HOSEA 2:15 - Allah Wene Fano Wene Hupla Inane

¹⁵ A'nogo yagasimbik, at eabu anggur yabu andi hobuk ambotkwe fano hilingisogo wogotik, o Akhor tonggoma yi weak ti weak hilingiti lagaba andi hobuk fanot fikhi logogin oba hilingisogo figik, igin o. O andoma nen at ebe silerik oba o Mesir en wulibi waga logolik, An nebe wo'nafikhe andi hak wo'nabigin.

HOSEA 2:15 Referans Kwoze

YEHEZKIEL 28:26

It inebe andoma fano lombukhogo logolik inawi wurigik, anggur yabu heligik, ikhi logogun. An nen he it inunggulenu inera'lukwe welagaikharek mene nen wenagisikhi lagaukwa mene andoma unggum wogisamo re it Israel mene re fano liokhogo mondok logogun. Andiba re An Tuhan Allah it ineisena a'nogo inelu asugun o,” ikhe.

YEREMIA 2:2

”Hat hebe afuni o Yerusalem welagaikharek mene inoba lambik he, wene mel yagaisano: Hit afuni Israel mene yi sani. Aben hemi ket iginapluk, inendawinggen hundik welagaikharek andi hak, hit hinebe oan oba nenat An noba lomborogo logolik hinendawinggen An noba hundik were'ma, o leikwe yi mene ti mene awi yago lekwe andoma nombo'ne mondok nikhi lagagip a'nogo hinoba ebeti o.

HOSEA 11:1

Tuhan nen ikhi logolik mel ikhe, ”An nen at Israel ebe oan obaat ayonggo fesigisik nendawiratigi. nen ebe oan obaat ayonggo fesigisik, o Mesir en wulibi wesuageluk yagatigi andi.

YOSUA 7:26

A'nogo hilingitukwasik obuluk oba aremnogo iren helep hokho-pokhorogo kabokhogo wurogo fesukwama re yogondak huli nen andoma werek. Andiba re obalik andem faget enu re, Enggin-fenggin Tonggoma iluk salhukwa. A'nogo hilingitukwama re Tuhan anini a'nogo lombuk isikhe.

KISAH PARA RASUL 14:27

O Antiokhia lagaukwasik, Allah againafuri andogerinafukwasik he, mel yagaisasukwa: ”Nit Allah ninomen yi'nogo hilingito, ti'nogo hilingito,” iluk wene pilingisogo yagaisikhi logolik mel yagaisasukwa: ”It afuni endakwe mene wene andi eberogoat iluk wanuageluk, Allah nen kwe huthikhemo elok wanugun werego,” iluk yagaisasukwa.

YOHANES 10:9

Kwe re, An nebe aro. Ap sa nen, An nebeba kwikhe halok, ebe tegelek fano mondok logolik, wulifik kwigik ikhi logolik he, engga fano mene nek ninggi logogin o.

AMOS 9:14

Hobuk An nen afuni Israel mene inambotkwe fano logouwagaluk hilinginabigin. Inawi kota meisalagaikhe mene andi, iren hobuk ambotkwe wutfembik, inebe andoma logogun. Logolik, anggur awi yagaisogo enggen palogo ninggik, yabu ebe waganogo, yi mene ti mene yakfuluk, ebe palogo tagaisogo ninggik, ikhi logogun.

YEHEZKIEL 16:60

Oba nen he, An nen wene hat ninom watigi mene andi eberek logogin, hat hebe sougweba wene hat inom, an ninom watugu mene andi re mondok-mondok logogin.

YEHEZKIEL 16:22

Hat heluk logolik yanani nilik nikhi lagen mene andi re mondok wiik weak mene hilingirik nikhi lagen o, hat he attak hebe yenggerek logolik welagagin mene aremnogo ebethikhi lagen lega, hat halfulukwa kogouk were'ma hameben yuguk fugukhogo welagagin aremnogo ebethikhi lagen lega?” iluk ikhe.

YESAYA 65:21

Afuni inonggwaregen inawi wuraluk logogun, afuni amu mene re ekhe logogun lek. Iren ineabu anggur yabu helaluk, anggur amusu inonggwaregat ninggi logogun, Afuni amu mene re ninggi logogun mondok lek. An nagainafuri re e wilibik mene welagarek hakhogo inebe umur uanhogo logogun, a'nogo logolik iren yabu ineabu inenggiba nen helaluk enggen ugu ninggi logogun.

ZAKHARIA 9:12

Yago, hit afuni hele warek welagep mene yi sani, yogondak he hit ninendawimo eberek logogun mene werek andi nen he, sugulogo we'ni o. An nen hit fanot hinobagagu mondok logogin enggere, hit hinalong pale'ma andoma sugulogo we'ni o. Holini: Hiren yi enggin ti enggin hugu welagagip mene andem obali'mo re An nen altap pireba fanot hinobagagin o.

