HOSEA 13:15 - Allah Wene Fano Wene Hupla Inane

¹⁵ Israel mene re kweang muli fanoma engga mondok muli welagarek andi hak, fano mondok werek meneat he, An nen sogoi aganhan hokho mene o leimo mo liabi wagarek fikhiren inoba lakfei wesigin o. A'nogo lakfei wesumo, sogoi andi nen i elesi wiliferek mene inom, i mogo habulikwe yenggelek mene andoma inom mondogat firok ilik lagunem, yi mene ti mene onggo hokho mene andoma mondogat lek arik lagain o,” ikhe.

HOSEA 13:15 Referans Kwoze

YEHEZKIEL 19:12

Oba nen he, afuni ina'mage lagaluk inenggi nen sagarogo kweangma taiget fagarek. A'nogo hilingfugunem sogoi timur fikhiren funha waga logolik, enggen fano mene puget fikherek. E enggi re sia'luk pugagunem he endu nolharek.

YEHEZKIEL 17:10

Eberogo nen at ebe omanggen ninghogo yago werek, oba nen he at a'nogo wilifu mondok logolik sagarik lagu mondok logou hak nogo a? Sogoi timur fikhiren funha wesumo nen he pugasu lek hak nogo? Nen at ebe yakfuguba aremnogo nen pugasu lek hak nogo? Pugasu hak aro,” iluk ikhe.

YEREMIA 4:11

Inenggi ekhe higit asi wesigin oba afuni Yehuda mene inom Yerusalem mene inom inoba yagaisikhi logolik sogoi aganhan mene o leikwe nen hit hinebikhit funha wesigin, iluk ugun oba arat horogasi waga o. O sogoi andi ebere sogoi weba funhugunem alalengge funhogo waluk lagarek mene andi hak he fuk,

KEJADIAN 49:22

Nen, hat Yusuf hobabut he, wam keledai eak mene hangge o. Keledai eil poloksek mene i elesi, wulibi wagare'ma welagarek mene hangge. Logolik, humusek tom a'makwe Lagerek mene hangge welagen o.

KEJADIAN 41:52

A'nogo salhikhesik, ekhe mel isikheat: ”Allah nen he, an nebe weak were'ma nagainafuri ya wo'nete,” iluk isikhesik amlogo hobuk mene andi enu re, ”Efraim,” iluk salhikhe.

NAHUM 2:9

O kota yiba re inangge yi mene ti mene mondok hokho-pokhorogo hilingik enggere, inangge emas inom, perak inom mondogat andoma hugul hela kwino!

HOSEA 10:1

Israel he e anggur enggen mondok hokhorogo iterek andi higit werek. Angge yi mene ti mene enggi werek aga logolik, aren angge mezbah hokhorogoat wute. Yi mene ti mene sik-pik ikhi logolik he tugwi kembu aren fogeraterek kwe omanogo pugunhogo wurik lagaat.

HOSEA 9:11

Israel mene inalong welagaikharek mene andi re, sue tarogo longgo i lagarek hak legasigin, iren inomalik ina'ma agik, inagainafuri taginafik, ikhi logogun mondok lek.

HOSEA 4:19

Andiba it inebe re sogoien furisugunem hakhogo legasugun. Iren kembu dewa obaget warogo wogeti logogun mene omanogo faget he, inenggali asugun o,” iluk ikhe.

DANIEL 11:8

Andem sambul he, at ebe ambotkwe sugulogo o Mesir laga logolik, aren it aselei mene inanggembu dewa ilirengge hilingik omanogo inom, iren dewa andi faget inangge emas, perak meneba hilingik engge wogota mene omanogo inom helaluk lagain. A'nogo helaluk lambik he, tahun miren hakhogo andem oba re aren raja o Siria utara fikhit mene andi inom weim yafi'lek logogin.

YEREMIA 51:36

Andiba re, Tuhan nen afuni Yerusalem werek mene inoba ikhi logolik,” An nen he, hit hinawene andi faget ero herasimbik he, it hinaselei mene nen hit hinoba hilingfesukwa mene andoma An nen ogo it inoba ambisangma hilingfisagain aro. It inagai lagarek mene inom, inagai elesi wuliferek mene inom o Babel oba andoma An nen mondogat firitokhogo hilingfagain,

YEREMIA 20:5

It inaselei mene nen ogore o kota ariba inenggi werek hilingik mene andoma hugul heligik, nen inangge yi mene ti mene inom, raja Yehuda mene angge endamen engge fisogo welagarek mene andoma inom, helaluk loageluk An nen herakfisagain.

YESAYA 41:16

Haren he, it inebe gandum enggen hak eninafunem he, it inebe afulfulengge higit sogoien furogo woginarek lagik, sielu nen funhogo waluk lagik, hilingiti logogin. Hat he, An heisena Tuhan nobaget hagaiyek agik, An nebe afuni Israel mene ineisena Allah welagi andi nen wonoget fakhigik ikhi logogin.

