HOSEA 14:4 - Allah Wene Fano Wene Hupla Inane

⁴ Ap Asyur mene nen telninabugun he lego. Nen wam kuda weim yabi lagaikharek mene andi nen telninabugun he legaro. Niren tugwi kembu ninonggwarek ninenggi nen agauwak hilingiti lago meneba yagati logolik, allah nineisena, iluk yagatorek andi hak, ikhi logogun legaro, neisena. Tuhan, Hat he afuni suarek mene hendawirinafendek mene o, neisena, iluk ayonggo fikhi logoino,” iluk yagaisasigi.

HOSEA 14:4 Referans Kwoze

YESAYA 57:18

Nen it inobabut hilingiri'lagwi mene andi re An nen mondogat isikhi lagi o, oba nen he An nen it inoba fano higirinabimbik he inebe woginarek lagik, leberisigik igin o, nen afuni inoba sinurogo werek mene ogore inendawimo koninabigin aro.

YESAYA 12:1

Lingge ekhe weinam asi wesigin meneba re, hiren wuni ikhi logolik: ”Tuhan, attak he Haren an noba hobaharo welagen, oba nen yogondak he Hat hobaharo a'nogo arat lombuk ikhe, Haren an nendawimo konnafi lagen ma re, an nen Hat hai wathafi lagi.

ZEFANYA 3:17

Hit he, hineisena Tuhan Allah Omame Mondok Hokho mene a'nogo nen awe a'ma hinobagaluk fethinarek werek. Hit he At omameba hinomame aga lagep. Hit hinobaget he Tuhan endawimo agaiyege'luk hai hili'lago, At endawi hundik oba re, hit hineluk ket mene logouwageluk hiling-hinobagali'logo.

HOSEA 6:1

It afuni Israel mene nen inane ikhi logolik, ”Nit hobuk nineisena Tuhan oba ninambotkwe sugulogo louwogen we'ni o. Nit ninoba enggin-fenggin hikhi lago andi re Aren hilingninobagali'lago o, oba nen Arenat nit ninoba fanotninobagagin werego. Nen Aren ninoari'lago, oba nen Arenat nit ninoba ou werek andi fano hilingninobagagin werego.

YEREMIA 3:22

Yago hit mondogat Tuhan herakfisasigip mene yoma sani, hinambotkwe sugulogo we'ni o! Aren hit higithinafik, hit hinebe tiphogo hilingiti logobagaigeluk hilinghinobagagik igin werego. Hiren ikhi logolik, ”Yogo o yogondak he At andi nit nineisena Allah hilingi'mo re nit At ambit waga lago.

YEREMIA 14:7

An nagainafuri nen nenu hombuk palhi logolik, ”Tuhan, nit ninonggwarek ninaweak oba weak mene ninoba ari'lago o, oba nen he Haren wene watnisasigin mene a'nogo higithogo lebetninabin o. Nit he eberogo nenat nineisena Hebe oboget healuk laga lago o. Ma re niren Hat hoba weak hilingito mene andoma re eberogo aro.

TITUS 3:4

A'nogo ikhi lagagu meneat he, at Allah nen ninebe telninaferek mene a'nogo obabut fano nen, nit afuni endawitninafikhe mene andi enegat weinam agaikhemo ebe futfesugu andi.

2 TIMOTIUS 1:9

At Allah nen ninebe telninafik, at onggwarek againafuri asuageluk ninayonggo figik, isikhe andi re, niren ekhe hilingituguba ninayonggo fesikhe fuk. Athe, Allah obabut fano nen, attak yi mene ti mene oan elalhi'lek logolik, hobuk Kristus Yesus hilingisigin oba fanotninabigeluk, onggwarek endawimo nen anggaluk ninayonggo fesikhe andi.

EFESUS 1:6

At obabut fano nen amlogo endawinggen tulem mene endawi agi'legat wo'nisasikhe andi faget, niren he, ”Egi. Nailo e,” iluk, fogerati logouwogo.

ROMA 3:24

A'nogo were'ma, at weak mene nen hele warogo fetninarek were'ma, at Allah obabut fano nen Kristus Yesus nen we onggo lek hele fikhalogo telninabuageluk lakfei wagaikhe. A'nogo telninafi logolik, wene ninoba mene korogo wokhasikhesik, Allah ninom ninambotkwe hunogo ninobagasikhe andi.

HOSEA 11:7

It an hera'nobagaluk inomamerogoat wulifunem he, afuni ekhe nen yi enggin ti enggin hilinginafunem, telinabuagaluk, inane hokhorogo kweti logogun oba nen, it ekhe nen inane holimbik telinabugun mondok lego,” iluk ikhe.

YEREMIA 33:6

Oba nen he hobugen An nen kota yi inom, afuni werek mene inom inebe halogo fisagain o, andi nen he it inebe nekhengge inomame asugunat. An nen he it inoba inendawinggen serogo welagik, inailo legengge welagik, hilingik logouwageluk sik-pikhogo hilingisogo fisagain.

YEREMIA 17:14

Tuhan neisena, Hat he an nen legeisogo hobagakhi lagi mene welagen ma re Haren an nebe higitnabigin halok he, an noba fano asigin o. Nen, Haren nagap telnabigin halok he an nagap telegat logogin.

YEREMIA 8:22

Wene ningginik mene hilinglagaba yogondak huli nen an nunggulenu mene inoba ou andoma fano ari'lagwi lek nogo? O Gilead oba mondogat oma re, Dokter ou fano hilinginaferek mene inom, obat inom legen hilingiri'lagwi he a?, iluk heinok wanhi lagi.

