HOSEA 11:9 - Allah Wene Fano Wene Hupla Inane

⁹ An nebe Allah aro. Afuni hanggere lek, andi nen he An nen na'mage hit hinoba het-periluk, wene hinoba figirek andi hak fagain lego. An nebe tegelek mondok welagirek mene a'nogo hinebe fethinarek mondok logolik, na'mage hinoba het-perikhi logogin lego,” iluk yagaisasikhe.

HOSEA 11:9 Referans Kwoze

BILANGAN 23:19

Allah re, afuni nen, Nambigen igi e, igik, ineranen wene igik, agarek andi hak ikherek mondok lego. At Allah re, An nen yi'nogo hilingisigin, iluk abok yagaisaluk he, ebe tiphogoat hilingiterego. Nen, Aren ugunem ebe arat hilinglagarek enego.

YEREMIA 30:11

An wesimbik hit hinagap telogo hinobagagin. Ap inunggulenu An nen hit telfol hisasigikwe mene andoma re An nen mondogat leget fisagain, oba nen hit he a'nogo hilinghinabigin lek. Eberogo nen hit he unggum andiba nen ekhe fulelugun lego, oba nen he An nen hit hinoba unggum wokhisagain mene andi re higithogo nek werek higithogo hinoba fagain. Iluk An Tuhan nen nane mondogat igi o,” ikhe.

YESAYA 12:6

Hit afuni o Sion oba welagep mene yoma sani, hinagaiyegeti logoni. Wuni hinagaiyek oba wati logoni. Israel mene ineisena Allah Mondok Horek mene andi re, Ombak-bak mondok werek, At ebe re hinanggele'ma werego, iluk wuni wati logogun.

MALEAKHI 3:6

At Tuhan nen ikhi logolik, ”An nebe agam itirek lek mene o, Tuhan a'nogo nebe re An aro. Andiba re, hit Yakub en tagomangge mene andoma weaget hinobagakhi lagi lek andi.

HOSEA 14:4

Ap Asyur mene nen telninabugun he lego. Nen wam kuda weim yabi lagaikharek mene andi nen telninabugun he legaro. Niren tugwi kembu ninonggwarek ninenggi nen agauwak hilingiti lago meneba yagati logolik, allah nineisena, iluk yagatorek andi hak, ikhi logogun legaro, neisena. Tuhan, Hat he afuni suarek mene hendawirinafendek mene o, neisena, iluk ayonggo fikhi logoino,” iluk yagaisasigi.

2 SAMUEL 20:10

Ariginhunem aremnogo at Amasa a'nogo re Yoab karok enggi hare fikhit welagaikhe mene a'nogo eilenggen higi'lek welagaikhe. Were'ma nen we ferekhogo aremnogoat at Yoab en Amasa alabut talogo potfesikhemo, elonggomangge omanogo kweang kwe mondogat eil-kweilhogo taik isikhe. A'nogo watikhe aremnogobaat wa'lagaikhemo re hobuk ekhe inom talhi'lek herakfesikhe.

YESAYA 48:9

An na'mage lagali'logo mene sebelfuluk welagi andi re, An nenu hokho asuageluk hilingiti lagi o. nen hat heiloak leget hobagai nogoluk sebelogo fuluk welagirego.

MAZMUR 78:38

Oba nen he, At Allah nen, At againafuri endawi hundik hilinginafi logolik, it inaweak onggorabethogo fisasikhe, nen it inebe mondogat leget fisasikhe lek. At a'mage hobugalep lagagu kwelek oba nen he hambuget hikhi lagaikhe, At anini lagaikherek mene a'nogo it inoba fikhi lagaikhe legat.

1 SAMUEL 26:8

A'nogo nogogunem he Abisai nen Daud oba ikhi logolik he, ”Allah nen he o yogondak hup yiba hat haselei mene a'nogo henggiba arat fikhe yi. Enggere an nen we nenggi pireba lek oba nen he nenggi misigamat onggwarek arige ariba ebe talogo kweang inom hun feiyogen he, io hilingisin iluk in o,” iluk yagatikhe.

