HOSEA 6:10 - Allah Wene Fano Wene Hupla Inane

¹⁰ O Israel oba andoma wene ekhe inameilo mene hilingitunem isikhi lagi mene re yi: ”An nagainafuri mene omanogo nen tugwi kembu fogerakhugunem inonggwaregen inebe emetfakhugunem isikhi lagi.

HOSEA 6:10 Referans Kwoze

HOSEA 5:3

Hit afuni Israel mene yi sani, hiren hinobabut yi'nogo ti'nogo hilingiti lagep mene mondogat he An nelu o. Hiren hilingiti lagep mene an neilhanem hinago mene ekhe werek fuk. Hiren tugwi kembu fogerati logolik, An noba lombokhogo logou re hinabit welagep. Andi nen he afuni hit mene ekhe an fogetnafu aple a'nogo re elo'lek ari'lago andi,” iluk yagaisasikhe.

YEREMIA 23:14

Oba nen he, o Yerusalem oba andoma re it nabi-nabi nen ina'mage mondok weak meneba hilingitunem isigi. Iren he ineranen wene igik, babi hilingitik, afuni weak mene hilingisuageluk onggo palinafik hilingitunem he, ap misik iluk ogo inendawinggen hebelu elo'lek hilingi'mo higi. Ma re An nen it inebe mondogat faget he afuni o Sodom inom Gomora inom inanini mondok hokho mene welagaukwa hakhogo werek yi ambi iluk anggigi.

HOSEA 4:17

It afuni Israel mene re tugwi kembu nen inendawinggen ninggemo re, it he herakfisani.

HOSEA 4:11

Tuhan ane ikhi logolik, ”An nagainafuri yi sani, anggur attak mene ogo, ket mene ogo, hiren fanorogo hilingisuogeluk wenggeluageluk mene andoma legaphogo hinobagaikhemo welagebo.

YEHEZKIEL 23:5

Ohola a'nogo An nagwe waganek kwelek oba nen hokhorogo hesangge yanani hilingitu mene agasik Asyur mene endawinggen hundik hilinginafi logolik inobaget hilingiti laga.

YEREMIA 18:13

Tuhan nen ikhi logolik, ”Afuni Israel mene nen he mondok namel-mel mene hilingiri'lagwi o. A'nogo hiingiri'lagwi andoma re ekhe hilinglaga mene werega?, iluk hiren inunggulenu amu mene inoba heinok wogisikhi logoni o.

YEREMIA 3:6

Yosia raja logolik ferinarek welagaikhe andem oba re Tuhan ane an noba yi'nogo isikhe, ”He ekhe agun inom lomborogo werek lek mene Israel andi nen hilingiri'lago mene andoma hat he heilenggen mondogat hegen a? At he An oboget nealuk punu unggulkwe andoma inom, e engga hikhogo wilibik mene erokwe andoma inom, hambenan hilingirik nikho a'naga o.

2 RAJA-RAJA 17:7

It afuni Israel mene re ineisena Tuhan Allah nen raja Mesir mene inenggimo nen fikhalogo wulakfisa wagik, o kweang andiba nen woginarek wulibi wagik, hilingitikhe mene a'nogoba weak hilingitukwama o Samaria a'nogo ap alek mene inenggiba agaikhe andi. Iren he kembu ilah amu mene fogerati logolik he,

1RAJA-RAJA 15:30

At Yerobeam en weak hilingiti lagaikhe andiba re afuni Israel mene ogo weak enek hilingiti lagaukwa. A'nogo hilingiti lagaukwa andiba at Yerobeam en he afuni Israel mene ineisena Tuhan Allah apne wanhu mene a'nogo a'mage kwelafi lagaukwa.

1RAJA-RAJA 12:8

A'nogo yagatukwa meneat he, at Rehabeam wene yagatukwa mene andi endawimo seramet fuluk, ap alage at inom higit mene at lebethikhi lagaukwa mene inoba lagaikhe.

YEHEZKIEL 23:7

At he Ohola a'nogo it ap kaindek-kaindek andoma inom babi hilingiti lagaukwa. At oba aik age lagakhi lagaikhe mene a'nogo re iren tugwi kembu fogerati lagaukwa mene omanogoba ebe emetfakhikhi lagaikhe.

HOSEA 4:12

Hiren e eil misik lebeksek meneba pilingisogo yaganisoageluk kinoti lagep! Andiba re hit hinendawimo ninelu a'lep iluk wenggelhi lagep mene andoma re tomuk misik ekhe nen pilingisogo yagaisili'logo! Hit he, he ekhe agun inom logoligenat uang herati logolik hambenan enek hilingitu mene hak An a'nogo oboget nealuk ilah amu mene murok laga lagep.