HOSEA 2:13 - Allah Wene Fano Wene Hupla Inane

¹³ Aren An noba onggorasimbik, ninhup-nanhup amben fano mene tugwi kembu Baal andi faget enek noletik, alilingge fano mene waganogo ap inom nikharek mene andi heraginabi lagik, ikherek andi nen he, An nen wene at oba fagain o, iluk An Tuhan nen nane arat igi,” iluk ikhe.

HOSEA 2:13 Referans Kwoze

HOSEA 13:6

A'nogo meneat he, hit hinebe o fanoma kwi wagagipsik logolik, yi mene ti mene hinalabut ninghogo ninggi logolik he, hinoba homot lagunem foget fakhikhi logolik, An noba hinonggot a'luk welagep andi.

HAKIM–HAKIM 3:7

Afuni Israel mene nen he it ineisena Tuhan Allah a'nogo elokhoma weak mondok hilingiti lagaukwa. Iren he At oba inonggot a'luk he kembu Baal inom, Asyera inom oba apne wanhi lagaukwa.

HOSEA 13:1

Attak he, afuni Efraim mene agaukhogo yagaisikhi lagaukwa andi nen, iren he, ”Yi'nogo hilingi'no, ti'nogo hilingi'no,” iluk ugu halok, afuni inunggulenu Israel mene ekhe nen he, inailo welagaukwa meneat he, it afuni Efraim mene nen he, Allah ane sagalogo tugwi kembu baal mene fogerati logolik weak hilingiti lagaukwa andi nen he inebe mondok lek asugun o.

HOSEA 11:2

Oba nen An namlogo andi ekhe inom woletu were'ma re ekhe inomat At ebe an noba nen hebekhogo nobagaluk eil uan arik laga-laga. Aren he wam, yi mene ti mene tugwi kembu Baal faget inom, kembu ekhe mene faget inom, warogo noletik, amben fano mene dupa noletik, ikhi laga.

YEREMIA 7:9

Hiren he ap inangge hinatik, ap watik, babi lagik, hineranhogo wene igik, Baal oba warogo wogetik, nen dewa hit hinonggot mene omanogo apne wanhik, hilingiti lagep.

HOSEA 9:7

Unggum helogoin oba arat horogasi waga, iren hilingiri'lagwi mene andoma ambisangma helogoin oba faget arat horogasi waga. Israel mene andoma re, ambisangma hogoin mene werek! Hiren ikhi logolik, ”Nabi yi re munggwarengge endawimo kwikhesik! At ebe mondok wenenebo mene!” iluk ikhi lagep. Hiren a'nogo ikhi lagep andi re hit hinaweak hokhore'ma re, an noba hinabit logolik ikhi lagebo.

HOSEA 8:14

Afuni Israel mene nen inawi o istana sili pumbuk wurili'lagwiba nen iren ap ebe elalinafikhe agun a'nogo inonggot ari'lagwi. Afuni Yehuda mene nen inawi kota omamerogo wurilik lagali'lagwi, oba nen he An nen it inawi istana sili andoma inom, inawi kota andoma inom endu noageluk pelabi wesigin o,” iluk ikhe.

HOSEA 4:6

Hit imam hinap omanogo nen An noba tibet figi'lek hilingiti lagep, andiba re afuni An nagainafuri nen ogo An noba fut figi'lek hilingitunem, it inebe alomat fakhili'lagwi andi. Hit he wene An nen yagahisikhi lagi mene omanogo filikhogo lakfisikhi lagep. Ma re, An nen ogo hit filikhogo lakhinobagagin aro. Nen hit hinagainafuri mene ogore An nobaget imam logogun iluk fagesigin legaro.

HOSEA 4:13

Kembu fogerati lagep kwe andoma re, punu-punu ambolkwe inom tom ambolkwe inom, hiren at kembu faget warogo nolfuluk amben fano mene omanogo e ero hokho mene a'makwe andoma re, kunmo mondok sakhore'ma iluk nolhi lagep. Oba nen ambisangma re ninggi'nogo hilinglari'logo nogo? Hina'logomi omanogo hambenan nilik nikharek mene nek ari'lagwi, nen hineamal hemi omanogo re, pabi nek nili'lagwi.

HOSEA 2:7

Anggwe a'nogo palogo foumo re, ap at inom nikharek mene andoma heraginabik lagain iluk hilingisigin oba nen he, inom ambi asugun lek. Nen aren it muginarek lagain oba nen he, it heraginabigin mondok legaro. Arigin lasumo, aren ikhi logolik, an attak he, fano welagiba nen, yogondak mondok weak welagi. Andi nen he, An nagun attak mene oba hobuk nambotkwe lagain o, iluk igin.

