik, sewirakhigik, ikhikhi logoino re. Hit a'nogo hilingitu aple hinamolo nenat hilingirikhi lagep andi, iluk An hineisena Tuhan nen igi o.
Andi re it ap nabi nen he ineranhogo wene igik, nen it imam en he inendawimo nen anggaluk hilingisugun mene nek hilingitik ugunem, hit An nagainafuri nen ogore ariginik mene andoma faget hinagaiyekhogo nek hilingiti lagep. Oba nen he hobuk wurep kobok i wesigin oba re hiren ninggi'nogo mene ekhe hilingisugun nogo?” iluk ikhe o,
Iren inanggo warogo, Allah mene fisigi'lek, munggwarengge inobabut, weak mene fisasukwa. It afuni inunggulenu hunogoat mene nen he, Nineisena andiat iluk, agarek mene fisasukwa, It inebe nen inonggot mene, andi faget fisasukwa, Inombalagen agaukhogo, hilingiti lagaukwa lek mene, andi faget fisasukwa.
Iren inangge kembu dewa faget amben fano mene dupa it ap yi inunggulenu ti inunggulenu o Kanaan oba were'ma Tuhan en mugusogo wulakfisasikhe mene omanogo nen inetokhogo hilingiti lagaukwa hakhogo mezbah kembu dewa faget wurik mene ebene omanogo nolhi lagaukwa. Tuhan en kembu ekhe wusugun mandok lek iluk ane huli fesikheba nen he iren kembu wuti lagaukwa. Nen, iren yi aple ti aple mondogat kwanirogo nek hilingiti lagaukwa andiba re Tuhan a'mage kwelafi lagaukwa.
Piblisite