HOSEA 6:4 - Allah Wene Fano Wene Hupla Inane

⁴ Oba nen he Tuhan nen ikhi logolik, ”Hit afuni Israel mene inom, Yehuda mene inom, hinobaget he An nen ninggi'nogo mene hilinghinabigin nogo? Hiren An hinendawitnafi lagep andi re, o hubet werek kwelegat ohena inom, lilengge inom, weak-weagat lek agarek andi hak legari'lago.

HOSEA 6:4 Referans Kwoze

HOSEA 13:3

Iren a'nogo hilingiri'lagwi andi nen he, inebe hobuk ohena hea, athe, lilengge o hubet wela'lugen lek agarek andi hak inom, nen gandum enggen sagalharek oba afulfulengge sogoien funhogo waluk lagarek andi hangge inom, so'le o tum oba nen lagaikheresik lek agarek andi hangge inom, inebe a'nogoat lek asugun o.

HOSEA 11:8

A'nogo isikhesik, Tuhan nen mel yagaisasikhe: ”Hit afuni Israel mene yi. An nen hit hinebe mondok-mondok herak hinobagaluk lagik igin nogo? Mondok elo'lego. An nen afuni Adma mene inebe mondok legetfisasigi andi hak, legethinafik, afuni Zeboim mene hilinginafigi andi hak hilinghinafik, igin nogo? Mondok lego. An nen hit hinebe nendawi hundik mondok hokho meneba hilinghinarek welagi andi nen he a'nogo hilinghinabigin lego!

MATIUS 13:21

wene andi inendawinggenma omanggen yati'legen he, endebat were'ma nen, afuni ekhe nen Allah ane andi faget yi enggin ti enggin inoba figik, weagerinafik, ugunem he inendawimo fageat puk agaresik wene andi herakfisaluk wulifarek andi aro.

YEREMIA 34:15

Linggene welagagu mene horok a'lem nogoba re hiren hinobabut agametepsik An nendawimo nagaiyek mene hilingiti lagagip. Hiren he, it hit hinunggulenu mene inamingmingengge a'luk werek mene lologo wulak fisogoin iluk An ninom An nailoba omanogo nen wene watugu.

YEREMIA 9:7

Andiba re, Tuhan Omame Mondok Hokho mene a'nogo nen ikhi logolik, ”An nagainafuri andi re eil fano mene hilinglasuageluk he logam oba obabut palharek andi hak An nen nagainafuri inobabut palinabigin o. An nagainafuri mondogat weak hilingita andiba An nen ninggi'nogo hilingisu hak he?

YEREMIA 5:23

Oba nen hit he hinendawinggen omamerek logolik hundik-handik wene sagalhi lagep. Hiren he taganhogo hilingiti logolik An herak nobagegep.

YEREMIA 5:9

A'nogo hilingitu kwelek andoma re An nen inunggulenu ariginik mene andi re unggum wogisigik, iren hilingitu onggo inoba figik, hilingisumo re elo'lek nogo a?

YEREMIA 5:7

Tuhan nen ikhi logolik, ”Nenahalok An nen nagainafuri inaweak lek hilingisogo fisagain nogo? Iren he An oboget nealuk allah eberogo lek mene omanogo apne wili'lagwi andi. An nen it inamburu nunggu mene wogisugunem it inoba homorogo ninggi logolik meneat he, iren babi hilingitik, nen uang saburouwogeluk hesangge yanani hilingirik nikharek mene omanogo inambit lagik, hilingiri'lagwi andi.

YEREMIA 3:19

Tuhan nen ikhi logolik, ”Israel, hat he An nen nomalik tago logoinogeluk wokhabimbik he, kweang hat hamolore'ma hat eise asimbik logogin oba o kweangma mondogat oma nen he mondok fani fanore'ma wokhesigin o. Haren An faget. hunai ilen, nen An were'ma nen heise lelen lek iluk nendawimo anggikhi lagi o,” ikhe isikhe.

YEREMIA 3:10

Andoma mondogat a'nogo hilingiti la'luk Yehuda tiphogo hilingiterek lek mene andi re endawinggen amurek logoligen yamdalonhogo sugulogo An nambit weri'logo o. Iluk An Tuhan nen nane arat igi andi,” iluk yaganete isikhe.

HOSEA 7:1

A'nogo isikhesik Tuhan nen ikhi logolik, ”Hundik-handik An nen nagainafuri Israel mene inebe fano hilinginafik, inambotkwe pugunhogo fisigik, hilingisigin iluk hilingitu sambul aremnogo isikhi lagimo re, weak hilingisugun mene inom, inaniniba hilingisugun mene inom enek hilingiri'lagwi. Iren he, ineranhogo wene lalalengge hilingitik, afuni inaiba yogot hinasi kwigik, ebekhe kwe nen telogo heligik, hilingiri'lagwi andi.

HAKIM–HAKIM 3:12

Afuni Israel mene nen he nekhengge weak hilingitukwama, Tuhan nen ap raja Moab mene hun Eglon a'nogo it Israel mene inoba nen mondok omame asuageluk hilingfesikhe.