HOSEA 11:6 - Allah Wene Fano Wene Hupla Inane

⁶ It afuni Israel mene inonggwarek inendawimo anggaluk hilingiri'lagwi andiba re, ap tentara nen inoasuogoluk it inaiba kota kwi we'luk, inebe inoatik, inaleget pa'leget ambe palek omanogo mondok weaget figik, ugun o.

HOSEA 11:6 Referans Kwoze

HOSEA 10:14

ma re afuni holhu mene yoma re weim hinoba asi wesigin o, nen hit hinoba himbirengge helep huguloak wurik mene andoma mondok wolelenggen isogoin. A'nogo hilingfoumo o andoma re raja Salma nen kota Bet-Arbel weim oba wolelenggenhogo fikhi logolik hemi ineagwi inom alperelogo fisasikhemo hilingik welagaikhe aremnogo hakhogo hilingik logogin.

HOSEA 10:6

Tugwi kembu andoma re o Asyur ha'luk lambik raja lego mene a'nogo endawimo agaiyekhogo wogosugun nen iluk waluk logoin. Israel mene nen he hilingisugun mene iluk wene melalek werek mene a'nogo hilingisugun oba, it inenggali asimbik, sebelek mene asugun.

MALEAKHI 4:1

Tuhan Omame Mondok Hokho mene a'nogo ane ikhi logolik he, ”Hobuk An nawi andi wei ugunem he, afuni ekhe inonggwaregen foget fakhagarek mene inom, inobabut weak hilingitarek mene andi inom, inebe engga puk mene endu nen ninggerek andi hak ekhe fena herakfisigi'lek endu mondok nagain o.

MIKHA 5:11

It hareise mene nen inanggembuba amurogo hilingitarek mene andoma legetfisigik, it heinogengge mene nen yi'nogo asigin iluk ili'lagwi mene andoma inebe hit hinanggele'ma nen wulakfisigik, igin.

YEHEZKIEL 20:47

Haren o ogoi andiba yagati logolik, An Tuhan Lego Mondok welagirek mene a'nogo nen hat hoba yi'nogo yagahete ino, ’Holin! An nen o ogoi andiba endu foumo re, e hokhorogo kweang haren mene andiba werek mene andoma e puk mene ogo eluk mene ogo lei mondogat nagain. Lei a'nogo lagain mene andi re amulok yelang melang nilik lagunem he nagulu mondok elo'lek logogin. Lei nilik lagain mene andi re abel selatan fikhit andoma nen yelang melang utara fikhit nilik lagunem he, endu andi aik he afuni mondogaren hogoin enek.

YEREMIA 5:17

Iren hit hinanggweang oba nen enggen ugu andoma inom, hit hinangge nunggu mene inom legetfuluk he hinagainafuri pinggi inoasugunat. Hinanggo sapi, domba inom he iren warogoinat, hit hinagayo anggur yabu inom, arah yabu inom he iren wolelenggen isogoin. Hit hinaiba leget pa'leget omamerogo waganek mene re iren meisak langgukhogo lakfisogoin.

YESAYA 30:1

Tuhan nen ikhi logolik, ”Afuni Yehuda mene ferinarek welagaikharek inap andi nen An nane oak sagali'lagwi mene andi re inebe alomat lakhoago. Iren he An nen hilingisigin iluk anggigirek mene omanogo hilingiti'lek he it inendawimo nen anggaluk hilingitik, nen iren An nendawimo angga lek hak mene omanogo inom inane misik seberogo ma'luk he inenggi amusu figik, hilingiri'lagwi andiba re it inaweak he kabok-kabogengge andogorogo liafi logolik werek andi.

YESAYA 27:10

O kota leget pak omamerogo waganek mene a'nogo re, afuni inareng mondok le'ma o lei pirimse'ma hakhogo herakfisagama re inareng mondok tiring-terenghogo hilingik. Wam ulukhogo nikharek mene re andoma set warikhi logolik e engga werek mene andoma legabeti logolik werek.

YESAYA 18:5

Anggur enggen agayoba oan wurik agi'le'ma, nen enggen taganugun oba horogasi wagi'lek werek kwelek, owil agayoba nen lologo pugu kwelek andem, pisauba anggur oak tegetarek andi hak, it selei mene nen Sudan mene siserogo wolelenggen tagalogo lakfisogoin.

