HOSEA 5:15 - Allah Wene Fano Wene Hupla Inane15 Nane sagalogo weak hilingiti lagep andi nen, yi enggin ti enggin hokhorogo hikhi logobagaigeluk hinebe herakhinobagagin o. A'nogo herakhinobagaumo, hiren, Nit weak hilingito, iluk futfembik, yi enggin ti enggin a'nogo hikhi logolik enek he, hinendawinggen oba nenat hera'nabik wesugun he a,” iluk yagaisasikhe. Gade chapit la |
HOSEA 5:15
51 Referans Kwoze
We haren fageti logolik, An neisena Tuhan Allahba weak hilingitik, Ane sagalogo figik, ikhi lagi iluk fagesigin andi fano o. Nen, haren fageti logolik he, An he e engga hikhogo wilibik mene a'makwe andoma nen tugwi kembu it inunggulenu amu mene nen obaget hilingitarek mene omanogo ninom pailak hilingiti lagi o, nen neisena Tuhan ane hologo hilingiti lagagi lego, iluk fage'no. Nen An Tuhan nane mondogat igi o,” iluk yagaisalan ikhemo yagahisa wagi o, isikhe.
Hiren he e palek misik faget nineisena igik, nen helep misik faget ninagaisa igik, ikhi logolik fogerati lagep enggere hinenggali asugun. Hit he An noba waga lagep he lek, athe An ninom eil napluk laga lagep, oba nen he enggin-fenggin hinoba asi wagunem enek he, An nen telhinabuagaluk nayonggo fikhi lagep andi.
A'nogo meneat he, it afuni Israel mene hobuk inafe hebelasimbik it ineisena Tuhan Allah hera'nabi wagik, inoe raja Daud en tagomangge mene ekhe oba wagik, ugun oba werego. A'nogo wesimbik hilinglasigin andi elugun kobokhogo re, inailorogo fogetnafu were'ma, an nen fanorinafi logogin o,” iluk yaganete.
it inebe huginabiginkwe andoma logogun. Andiba re iren An noba ebet niigik, it inendawinggen An noba tiphogo werek legen An nen unggum wogisigik, sebelogo fisigik, ikhi lagi mene omanogo fut nobagagik ugun. Iren he An mondogat oboget neagasik obali'mo tugwi kembu wenagaisogo fakhaga. Ariginhama re iren kwanirek mene hilingitik, hebak inafe asu hak mene hilingitik, ikhi lagaikha mene andoma faget it inonggwarek inebe hebak inaferogo kumut hikhi logogun.
Allah ane an noba yaganeti logolik, ”Afuni wa'lagaikharek mene yi re, hat heilenggenma re nenamene hilinglagunem hegen? Ap Israel mene nen ina'meilorogo hilingiri'lagwi andiba An nonggwarek nawi wuri'mo nen eil uanhogo hilingnobagali'lagwingge andi furogo kwelakhan o! Andi nen he hobuk An nen hat hoba wene mondok namel-mel asu hak mene ekhe inukhesigiluk welagi o,” iluk ikhe.
it An nagainafuri An nenu hombuk palogo agarek mene andoma inendawi sebel fakhigik, samban An noba yaganesi wagik, weak hilingiri'lagwi mene andoma herak figik ugun halok he, An nebe pogoroba nen iren yaganesugun mene andi nesanggo holhi logogin. Holfuluk he An nen it inaweak leget figik, it inaggweang oba nekhengge inangge yi mene ti mene mondogat sik-pikhogo hilingik fisigik, ikhi logogin.
A'nogo anggasukwasik, it aremnogo ekhe nen ekhe yagatik, ekhe nen ekhe yagatik hilingiti logolik, ”Yogo agi, niren attak ninagoren lebetneani ugu kwelek niren ane holhi'legengge at eberogoat endawi ou hugu kwelek oba nen he herakfisogo a'nogo re, yogondak ninenggi elugun oba enggin hikhi lago ari,” iluk isukwa.
A'nogo wa'lagaukwama, it afuni Israel mene ekhe Musa oba wagaukwasik he, mel yagatukwa: ”Niren he, nineisena Tuhan ninendawimo seramet fogosik, Yigini'mo ninabire, iluk Allah inom, hat inom, lalhinafo andi weagat hilingito o, neisena. Ma re, nineisena Tuhan nen kisu andoma nit ninoba nen lakfisoageluk, samban nit faget inogeluk yagahesi wago o, neisena,” iluk yagatukwama, at Musa nen samban it faget isikhe.
Tuhan nen ikhi logolik, ”Yago hit An nagainafuri tiphogo hilingiti lagep lek mene andoma re, An nambit hinambotkwe sugulogo we'ni o! Hit hinebe re An nonggwarek mene. An nen he ap hit mene o kota misik oba nen he ap inebe misik higik, nen inunggulenu misik oba nen he inebe lombok pirendek higik woginarek nekhengge Punu Sion oba lagain o.
Piblisite