YEREMIA 5:6

Andiba it inebe re mene singa enggama nen senggelinafik, nen olomene serigala o leimo nen senggel fogat inafik, igin o. No macan tutul he it inawi kota horok-horokwe andoma lagik wagik hilingiti logolik senggelinabigiluk heraginafi logogin, nen afuni wulibi lagu mene omanogo re senggelinafi logogin. Andoma mondogat he iren inaweak hokho pokhorogo hilingik welagik, nen hundik-handik Allah inambot woge'luk welagik, hilingiri'lagwi andiba hilinglasigin andi.

MAZMUR 78:38

Oba nen he, At Allah nen, At againafuri endawi hundik hilinginafi logolik, it inaweak onggorabethogo fisasikhe, nen it inebe mondogat leget fisasikhe lek. At a'mage hobugalep lagagu kwelek oba nen he hambuget hikhi lagaikhe, At anini lagaikherek mene a'nogo it inoba fikhi lagaikhe legat.

BILANGAN 25:11

”At Pinehas hun Eleazar amlogo imam Harun omba andi nen ninghogo it Israel mene inanggele'ma andoma nen An nalong welagi mene a'nogo ili wo'nafe andiba, An na'mage sebel figirik it inunggulenu andi ekhe leget fisagain lek.

BILANGAN 25:4

”An nen afuni inunggulenu andi mene inoba na'mage ekhe inom fagain lek enggere, afuni andi inobaget inogogwi kaindek werek mene andoma fakfisambik he, An nawene melalek higithogo it inebe felelenghogo afuni mondogat inelokhoma nen inebe pinggi inoa'no.” iluk isikhe.

KELUARAN 15:26

A'nogo ikhi logolik, mel yagaisasikhe: ”Hiren eberogoat mondok an nane hologo hilingitik, an nen andi fano iluk anggigirek mene andiat hilingitik, an nen, yi'nogo hilingiti logoino, ti'nogo hilingiti logoino, iluk komorogo yagahisigi mene andiat higithogo hilingiti logoino o. A'nogo hilingiti logogun halok he, an nen yi ou ti ou afuni Mesir mene inoba figi a'nogo hangge ekhe hinoba fagain lego. Hit hinebe se asuageluk hinoba fano hilinghinafirek mene hineisena Tuhan nebere Anaro,” iluk yagaisasikhe.

YESAYA 55:1

Tuhan nen ikhi logolik, ”Hit hinebe mondogat i nelethinabi'lago mene andoma re, i foukhogo werek enggere na we'ni o. Hit hinauang lek mene re we'ni o, gandum we onggolek hela wesimbik na we'ni! Anggur inom amusu inom foukhogo werek enggere, weat hela we'ni o!

YEREMIA 31:20

Israel ao, hat hebe re An nomalik nendawinggen hundik mene o, nendawi hundik hilingik welagi mene, nendawinggen tulem mene welagen. An nen hat wenakhe'luk hagut palhealugen he, nendawi ou agunem hat hobaget ebet hiugu welagi. Hat he An nen mondogat nendawit habimbik fanorogo hilinghobagagin.

YEHEZKIEL 33:14

Ekhe re, An nen ap weak hilingitarek mene re wa'lasugun iluk ineluet fesigi aro. Oba nen ap a'nogo weak hilingitarek mene herakfuluk agaumhogo fano mene hilingitik, higithogo hilingitik, hilingitu mene eroratu halok, ekhe walhigik he, ap inangge wanigin mene omanogo oak waganogo wogisigik, athe hinate mene omanogo inonggwarek wogisigik, andi nen wene melalek elu logogin wene higithogo hilingitik, hilingitu halok he, at andi ebe hobuk wa'lasigin lek.

YEHEZKIEL 36:36

A'nogo hilingisumo it afuni inunggulenu amu mene hinera'lukwe logogun mene omanogo nen he, An Tuhan nenat o kota meisalhigik pikhe mene omanogo nekhengge wutik, nen ineabu kweang lei pirim ikhekwe omanogo nekhengge fanot foumo yabu elok wanhik umore inelu asugun o. An Tuhan nenat nane mondogat igimo re, ibi eberogo nen he hilingisigin enego,” ikhe.

MAZMUR 10:14

Ariginik oba nen he, Haren heilenggen mondogat isikhi lagen, Haren he afuni enggin-fenggin hugu werek mene inom, anggolorogo hikhi logolik werek mene inom, futfisikhi logolik, leberisagain iluk fik-foukhogo nek welagen. Afuni it inamu nen hilingisu elo'lek mene re inebe Hat hoba wokhetarek, nen Haren he afuni inenggi lek mene hundik handik leberisikhi lagen.

MAZMUR 20:8

It ap ekhe fena nen he inangge kereta amboloba lagaluk weim yabik lagaikharek mene a'nogoba inendawinggen tibet fagarek. Nen it ekhe fena re inanggo kuda ba inendawinggen tibet fagarek. Oba nen nit he nineisena Tuhan Allah a'nogoba nek tipsek mondok welago.

HOSEA 2:19

Hobuk hat Israel hebe An nagwe ebe mene higit wokhabimbik he wokharek mondok logogin o. A'nogo wokharek logolik, hebe nendawit habimbik, nendawinggen hundik mene logogin. A'nogo logolik, An nen higithogo hilingitik, tiphogo nek hilingik, ikhi logogin aro.