HOSEA 2:3 - Allah Wene Fano Wene Hupla Inane

³ A'nogo yagasugun oba nen aren etokhogoat esanggo holhi'lek, yananiat nilik nugu halok, at ebe alfulukwa kogouk ta'lagaikhe andi hak, alfulukwa kogougat logouwageluk An nen asu nonggologo potfisagain o. An nen at ebe kweang i amusu le'ma puk iringik weak andi hangge hilingisogo foumo re, ebe i nele nen wa'lasigin.

HOSEA 2:3 Referans Kwoze

YEHEZKIEL 16:22

Hat heluk logolik yanani nilik nikhi lagen mene andi re mondok wiik weak mene hilingirik nikhi lagen o, hat he attak hebe yenggerek logolik welagagin mene aremnogo ebethikhi lagen lega, hat halfulukwa kogouk were'ma hameben yuguk fugukhogo welagagin aremnogo ebethikhi lagen lega?” iluk ikhe.

YEHEZKIEL 19:13

Yogondak at ebe o leimo yago logolik werek, athe kweang pukse'ma i elesi lek oba yago werek.

YEREMIA 13:22

Hiren ikhi logolik, mondogat andoma nena mene faget nit ninoba asi weri'logo iluk heinok ikhi lagep hea, nenahalok hit hinasu tilip-talaphogo pailak hilinghinabi'lagwi. Hinelurogo o, wene hinoba asi weri'logo andi re hiren weak mondok hokhorogo hilingiti lagep andiba o.

WAHYU 17:16

Nen, andimuk unggul oba 10 nen wulibik a'nogo inom, mene olomene hangge ebe a'nogo inom, inomen, he yanani nikherek mene andi, ebe inabiret fuluk he, yi mene ti mene at mene heligik, ebe alfulukwa herakfisigik, iluk, ebe warogo fena ninggi logolik, fena endu nolfisogoin o.

YEREMIA 51:43

At awi kota-kota omanogo re mondok inamel melhogo o lei pirimse'ma hangge hilingik. Aben andoma inamolorogo ekhe welagik, kwe andi kwe lagik agarek mondok lek.

YEREMIA 22:6

O istana raja Yehuda ebe werek oba andi re An nen hugunem he elokhe mondok fanore'ma re kweang o Gilead inom nen tom o Libanon oba inom elokhe mondok pugun pagansek omanogo hak hilingi'mo hikhi lagi, oba nen obalik andem he An nen lei pirimhogo afuni welagaikharek le'ma hakhogo hilingisogo fagain.

YEREMIA 17:6

At andi re o leimo andoma inom nen kweang esi lekwe andoma inom lei pirim-pirim ugunem eluge nek hilingik kwe andoma nen engga wulibi'mo fano mene ekhe higi'lengge welagarek andi higit logouwak.

YEREMIA 13:26

An namu nenat hinasu hinebeba nen tiliphogo lak foumo hit hinalfulukwa kogouk logolik hinenggali asugun.

YEREMIA 12:10

Ap pok mene yi aple ti aple hilingitu inelu mene nen An neabukwe unggul warisigik, nen An neabu anggur yabu waganek kwe re it ineisogen pusel-pasel isigik ili'lagwi. Nawi elokhe mondok fano mene omanogo re iren hebekhogo o leimo inareng tereng se'ma higit hilingisogo fili'lagwi.

YEREMIA 4:26

Kweang elokhe fano heiselek oba omanogore mondogat ungguloa'ma hilinglagama welaga, kota-kota omanogo re wolelenggen tagalogo hilingi'mo higi, andi re At Tuhan nen againafuri inoba anini fikhesik hilingite.

YEREMIA 2:31

Hit afuni Israel mene yi. An nane igin mene yi hinesanggo fanorogo holini o. An nebe o leimo hangge legat, o mum hikhaksek hangge legat. Meneat he, hiren he, Nit ninebe arat ninale'ma agosi'mo re, hobuk Allah oba ninambotkwe logoin ninabiro, iluk ikhi lagep andi nenahalok?

