HOSEA 14:3 - Allah Wene Fano Wene Hupla Inane

³ Andi nen he, hinebe hinambotkwe Tuhan oba we'luk he, wam, yi mene ti mene At obaget fisa hak, samban yi'nogo ikhi logoino: ”Tuhan neisena, nit hat hane sagalogo fogosik weak hilingiti lago mene yi sagalogo legetfisanogen iluk, yagaheti lago mene yi ninane hesanggo holin o. Ninane holhen halok, niren wene wathetugu higithogoat fogethafi logogun o.

HOSEA 14:3 Referans Kwoze

MAZMUR 68:5

At Allah obaget awuni watik, At enu legeisogo figik, ikhi logoni. At ebe anggulok oba weri'lago andi faget ebekwe yati logoni. At andi enu re Tuhan, At elokhoma nen hinagaiyegeti logoni!

MAZMUR 10:14

Ariginik oba nen he, Haren heilenggen mondogat isikhi lagen, Haren he afuni enggin-fenggin hugu werek mene inom, anggolorogo hikhi logolik werek mene inom, futfisikhi logolik, leberisagain iluk fik-foukhogo nek welagen. Afuni it inamu nen hilingisu elo'lek mene re inebe Hat hoba wokhetarek, nen Haren he afuni inenggi lek mene hundik handik leberisikhi lagen.

HOSEA 14:8

It hobuk inambotkwe noba wesimbik, nawe a'ma logogun. Logolik, inebe gandum yabumo yago mene muli fano agarek andi hak hilinglagik, anggur fano mene yabumo yago welagarek andi hak hilinglagik, e anggur amusu o Libanon mene enu fano lagarek hak inenu yi awi ti awi wialarik lagik, ugun.

HOSEA 5:13

Hit afuni hinunggulenu Israel mene inom, Yehuda mene inom, weak welagep andi futfembik he, hit Israel mene nen afuni Asyur mene inoe raja lego welagarek mene ekhe nen telhinabuagaluk ayonggo lagep meneat he, aren telhinafik, hinebe fano logobagaigeluk hiligisogo hinobagagik, u re, elo'legat aga andi.

HOSEA 2:17

Afuni nen tugwi kembu Baal andi enu ugu mene inonggorasuageluk he, An nen at oba Baal enu ikhi logou fugo, iluk yagasigin.

YESAYA 31:1

Ap o Mesir mene nen lebetninabuageluk kinosi lagaikharek mene andi re alomat laga logouwak! It he Mesir mene inomame hokho mene inangge kuda hokhorogo werek andiba inom, ap tentara esa logalek meneba inom, kuda iren mene omame hokhore'ma inangge kereta ogo hokhorogo werek andi faget inom inendawinggen himbiret fagasik hilingiri'lagwi. Oba nen he Iren Tuhan Allah Israel mene Mondok amu tegelek welagarek mene a'nogoba tibet figi'legengge logolik lebetninabin iluk kino ili'lagwi lek.

YESAYA 30:16

Hit he selei mene inenggimo nen hinangge kuda ba heise weak-weak longgo ugun mene a'nogo faget enek yi'nogo hilingisugun-ti'nogo hilingisugun iluk lenggalhu mondok welagep. Andi re fano! Eberogo nen hit hobuk uwaregat logoin! Hiren wenggel hikhi logolik he hit hinangge kuda andi re eisok a'ne weak lili'logo anggikhi lagep oba nen he, it ekhe nen mukhinarek logoin mene andi re ineisok a'ne mondok weak mene nen mukhinarek logoin o.

MAZMUR 33:17

Afuni nen nit ninomame asugun iluk he wam kuda ba inendawinggen tibet fou lek hak, nen at omame hokho mene werek andiba afuni inagap telinabu re elo'lek.

YOHANES 14:18

An ogo re, hit hinebe yenggerugwi suarek mene hak herakhinobagaluk lagain lego. We, hobuk nambotkwe hisa wesigin aro.

HOSEA 12:1

Tuhan nen ikhi logolik he, ”It afuni inunggulenu Israel mene nen he An nebe haningisogo kwelaknarek logolik, ineranhogo wene nek igik, inunggulenu Yehuda mene re An Allah nebe horek mondok logolik tiphogo nek hilingiti lagi mene a'nogo nane sagalogo hilingitik, ugu mondok logolik lalogo nobagali'lagwi.

HOSEA 8:9

Linggene keledai maro mene nen kwanit hikherek hak Israel mene re inendawimo nen anggaluk enek hilingiri'lagwi. Iren he Asyur en lebetninabuageluk heraginabik lili'lagwi, nen inunggulenu amu mene inoba ninom sebesuogen iluk onggo palinabi'lagwiat.

HOSEA 8:6

Sapi emas iren fogeratarek mene andi re it Israel inap elalhu inelu mene nen elalek engge! Andi re ebe Allah re lek enggere mondok wolelenggen isogoin halok fano!

HOSEA 7:11

Israel he, sue yalma mongol mene nen lagik wagik ikherek hak hilingiri'lagwi. Attak he iren Mesir mene nen lebetninapni o iluk kino lagaikha. Andi nen hobuk he Asyur mene nen lebetninapni iluk yagaisa lagaikha!

YEHEZKIEL 37:23

It weak hilingisugun meneba inonggwarek emetfakhogoin legat, nen kembu hebak inafe mene omanogo fogerasugun legat. It An nawe a'ma logou inabiren hilingitarek mene andiba nen hele warek hangge were'ma fikhalogo telinabigin. A'nogo telinafi logolik An nen it inebe horogo sobalinabigin. A'nogo sobalogo fisamo it inebe An nagainafuri mene asugun, nen An it ineisena Allah asigin.

