HOSEA 7:9 - Allah Wene Fano Wene Hupla Inane

⁹ Iren unggulenu amu mene inom seberi'lagwi andiba re it inomame lek ari'logo mene a'nogo futfili'lagwi lek. It ineluk logogun mene faget mondogat ambisangma asi weri'lagoba nen, it he inonggorengge wonghogo werek.

HOSEA 7:9 Referans Kwoze

HOSEA 8:7

An nagainafuri nen sogoi awi yatu halok he enggen he sielu palikhi logogun! Gandum yabu yago mene wurik agu lek halok he nunggu mene faget gandum weregabet fakhikhi logogun lek! Oba nen gandum andoma wurik asi le'ma nen ogore ap inunggulenu amu mene nen ninggi logoilep.

YESAYA 1:7

Nen hit hinawi yi awi ti awi omanogo mondogat leget fisaluk, hinawi kota-kota omanogo mondogat he endu fisagaisogo felelenghogo ningge andi. Hit hinelokhoma nenat ap pok mene nen hinanggweang sebeligik, hinangge yi mene ti mene mondogat wolelenggenhogo leget fisigik aga.

AMSAL 23:35

A'nogo hilinghinafunem he, hiren yi'nogo ugun: ”Yei noatik, nelokhonggen lambuk lambakhogo noatik, aga meneat he, ou higi lego. Ninggi'nogo hilingninafa he. Nobakheindok palaga o. Eige, nogo neil mondogo. Kiba neluk asigin he, anggur amusu ekhe nele e,” iluk hinobakheindok palogo logolik hinane yugunat a'nogo ikhi logogun aro.

2 RAJA-RAJA 13:22

At Yoas raja menlagaikhesik melalinafu werek kwelek andoma re Hazael afuni Siria mene inoe raja andi nen afuni Israel mene ferinarek logolik enggin-fenggin inoba fugu welagaikhe.

YESAYA 57:1

Ap fanorogo hilingitarek mene inom higithogo hilingitarek mene wa'lagunem he, ap ekhe nen futfisigik halfisigik agarek lek. It mondogat wa'la'luk he enggin-fenggin meneba nen ogal fakhaluk inoba fanorogo set walikhi logolik werek.

2 RAJA-RAJA 15:19

Afuni Asyur mene inoe raja Pul a'nogo it afuni Israel mene were'ma weim sineli kwi wagaikhemo at Menahem en he, ’An afuni Israel mene inoe hilingi'mo andoma nebe nomamerogo melalinafi logogin,’ iluk hun Pul andi nen legeisogo nobagauwak, iluk he perak 34.000 kilogram en mene wogetikhe.

YESAYA 48:8

Afuni nen hat hoba eberogo iluk fut hobagali'lagwi lek andi re An nelu o, endamaren engge hat he wene oak sagalherek mene a'nogo, iluk he mondogat nelu welagi. Andiba re haren honggorengge welagen andi, nen tem misik iluk ogo ekhe hesanggoma kwili'logo lek andi o.

HOSEA 4:6

Hit imam hinap omanogo nen An noba tibet figi'lek hilingiti lagep, andiba re afuni An nagainafuri nen ogo An noba fut figi'lek hilingitunem, it inebe alomat fakhili'lagwi andi. Hit he wene An nen yagahisikhi lagi mene omanogo filikhogo lakfisikhi lagep. Ma re, An nen ogo hit filikhogo lakhinobagagin aro. Nen hit hinagainafuri mene ogore An nobaget imam logogun iluk fagesigin legaro.