ULANGAN 13:17

Yi mene ti mene mondok homan oba werek mene andi re, hit hinonggwarek faget iluk ogo ekhe fakhogoin mondok lego, abirengge mondok pin tagalogo fisamo, At Tuhan a'mage hit hinoba logogin mene a'nogo leget fikhi logolik hit hinoba endawi hundik hilinghinafik, endawi sakhorek oba hilinghinafik, Aren hit hinombawi inunggulenu hokhot fisikhi logolik fanot fisasikhe hakhogo, hirogo a'nogoat hilinghinabigin.

MAZMUR 46:5

At Allah ebe awi kota esin legoma welagarek oba i ekhe elesi wulibisogo o kota Tuhan Awi mondok horek mene a'nogoba kwelabi lagunem he, o a'nogo oba fanot fikherek.

YESAYA 5:24

Hit he hineisena Tuhan Omame Mondok Hokho mene a'nogo nen wene yagahisasikhe mene omanogo ninabit iluk herakfisikhi lagep, nen hiren afuni Israel mene ineisena Allah Mondok Horek mene a'nogo sebelogo fikhi lagep. Andiba re, lei engga inom engga puk mene inom endu nen libunghogo ninggerek andi hak he hirogo hinomanggen mondok fili agik, hinowil puk agik, sogoien mondogat furogo lakhinobagagik, igin o.

YESAYA 31:1

Ap o Mesir mene nen lebetninabuageluk kinosi lagaikharek mene andi re alomat laga logouwak! It he Mesir mene inomame hokho mene inangge kuda hokhorogo werek andiba inom, ap tentara esa logalek meneba inom, kuda iren mene omame hokhore'ma inangge kereta ogo hokhorogo werek andi faget inom inendawinggen himbiret fagasik hilingiri'lagwi. Oba nen he Iren Tuhan Allah Israel mene Mondok amu tegelek welagarek mene a'nogoba tibet figi'legengge logolik lebetninabin iluk kino ili'lagwi lek.

YESAYA 41:14

Tuhan nen ikhi logolik, ”Israel ao, hat he hebe yenggerek logolik, homame lek welagen oba nen he, hailosu fugo. An heisena Tuhan nen hat lebethiikhi logogin o, Allah Israel mene ineisena Mondok Horek mene andi re, hat hagap telhafu mene werego.

YESAYA 41:16

Haren he, it inebe gandum enggen hak eninafunem he, it inebe afulfulengge higit sogoien furogo woginarek lagik, sielu nen funhogo waluk lagik, hilingiti logogin. Hat he, An heisena Tuhan nobaget hagaiyek agik, An nebe afuni Israel mene ineisena Allah welagi andi nen wonoget fakhigik ikhi logogin.

YEREMIA 26:3

A'nogo yagaisagain andiba re it inunggulenu andi mene nen An nane inesanggo fanorogo holfembik, iren inaniniba mondok weak hokhorogo hilingiri'lagwi mene andoma palfugunem, An nen it inobabut hilingiri'lagwi andi higithogo it inoba hilingisigin mene iluk wenggelogo figirik welagi mene a'nogo sebelogo figi hanogo,” iluk yaganete.

MAZMUR 85:4

Haren hanini it inoba fuluk welagagin mene a'nogo re mondogat oak waganogo wanhiginmo re, Haren hanini ekhe it inoba fikhi lagen mondok lek andi o.

HOSEA 12:1

Tuhan nen ikhi logolik he, ”It afuni inunggulenu Israel mene nen he An nebe haningisogo kwelaknarek logolik, ineranhogo wene nek igik, inunggulenu Yehuda mene re An Allah nebe horek mondok logolik tiphogo nek hilingiti lagi mene a'nogo nane sagalogo hilingitik, ugu mondok logolik lalogo nobagali'lagwi.