YESAYA 17:13

It wagunem he i fu waga logolik esinggen founalik wagarek hak weri'lagwi. Oba nen he Allah nen inoasigiluk ugu nen it a'nogo heise re yatma lili'lagwi. It heise lagunem he sogoi en engga puk mene punu alilukwe nen furogo lagarek hak, athe kweang age sogoi sielu nen funhugunem hak, lili'lagwi.

YESAYA 14:21

Yi kwe ti kwe kota omanogo fanot fouwageluk hat hagainafuri mene ekhe menlasimbik ferinarek logogun legat. Hele warinabimbik inaosugun mene a'nogo yogondak horok aga. Hat hagainafuri andoma re inombawi weak hilingita mene inenggi ambisangma re it inebe wa'lasugun o, ikhe.

MAZMUR 109:13

Aren tagomangge mene andi re mondogat legasugun fano, at enu re it hobuk logogun mene andoma nen ogo ekhe ebethikhi logoinogo.

MAZMUR 1:4

A'nogo meneat he, it afuni inobabut higithogo hilingiti'lek weak kwanirogo nek hilingitarek mene re a'nogo ekhe hilinglagarek mondok lek. It inebe re, yi mene ti mene afulfulengge sogoi en funhogo waluk lagarek andi hangge werego.

AYUB 18:16

E omanggen fili a'luk engga mondogat pugagunem mutarek andi hak at ebe wa'lasigin o.

ULANGAN 33:17

Yusuf he, wam sapi ai mene omame hokho mene hangge asuak. Wam sapi ai mene enggama mene andimuk ungguloa'ma werek andi hangge ap Manasye mene esa re, mondok hokhorogo ribuan hilinglasuak. Nen, ap Efraim mene esa re, mondok hokhorogoat puluhan ribu hilinglasuak. Wam sapi ai mene andimuk ungguloa'ma taunghogo inoaterek andi hak, at Yusuf en tagomangge mene ap esa hokhorogo andi nen, afuni ekhe inunggulenu hokhorogoat mene warogo o yi awi ti awi huli pogot ero-ero a'lima lakfisikhi logouwago,” iluk yagatikhe.

KEJADIAN 48:19

A'nogo yagatikhe meneat he, eisena nen at ane herakfisasikhesik, mel yagatikhe: ”An nelu o, namlogo. Nelu. At Manasye omame re, we, endebat hangge, omame asimbik, aren tagongge mene inunggulenu endebat hangge ekhe hokho asugunat. A'nogo meneat he, at agot Efraim enek he, omame hokho mondok asimbik, aren tagongge mene inunggulenu wereginap hokhorogoat asugun andi nen hilingiti o,” iluk yagatikhe.

KEJADIAN 41:6

Nen, ekhe re, gandum ero misigat hunogo meneba enggen ebe 7 nenat sogoi aganhan weak mene nen enggen saweret fesikhemo amusu lek puget fesikhe mene, igisogo wulabi wagunem hasikheat.

YESAYA 27:8

Tuhan nen againafuri unggum wogisagain he yi'nogo, ”Aren he sogoi timur fikhiren omamerogo funhogo woginarek he ap pok mene inaiba andoma huginabi lagain.

YEREMIA 4:12

athe sogoi omame mondok hokho mene Tuhan nen againafuri inoba unggum fisoageluk mimingitemo weri'logo.

YEREMIA 51:1

Tuhan nen ikhi logolik,” An nen he sogoi sielu weagerinaferek mene o Babel fikhit inom afuni werek fikhit inom funhogo weaget fei wesuageluk lakfei wesigin.

HOSEA 2:3

A'nogo yagasugun oba nen aren etokhogoat esanggo holhi'lek, yananiat nilik nugu halok, at ebe alfulukwa kogouk ta'lagaikhe andi hak, alfulukwa kogougat logouwageluk An nen asu nonggologo potfisagain o. An nen at ebe kweang i amusu le'ma puk iringik weak andi hangge hilingisogo foumo re, ebe i nele nen wa'lasigin.

YUNUS 4:8

A'nogo hilinglagaikhemo, ohealek hubet mo arat lagai wagaikhemo Allah nen, sogoi aganhan weak mene o mo lagai wagarek higiren funha wesuagaluk hilingitikhemo re, funha wagaikhe. A'nogo funha wagaikhemo mo aigen Yunus ungguloak hutethasikhemo re, eilfuruk feigeluk isikhe. A'nogo hilingitikhemo re, aren he, ”Nebe neluk logogin nabiro. Wa'lasigin namolo o,” iluk isikhe.

KEJADIAN 41:23

Nen, gandum ero misik ekhe hunogo meneba enggen ebe 7 nenat sogoi aganhan weak mene nen enggen lek saweret fikhesik, amusu lek pugetfikhe mene igisogo wulabi wagunem higiaro.