RATAPAN 3:21

A'nogo hilingik welagiba nen he an nen wene ebe ero ekhe yi ebetlasi wagu sambul he, an nendawimo eberek mene a'nogo weinam ari'logo:

YEREMIA 32:15

Tuhan Omame Mondok Hokho mene, Allah Israel mene ineisena nen ikhi logolik he, hobuk he o kweang yiba o wurik inom, kweang inom, anggur yabu inom onggo palhik, hunitik ikhi logogun ikhe o,” iluk yagaisigi.

MAZMUR 106:12

A'nogo hilingitikhe andiba re it againafuri omanogo At Tuhan nen wene warisasikhe mene a'nogoba eberogo anggasukwasik, At obaget wuni fogeratarek awuni wulakfuluk wati lagaukwa andi.

BILANGAN 21:17

Andem oba re afuni Israel mene nen wuni watukwa mene yi, ”I mogo-mogongge yoma nen elesi fulogoumhogo wulabi me, niren he wuni warogo wokhabuogen.

HOSEA 12:9

It inane ikhi logolik he, ”Nit yogondak ninenggi werek ago, niren lalogo helikhi lago mene andiba re ninenggi werek aga lagoma re, ap ekhe nen ninenggali wasu lekhago, ili'lagwi.

YESAYA 65:10

Nagainafuri nen An fogetnafu logogun, iren mene inanggo domba, sapi omanogo re o Akhor fanggongma inom o Saron tonggoma inom andoma nen engga fanorogo ninggi logogun.

HOSEA 2:12

At endawimo nen he, e ara ero inom, anggur ero inom, ap An ninom nikhi lago mene nen onggo wo'netarek mene o, iluk anggikherek mene andi re, An nen mondok legetfisagain aro. An nen at eabu anggur yabu inom, e ara yabu inom, andi hunogoat enggama hakhogo hilingisogo foumo, wam maro obabut weak mene nen weaget fisikhi logogin.

MAZMUR 129:1

Samban uogeluk wuni warik lagakhi lagaukwa mene. Israel yei, hat hebe sougeba nen engge, it haselei mene nen hoba enggin-fenggin fikhi lagaukwa mene a'nogo yaganisan o.

YEREMIA 2:1

Tuhan nen mel yaganete:

YEREMIA 3:4

Hat hoba enggin were'ma aremnogo haren An noba ikhi logolik, ”Hat he an neisena o, nebe yenggerek oba nenat Haren hendawi hundik hilingnafi lagen mene,” iluk ikhi lagen.

YEREMIA 29:11

An nen hit hinobaget hilinghinobagagin mene iluk nendawimo ebeti lek nogo a? Hilinghinobagagin mene iluk nendawimo ebeti lagi mene andi re hit longgot hinobagagin iluk he fuk, athe hit hinendawinggen fano serogo logobagaigeluk, nen hit hobuk logogun mene faget hinendawinggen eberek mondok logobagaigeluk ebetu welagi o.

YEHEZKIEL 28:25

Tuhan Lego Mondok welagarek mene a'nogo nen ikhi logolik yi'nogo ikhe, ”An nen afuni Israel mene andogerinabigin sambul andi re, o kweang yatkwe-yatkwe An nen telfol isasigi kwe omanogo nen andogorogo fisa wesigin. Andi nen yi afuni ti afuni inunggulenu lambukhogo nen An horek mondok welagirek mene a'nogo inelu asugun. Unggulenu Israel mene re ambotkwe sugulogo wesimbik onggwarek anggweang oba logogin. Kweang An nen namimingengge Yakub wogetigiba omanogo logogun.

HOSEA 12:13

Yakub nit ninambu a'nogo re weak-weak o Mesopotamia lagaikhesik at agwe helagain mene faget he, ap andoma mene inamingmingengge agaikhesik logolik ap inanggo domba halhi lagaikhe.

HOSEA 13:4

Tuhan nen ikhi logolik: ”Hit hinebe o Mesir en wokhinarek wulibi wagagi mene hineisena Tuhan Allah re, An aro. Allah amu mene ekhe werek lek, An nami-namu nenat hit hinagap telogo hinobagasigi o.

1RAJA-RAJA 16:31

A'nogo hilingiti logolik, endawimo nen raja Yerobeam en weak hilingiti laga mene andoma re we sebelek hangge anggasikhesik he, agwe ap raja Etbaal aiba Sidon mene a'logo enu Izebel andi helasikhesik he tugwi kembu Baal oba fogerati lagaikhe.