HOSEA 2:5

Hinagaisa enggali mondok lek yanani nilik nikhi logolik, mel ikherek: An ap ninom nikhi lago mene nen namburu inom, nagai inom, yosi wol mene inom, kain linen su eil puselek weak fano mene inom, e zaitun enggen amusu inom, anggur enggen amusu inom, wo'netarek mene heraginabik inoba lagain o, iluk ikherek andi.

YEHEZKIEL 23:35

Tuhan Lego Mondok welagarek mene a'nogo ane ikhi logolik, ”Haren An noba mondogat honggot agendik hambot wo'netigin mene andem faget onggore hat hendawimo ninggerek mene inom, hambenan hilingitu mene inom hikhi logogin andi o,” iluk ikhe.

YEHEZKIEL 22:12

It fena ekhe re ap wasuageluk onggo palinafunem inoatu mene agik, muli inamep nunggu mene agik, nen afuni it inunggulenu mene inoba sebelogo fisikhi logolik welagik, hilingitu mene werek. It inebe mondogaren An inonggot agaikha. An Tuhan Lego Mondok welagirek mene a'nogo nane mondogat igi.

YEHEZKIEL 16:17

Halilingge perak inom emas inom An nen wokhetigi mene omanogoba re haren kembu ap mene alik wokfakhaluk he, hat hebe a'nogo kembu andoma hinom babi hilingiti lagen.

YEREMIA 18:15

Oba nen An nagainafuri nen An noba inonggot a'luk he iren tugwi kembu faget amben fano mene duba omanogo noleri'lagwi. It he kwe o attak lagaukwa kwe a'nogo nen ineisok tunghogo waraluk he taganhogo ebekhe oan yago lekwe omanogo nen lili'lagwi.

YEREMIA 11:13

Afuni Yehuda mene nen tugwi kembu ilah re hokhorogo hilingi'mo it inawi kota hokhorogo werek andoma hak inandugwi kembu ogo a'nogoat werek. Afuni o Yerusalem werek mene nen mezbah re ebekhe o Yerusalem kwe werek andoma hakhogo hokhorogo wut fuluk iren Dewa Baal oba wam warogo wogeri'lagwi.

YEREMIA 2:32

Helime yenggerugwi inalilingge wanhi'lek halok inonggoragarek nogo? Athe, su hemi iginafi logolik labet fisagarek mene labet fisigi'lek halok, inonggorasu hak nogo? A'nogo hilingitare'lek meneat he, hit o attagen An noba hinonggoret nobagagipsik welagep andi hinenggi wenasumo re elo'legat andi.

YESAYA 17:10

Israel, Hat he Allah helep tom eil hak abolok igi'lek logolik hagap tel hafik, awe a'ma fetharek welagik ikherek mene a'nogo oba honggoret fegendik welagen. Nen hebekhogo haren he tugwi kembu dewa omanogo faget fogerati logogin iluk awi yaginafi lagen.

MAZMUR 106:21

Allah it inebe telinafik, nen o Mesir en wene mondok esin hokho mene hilingitik, isikhe mene omanogo inonggot agaukwa.

MAZMUR 106:13

Oba nen he it a'nogo weak-weak aremnogoat At Tuhan nen hilingitikhe mene a'nogo inonggot agaukwasik, Aren wene komo wene yaganisoageluk heinok wokhigi'legengge hilingiti lagaukwa.

MAZMUR 78:11

Iren he, At Allah nen yi wene ti wene hilingiti lagaikhe mene omanogo inom, nen Aren elalin mene hilingiti logolik it inoba weinamet fikhi lagaikhe mene omanogo inom iren inonggot agaukwa.

AYUB 8:13

It afuni Tuhan inonggot engge werek mene andi re a'nogoat werek, aren Allah ba endawi eberek legengge hilingitu halok he, aren hilingisigin mene iluk endawimo wenggelogo hilingiterek mene a'nogo ogo sugwi asi lagarek.

2 RAJA-RAJA 21:3

Afuni nen kembu fogerati lagaukwa kwe inom, kembu Baal faget hilingiti logolik wam warogo nolhi lagaukwa mene mezbah omanogo inom, at eisena Hizkia nen mondok wolelenggen tagalogo hilingfesikhe mene omanogo inom he aren nekhengge wutik, kembu dewi Asyera a'nogo alik hilingisogo wutik, nen ap Ahab raja Israel mene a'nogo nen hilingiti lagaikhe hak he, hesagalenggen apne wanhik, ikhi lagaikhe.

2 RAJA-RAJA 10:28

At Yehu nen it afuni Israel mene welagaikharekwe kembu Baal fogerati lagaukwa mene omanogo mondogat leget fesikhe re andi.