YEREMIA 2:6

A'nogo hilingirilik laga logolik iren he, Nineisena Tuhan o Mesir en wo'ninarek wulibi waga logolik, kwe o leikwe yi mene ti mene fulelek legat, mondok weakwe, kiling ele hokhorogo werekwe, puk halongorekwe, afuni lagaikharek lekwe, wo'ninarek wagaikhe mene a'nogo ebe koma werek iluk mel heinok wo'nafi lagaukwa legat andi.

YESAYA 64:10

Hat honggwarek hawi kota-kota horek mene mondogat he o leimo higit hilinglaga o. Nen, handom Sion he o leimo higit hilinglagik, haiba Yerusalem he afuni inebe le'ma hakhogo foluk agik, ikhe.

YESAYA 47:3

A'nogo wilibilambik, hasu fanorogo halhigi'lek hagap henggalimongge weinam-weinam nugunem afuni nen ineilenggen healuk he, inali'norogo henggali warogo hilinghobagakhi logogun o. An nen hat hoba na'mage fikhi lagi mene a'nogore a'nogo hilingisigin andi, ap misik iluk ogo ekhe An nen agap teligin lego,” ikhe isikhe.

YESAYA 33:9

O kweang andoma mondogat herakfisamo re afuni inareng tiring-tereng igin. Tom Libanon ogoi engga andoma mondogat abisigin, o Saron fanggong kwe mondok heiselekwe andoma re leikwe higit hilinglasigin. O Basan kwe inom Tom Karmel oba andoma inom he engga mondogat lolhigik pigin.

HAKIM–HAKIM 15:18

Hobuk at Simson endawimo i nele hokho agaikhemo, ane hokhorogo Tuhan mel yagatikhe: ”Tuhan neisena. An hamlogo nomame asuageluk yogondak yaat hilingnafenma, afuni inebe mondok hokhorogo mabenet fisigirik inoati meneat he, yogondak an i nele nen wa'lasumo afuni Filisitin mene hat hebe inonggot mene yoma nen, an nebe warek fa'nobagagun he nabiro, neisena,” iluk yagatikhe.

KELUARAN 17:3

A'nogo yagaisasikhe meneat he, it afuni omanogo i mondok nele hokhorogo agaikhemo re, Musa oba inane mul-mul fikhi logolik, mel yagatukwa: ”Nit ninebe inom, ninagainafuri inom, ninanggo inom, i nele nen o yoma wa'lasuageluk, o Mesir en wo'ninarek wagen andi nenahalok,” iluk yagatukwa.

HOSEA 2:10

An nen, at ebe ap inom nikharek mene andi ineilhanem asu nonggologo alfulukwa kogouk logouwageluk hilingfagain. At ebe an nenggiba logolik, nomameba a'nogo hilingitunem, it ap andi ekhe nen at ebe telugun mondok lek.

YEREMIA 14:3

Afuni inenggi werek mene imamingmingengge omanogore i yi kwe ti kwe herasi loageluk miming inabi'lagwi, a'nogo miminginafunem lagaikharesik i mogo habulikwe omanogo heratarek mene re i mondogat firitokhogo le'ma nongasi lili'lagwi. Andiba re iren inagaiwak hinasugun iluk waluk lagaikharek mene omanogore oak waganogo ambotkwe waluk weri'lagwi. Iren inobakheindok palogore inendawinggen weak a'luk inenggali nen inelokhe salsal weri'lagwi.

HOSEA 13:15

Israel mene re kweang muli fanoma engga mondok muli welagarek andi hak, fano mondok werek meneat he, An nen sogoi aganhan hokho mene o leimo mo liabi wagarek fikhiren inoba lakfei wesigin o. A'nogo lakfei wesumo, sogoi andi nen i elesi wiliferek mene inom, i mogo habulikwe yenggelek mene andoma inom mondogat firok ilik lagunem, yi mene ti mene onggo hokho mene andoma mondogat lek arik lagain o,” ikhe.

YEREMIA 51:5

An Tuhan Nomame Mondok Hokho mene, Israel mene ineisena Allah Horek welagi mene a'nogo nen he, Israel inom Yehuda inomen An neilhanem weak hilingitaba nen he An nen it oboget isaluk lagain mondok lego.