YEHEZKIEL 36:25

Andi mondogat hilingfuluk hit hinebe hinanggembu oba nen inom nen yi weak ti weak hilingutunem hinebe emethinobagaikhe mene andiba nen inom An nen i eil wurik meneba sobalhinabigin.

YESAYA 36:8

Yogondak an nen raja Asyur mene enuba nailo legengge wal houwogelugat ikhi lagi o. Hit hinebe angge kuda dua ribu nen wokhisamo nen he ap hit mene hinebe andem higithogo kuda waluk lagu mene asumo re elo'lego.

YESAYA 31:3

Afuni Mesir mene andi re Allah re fuk afuni mene werego, kuda iren fisogo mene andoma re ekhe hunik mene re, fuk welagarek mene nek werek. Arigini'mo re Tuhan nen enggin mene inoba fagain iluk hilingitunem andi re inunggulenu omame logogin mene inom inunggulenu lebelek mene omame mene nen leberisagarek mene omanogo inom pule pumo re it inebe pirenerat legasugun andi.

YESAYA 30:2

An nen wene oan sikhiphogo yagaisigi'lek kwelek he it o Mesir lili'lagwi. Laluk iren Mesir a'ma fetninarek logouwageluk he raja Mesir mene nen lebetnisoagen iluk kinori'lagwi.

YESAYA 27:9

Oba nen he afuni Israel mene inaweak legabesugun he yi'nogo hilingisugun oba, iren mezbah dewa andoma mondogat wolelenggenhogo wul al hakhogo hilingfigik, Dewi Asyera alik waganek mene inom amben fano mene iluk noletu mene omanogo inom mondogat wolelenggenhogo leget fogoin halok enek he it inaweak elok leget fisagain o.

YESAYA 1:29

Iren e meneba apne wanhik, yabu kembu dewa inobaget wesa figik, hilingiti logogun mene andi re hobuk inenggali asugun.

MAZMUR 146:9

Afuni pok mene re At awea'ma fisaluk ferinarek welagik, it hemi sogwe mene inom yenggerugwi suarek mene inom Aren leberisigik ikherek oba nen he, afuni kwanirogo hilingitarek mene nen hilingisugun iluk wene oak palogo fagarek mene omanogo re Aren legetfisikherek.

MAZMUR 146:3

It afuni ap inenu werek inap andoma inom, athe it afuni ekhe telhinabu elo'lek mene andoma inoba inom, hinendawinggen himbirik logou fuk.

2 TAWARIKH 16:7

Andem oba re nabi Hanani a'nogo hun Asa ambit wagaikhesik yagati logolik mel yagatikhe, ”It Sudan inom Libia inom he ap sikhe fisogo mene inebe mondok hokho-pokhorogo were'ma, it inangge kereta elonggoma kuluk weim yabik lagaikharek mene inom, no kuda amboloba lagaluk weim yabik lagaikharek mene inom ogore mondok hokhorogoat welagaikhe lek nogo? Oba nen he haren Tuhan Allah a'nogoba hendawinggen tibet figi'legengge nen at raja Siria mene a'nogoba tibet fesiginmo re, haren it tentara Israel mene inomame leget fisare elo'lek agaikhe lek nogo?

ULANGAN 17:16

At raja halok he agoromi tentara sikhe fisogo mene faget wam kuda weim yaferek mene iluk hokhorogo fisogo logogin lek. At hineisena Tuhan Allah nen he afuni An nagainafuri yi o Mesir inambotkwe logoin lek iluk ikhemo re, it afuni yi o Mesir kuda hunisi loageluk ogo, athe kuda amu mene inom agamesi loageluk ogo, onggo pali lani iluk lakfisogoin mondok lek.

ZAKHARIA 13:2

Inenggi andi sambul he o kweang yiba tugwi kembu enu werek mene andoma re An nen horogo leget fisamo, ap misigen iluk ogo eberek logogin mondok lek. It afuni nen an nebe nabi iluk agarek mene andoma inom, nen ap munggwarengge inoba louksek logolik hilingitarek mene andoma inom, An nen mugusogo wulak fisagain.

YEREMIA 49:11

Hat Edom yi! Hat hagainafuri suarek mene andoma re An noba foumo re An nen halinafi logogin o. It hemi sogwe hat hunggulenu mene andoma nen he An noba inendawinggen tibet fouwak.

HOSEA 4:12

Hiren e eil misik lebeksek meneba pilingisogo yaganisoageluk kinoti lagep! Andiba re hit hinendawimo ninelu a'lep iluk wenggelhi lagep mene andoma re tomuk misik ekhe nen pilingisogo yagaisili'logo! Hit he, he ekhe agun inom logoligenat uang herati logolik hambenan enek hilingitu mene hak An a'nogo oboget nealuk ilah amu mene murok laga lagep.

HOSEA 13:2

O yogondak ogore, afuni Efrayim mene andi re, Allah ane sagalogo weak hilingituat werek. Iren he, tugwi kembu afuni inendawimo nen wenggelfuluk perak mene agauwak hilingisogo inenggiba wuri'lagwi. A'nogo wutfuluk iren ikhi logolik he: ”Wam, yi mene ti mene tugwi kembu yoma faget warogo nole'ni o,” iluk ugunem, afuni nen he sapi eak alik waganek meneba hai inambe saluk watarek andi re higit nogo a!

YUNUS 2:10

Ayonggo a'nogo fesikhemo re, Allah nen ikan a'nogo yagati logolik, ”Yunus ebe hemelogo i esanggoma wulakfei lan o,” iluk yagatikhemo, wulakfei wagaikhe.