2 RAJA-RAJA 1:2

Linggene misik sambul he raja Israel mene Ahazia a'nogo awi Samaria ebe werek oba solombon huli ambolkwe meneba nen e agorek mene taganhogo pule pikhi logolik watikhemo re, at ebe enggin tung isikhe. A'nogo watikhemo re, at ebe fano asigin a, lega, iluk he it afuni Filistin mene inanggembu enu Baal-Zebub o kota Ekron omanogo were'ma heinok wani loageluk ap ekhe lakfisasikhe.

1 SAMUEL 12:9

A'nogo meneat he, iren nineisena Tuhan Allah oba inonggoret fuluk welagaukwa. A'nogo welagaukwa andi nen, Aren, ap tentara Hazor mene inoe Panglima Sisera a'nogo inom, afuni Filistin mene inom, afuni Moab mene inoe raja nen inom, mabenetfisaluk inoasuagaluk herakfisasikhe andi.

HAKIM–HAKIM 10:6

Afuni Israel mene nen he Tuhan ane holhi'lek nen apne wanhi'lek hilingiti logolik he, iren Tuhan elokhoma weak hilingiti lagaukwa. Iren he tugwi kembu Baal inom, Asytoret inom, ap inunggulenu Siria inom, Sidom inom, Amon inom, Moab inom, Filistin mene inom inangge omanogoba apne wanhi lagaukwa.

ULANGAN 32:18

Iren nineisena Allah, ninebe telninaferek mene, at ebe herakfisasukwa, It inelugerinafikhe mene, at oba inonggoret fesukwa.

ULANGAN 6:12

nineisena Tuhan hit hinebe afuni Mesir mene nen inamingmingengge higit fethinarek were'ma telogo wokhinarek wulibi wagaikhe mene a'nogo oba hinonggot asinogo iluk eberek mondok logoino.

KELUARAN 32:34

It andi o An nen yagahetiba omanogo woginarek lanogen he, pin o. An nagot malaikat mene nen wokhinarek lagain o. A'nogo meneat he, it afuni weak hilingita mene andi unggum inoba fagain weregaro,” iluk yagatikhe.

YESAYA 65:7

andi re it inaweak faget inom, it inombawi inaweak faget inom ambisangma helogoin. Iren An li'norogo hilingnobagakhi logolik he kemenyan amben fano mene tugwi kembu faget fogeratarekwe inom, punukwe omanogo inom noli lili'lagwi. An nen he iren o endamat hilingiti lagaukwa mene omanogo faget inom unggum inoba fagain o,” iluk ikhe.

YEHEZKIEL 16:12

An nen cincin oba hambisangmangge kwelakhobagagik, hesanggomangge wathobagagik, nen hungguloba mahkota mondok pugun-pagansek mene inom puget hobagagik, isigi.

YEREMIA 7:34

O kweang yi re mondogat lei pirimse'ma asigin. Inagaiyegen inane agarek mene inom afuni lambulinafunem inom pesta hilingiti logolik hilingitarek mene inom he o kota Yehuda ba inom Yerusalem ebekhe kwe inom andoma An nen leget foumo re afuni inane ekhe igi'lek mondogat tiring-tereng igin.

RATAPAN 1:4

Linggene hokho meneba re, afuni misik iluk ogo ekhe Allah Awi wuri'mo omanogo weri'lagwi lek. Helime wuni watarek mene omanogo re enggin-fenggin hili'lagwi, nen it imam-imam omanogo re inendawimo weakhogo limamit falhu werek. O kwe ambe palek hokho meneba omanogo re afuni ekhe werek mondok lek, nen o kota Sion a'nogo re fong warogo werek.

RATAPAN 5:14

Ap yaman mene re o kota solombonma kabogeti lagaikha aremnogo hakhogo kabogeri'lagwi lek, ap souge mene inanggelek kwe omanogo nen pinggong ane ekhe watunem holi'lagwi lek.

AMOS 8:10

An nen hit hinebe misi'mo andoget fuluk, pesta hilingiti lagep mene andi afuni ware'ma fong watarek andi hak wasubagaik iluk hilinghinafik, wuni wati lagep mene andi le asubagaigen iluk hilinghinafik, hinendawimo weak a'luk welagep mene andi enegat asuagaluk hilinghinafik, hinesi hogologo palubagaigeluk hilinghinafik, hinasu karung mene labesubagaigeluk hilinghinafik, igin o. A'nogo hilinghinabumo, hit hinebe ap ekhe agwe emberek omalik manggusa takhogoin mene wa'lagunem le agaikharek andi hak le hokhorogo asugun o. Andi sambul fano mene ekhe higi'lek weak mondok hikhi logogun,” iluk ikhe.