HOSEA 5:8 - Allah Wene Fano Wene Hupla Inane

⁸ Hit ap Benyamin mene yi, weim yabi we'ni o! iluk inane humesu hak he, o Gibea nen pinggong ane hokho mene anethani o! O Rama nen e anggwe folelek mene anethani! Nen o Betel en he hinane ngai e'ni!

HOSEA 5:8 Referans Kwoze

HOSEA 9:9

Hiren hinobarogo mondok hokho mene fikhi lagep mene andoma re, afuni o Gibea mene nen hilingiti lagaukwa hakhogo hilingiti lagebo, ma re hit kwanirogo hilingiti lagep mene andoma Allah nen ebethambik he, hinaweak oba unggum wokhisagain.

HOSEA 4:15

Hit afuni Israel mene nen he An noba hinendawinggen tiphogo logolik hilingiti lagep lek! Oba nen it Yehuda mene andi re hiren hilingiti lagep andem hakhogo hilingiti logoinogo. Hiren o Gilgal iluk ogo nen o Betel iluk ogo wene kabogesugun iluk ekhe hilingisu fuk. O andoma nen Tuhan Eluk Mondok welagarek agun a'nogo enuba hombuk palu fugat.

YOEL 2:1

”Nineisena Tuhan awi wei igin a'nogo horogat asi wagama arat wei igiluk werek andi nen he, tom Sion fano hore'ma nineisena Allah ebe welagarek oba andoma nen pinggong hokho mene anet feni o. A'nogo anet fugunem, hit afuni o Yehuda welagep mene hinoagelekwe abolok igin.

YEREMIA 4:5

O kweang mondogat andoma bene trompet ane futhani! Hinane hokhorogo kwe'ni. Afuni Yehuda mene inom Yerusalem mene inom he, weak-weakhogo o kota agap telogo helep leget omamerogo waganek oba omanogo loageluk yagaisani,

1 SAMUEL 15:34

A'nogo hilingi'luk, at Samuel aiba Rama wagu kwelek, at Saul aiba Gibea wagaikheat.

HOSEA 8:1

Tuhan nen ikhi logolik, ”Ap inaselei mene re sue kuri nen senggelherek engge senggeligiluk sebeli wagarek hak, An naiba omanogo it selei mene nen weim yabi weri'lagwingge re, weim waga iluk enek engge re trompet ane fu'ni o! An nagainafuri nen he An ninom wene watugu mene a'nogo taganhogo hilingitik, An nen yagaisikhi lagi mene omanogo sagalogo hilingitik, ili'lagwi andi.

YESAYA 10:29

It inebe re tom soganisaluk lagaikhasik he o Geba nogoli'lagwi! Nogogunem he ap o kota Rama mene re inoak elekwe leigeri'lagwi, nen afuni o Gibea, raja Saul awi kota andi mene re inailo nen heise wulifa.

HAKIM–HAKIM 5:14

It he o Efraim en he tonggoma it inelokhoma Benyamin mene esa logale'ma andoma paga. O Makhir en he ap sikhe fisogo mene inogogwi panglima pi wagaikha, nen o Zebulon oba nen he inogogwi sikhe fisogo mene perwira weinam agaikha.

YOEL 2:15

Hinebe misi'mo andoget fuluk, sumburu ninggi'lek logolik, Allah ayonggo fikhi logobagaigen he, tom Sion Allah andom oba andoma nen pinggong ane hokho mene anethambik inayonggo feni o.

HOSEA 10:5

Afuni o kota Samaria werek mene re inailo asugun; nen it inebe inom, imam omanogo inom o Betel oba andoma nen sapi emas mene obaget hilingiri'lagwi mene andoma re, iren kembu elokhe pugun-bagansek mene a'nogo mondogat legarik wagu nen he inendawi heiselhi logolik le asugun.

YEREMIA 6:1

Yago, hit afuni Benyamin mene yi sani, o abel utara fikhiren enggin mene inom, obabut mondok weak mene inom ninoba feigiluk weri'lago andi nen he, hit he o Yerusalem herakfisaluk wulibi lani o! O Tekoa nen he trompet futhani, nen o Bet-Kerem oba andoma enegenggerogo iluk he endu hule liapni.

1RAJA-RAJA 12:29

A'nogo yagaisasikhesik, tugwi kembu emas mene sapi alik hilingik mene omanogo ekhe o Betel fesikhe, nen ekhe re o Dan fesikhe.

2 SAMUEL 21:6

Arigini'mo re, at Saul en tagomangge mene andoma nen ap mene nek inebe 7 nen andem niren Tuhan elokhoma nen o Gibea kota at raja Saul onggwarek aiba andoma nen inoasimbik inebe eba kologo fisouwogen he wo'nisan o,” iluk yagatukwa. A'nogo yagatukwama at raja nen ikhi logolik he, ”Fano, enggere it inebe an nen hit wokhisagain o,” iluk yagaisasikhe.

1 SAMUEL 8:4

A'nogo hilingiti lagaukwa andi nen, afuni Israel mene inogogwi mondogat andogotukwasik, Samuel o Rama were'ma oba wagaukwa.

1 SAMUEL 7:17

A'nogo hilingiti la'luk ambotkwe aiba o Rama waga lagaikhe. Andoma logolik, aren afuni Israel mene yi wene ti wene inoba were'ma pilingisogo legetfikhi logolik, wam Tuhan faget warogo noleti logogun oba obalik Mezba ekhe wutikheat.

YOSUA 7:2

Andem huli re, Yosua nen ap inebe fenakwe o kota misik ekhe o Betel en mo lagai wagarek fikhit o Bet-Awen horokhogo, o Ai andoma ineil penesi loageluk lakfisasikhe. Lakfisasikhemo lagaukwasik he, iren hilingisuageluk yagaisasikhe mane a'nogo mondogat hilingfuluk he,

AMOS 3:6

Afuni o kota welagaikharek mene, Weim werek, iluk inendawinggen wenggelogo pinggong anethugunem ina'manggen lagi'lek logou hak nogo a? Nen, Tuhan nen enggin-fenggin lakfei wagi'lemaat afuni o kota welagaikharek mene andoma weak mene andi inoba asi wesu hak nogo a?