YESAYA 9:14

Inunggul paligin andi re ap kaindek inomame werek inap omanogo, nen inagenggum he it nabi ineranhogo wene yagaisagarek mene omanogo.

MAZMUR 106:43

At Tuhan nen hundik-handik fikhalogo fisikhi lagaikheba nen, iren he at ane oak sagalhu mene nek inamurururogo hilingiti lagaukwa, andiba re it inonggwarek inaweak anggele'ma re inebe alomat laga lagaukwa.

MAZMUR 106:39

Iren a'nogo hilingiti lagaukwa andiba re it inebe mondogat emetlaga logolik, It inebe Allah ba tiphogo welagi'lek hilingiti lagaukwa.

ULANGAN 32:25

It inebe endakwe lagunem, weim yafi logolik inoasugun, It inebe oloba were'ma, inali'lip hokhorogo hilinglasugun, Ap alage helime yenggerugwi, inebe mondogat legetfisagain, It omalik ketago mene ogo, it ekhe yamanugwi mene ogo, inebe mondok legetfisagainat.

ULANGAN 28:52

O kota mondogat At hineisena Tuhan Allah nen wokhisikheba andoma hiren mondogat pin kwi wesumo re leget uwan-awan aleget mondok omamerogo wagane'ma hiren hinendawimo hambukhogo welagep mene andoma mondok meisalogo sagauk ikhi logogin.

IMAMAT 26:33

Hineabu helikhi legep kwe andoma hesangge linisikhi logogun, nen hinawi wurik he we meisalegenek kabok lagakhi logogin. An nen hit hinaiba eroma andoma weim liabumo hit hinailo nen linggi longgo ugun.

IMAMAT 26:31

Hit hinawi kota mondogat he An nen meisalogo foumo o meisalek enek kabok lagakhi logogin, hiren fogerasi laga-lagep kwe andoma re An nen halik halokhogo fagain, nen hinanggo warogo noli waga lagep mene re An nen wanigin lek.

YEREMIA 50:35

Tuhan ane ikhi logolik, ”Babel andi re afuni holhu mene inom, pemerintah inom, ap hibilik hebelek mene inom, mondogat legetfisani o!

RATAPAN 2:9

Kwe ambe hokho mene palek kwe omanogo mondogat he kweang en salhe, e nunggulik sobangsek mene omanogo sombologo pikhe; raja ebe inom, it pemerintah ba yabu legoma hilingitarek inap omanogo inom he, mondogat huginabi lagaukwaba omanogo lagaikhasik werek. Tuhan awene melalek omanogo yanggulinabi'lagwi lek, it nabi re Tuhan nen ogo husumbi ekhe yagaisili'lago legat.

HOSEA 4:16

Yago, hit afuni Israel mene yi sani, hit he hinungguloak mondok helep higit welagep! Ariginik welagepma re, An nen ninggi'nogo domba engga noageluk o leimo halharek hakhogo halhinafi logogin nogo?” iluk ikhe.

HOSEA 4:17

It afuni Israel mene re tugwi kembu nen inendawinggen ninggemo re, it he herakfisani.

AMOS 6:8

At nineisena Tuhan Omame Mondok Hokho mene logolik, Lego Mondok welagarek mene a'nogo nen ane omamerogo ineluet fikhi logolik he mel ikhe, ”It afuni Israel mene inonggwaregen foget fakhagarek andi re An he nabit mondok welagi o. Nen, inogogwi kaindek inaiba mondok fanorogo wurogo welagaikharek mene andoma re An nen nendawimo nagaiyek anggikhi lagi mondok lego. It inawi kota hokho mene andoma inom, yi mene ti mene o kota welagarek mene andoma inom mondogat he it inaselei mene inenggiba fagain o,” iluk ikhe.

IMAMAT 26:25

Hiren An ninom wene katokhogo wato mene a'nogo sagalfuluk hilingitu halok he, An nen hit hinawi kota hinanggele'ma andoma weim liabigin. Nen, hiren o kota ba andoma kaboge'luk koma hina'lasu iluk obalik herasugun oba nen he An nen ou mondok weak mene fano hilinglasu elo'lek mene lakfei wesumo re, hiren ninggi'nogo hilingisugun iluk elo'legen hinaselei mene inenggiba aga logogun.