HOSEA 5:12 - Allah Wene Fano Wene Hupla Inane

¹² Hit a'nogo hilingiti lagep andi nen he, An nen hinunggulenu Israel mene weaget hinobagagik, hit afuni Yehuda mene legethinafik, igin o.

HOSEA 5:12 Referans Kwoze

YESAYA 51:8

It mondogat he su eluk- elugengge nen palherek andi hak, kain domba esi mene pel-pel en palhunem hangge mondogat legasugun o. Oba nen he, inagap telhu mene An nen wogisagain mene andi re mondok-mondok logogin, nen An nen inalonget fisagain mene andi re hinerembul oba andoma mondok-mondogat logogin o,” iluk ikhe.

AYUB 13:28

Andiba re an a'nogo e mondok fili agarek mene hakhogo mondogat fubut agi, su kain mumlel en palhunem hakhogo an a'nogo hilinglagarik welagi.

YUNUS 4:7

A'nogo meneat he, hubet o hil lakfei wagu kwelek he, Allah nen kon ekhe lakfei wagaikhemo wagaikhesik he, hobut oak a'nogo aigen palhikhemo re, sawet agaikhe.

YESAYA 50:9

Ibi-eberogo nen he Tuhan Lego Mondok welagarek mene a'nogo nen an nebikhit ari'logo, ma re ap sa nen ambong serogo an noba weak hilingiti lagen iluk yaganesigin nogo? Afuni an noba to'mot hagarek mene omanogo inebe mondogat he su misik masik enek engge eluk elugengge nen palogo leget fikherek andi hak inebe legasugun o.

AMSAL 12:4

Ap agwe fano mene andi re agun oba wutunem endawinggen oba hundik logolik agaiyek oba welagarek, oba nen, he ekhe nen agun enggali asu mene hilingitu halok, he andi re ou inoagele'ma kuluk hundugurogo lit hikherek hak agun oba a'nogo hilingfikherek.

MAZMUR 39:11

Haren yei warek oba an mondok wa'lasu hak hilingiti lagarik he unggum an noba fesigin mene andi Haren korogo leget fein o.

YESAYA 5:24

Hit he hineisena Tuhan Omame Mondok Hokho mene a'nogo nen wene yagahisasikhe mene omanogo ninabit iluk herakfisikhi lagep, nen hiren afuni Israel mene ineisena Allah Mondok Horek mene a'nogo sebelogo fikhi lagep. Andiba re, lei engga inom engga puk mene inom endu nen libunghogo ninggerek andi hak he hirogo hinomanggen mondok fili agik, hinowil puk agik, sogoien mondogat furogo lakhinobagagik, igin o.