HOSEA 11:5 - Allah Wene Fano Wene Hupla Inane

⁵ it afuni Israel mene andi inobabut hebela'luk inambotkwe an noba wesu re, inabit mondok welagaikharek. Andi nen he, it hobuk inambotkwe o Mesir loago. A'nogo lamo, it afuni Asyur mene inoe raja nen ferinarek logogin o.

HOSEA 11:5 Referans Kwoze

HOSEA 7:16

It he hundik-handik dewa inomame werek lek mene omanogo faget mu'luk lili'lagwi. It faget he werek angga lek hak, it inebere sikhe enggela sapulangsek mene hangge werek. It inogogwi kaindegen he inane wonoget fakhikhi logolik agarek andiba re, it inebe weim ambisangma nen inoasumo wa'lasugun. Nen, it afuni Mesir mene nen endo yaginafi logogun,” iluk ikhe.

HOSEA 8:13

Iren An noba wam warogo wo'netu aplere mondok inagaiyek. Nen wam a'nogo eino palek he it nili'lagwi, oba nen An Tuhan nen he iren a'nogo warogo fei weri'lagwi mene andoma re mondogat nabit. Yogondak he An nen it inaweak hilingiri'lagwi mene andoma eberek logolik he it inaweak onggo unggum inoba fagain o, An nen it inebe inambotkwe sugulogo o Mesir lakfisagain.

HOSEA 10:6

Tugwi kembu andoma re o Asyur ha'luk lambik raja lego mene a'nogo endawimo agaiyekhogo wogosugun nen iluk waluk logoin. Israel mene nen he hilingisugun mene iluk wene melalek werek mene a'nogo hilingisugun oba, it inenggali asimbik, sebelek mene asugun.

HOSEA 9:3

Yago, hit afuni Israel mene re kweang hineisena Tuhan nen wokhisasikheba andoma femhogo logogun lek. Hit mene fena re nekhengge sugulogo o Mesir logoin, nen fena re o Asyur oba andoma nen nunggunggere saliogengge mene omanogo ninggi logogun.

AMOS 5:27

Andi re, An nen hit o kweang ekhe o Damsyik en yatma andoma lakhinobagaumo logoin o. An Tuhan Nomame Mondok Hokho mene hineisena Allah a'nogo nen nane arat igi o,” iluk ikhe isikhe.

AMOS 4:6

A'nogo hilingiti lagep andi nen, An nenat hit sumburu ouwakhogo logobagaigeluk sumburu ouwak mondok hokho mene hinawi kota ba mondogat lakfei wagi meneat he, hiren hinambotkwe sugulogo An Noba wesu hinabit mondok welagebo.

HOSEA 9:6

Enggin mene hinoba asi wagunem, nen hit hinebe wokhinarek o ekhema hinobagai lagunem, it fena hit hinanggele'kwe werek mene andoma re afuni Mesir mene nen inoa'luk he inebe warek o Memfis andoma salinafi logogun. Engga inom alok-alogengge inomen he, hit hinaiba wurik logogin kwe andoma inom, hinangge onggo hokho mene perak andoma inom, sebelogo fagain.

HOSEA 6:1

It afuni Israel mene nen inane ikhi logolik, ”Nit hobuk nineisena Tuhan oba ninambotkwe sugulogo louwogen we'ni o. Nit ninoba enggin-fenggin hikhi lago andi re Aren hilingninobagali'lago o, oba nen Arenat nit ninoba fanotninobagagin werego. Nen Aren ninoari'lago, oba nen Arenat nit ninoba ou werek andi fano hilingninobagagin werego.

HOSEA 5:13

Hit afuni hinunggulenu Israel mene inom, Yehuda mene inom, weak welagep andi futfembik he, hit Israel mene nen afuni Asyur mene inoe raja lego welagarek mene ekhe nen telhinabuagaluk ayonggo lagep meneat he, aren telhinafik, hinebe fano logobagaigeluk hiligisogo hinobagagik, u re, elo'legat aga andi.

2 RAJA-RAJA 15:29

At Pekah ebe raja logolik melalinafi lagaikheba re raja Asyur mene hun Tiglat-Pileser a'nogo nen he o kota Iyon inom, Abel-Bet-Maakha inom, Yanoah inom, Kedes inom, Hazor inom, o Gilead kwe andoma inom, it afuni Naftali mene inaiba andoma inom, telhikhe. Telhikhesik he afuni hele warogo woginarek he o Asyur lagaikhe.

2 RAJA-RAJA 15:19

Afuni Asyur mene inoe raja Pul a'nogo it afuni Israel mene were'ma weim sineli kwi wagaikhemo at Menahem en he, ’An afuni Israel mene inoe hilingi'mo andoma nebe nomamerogo melalinafi logogin,’ iluk hun Pul andi nen legeisogo nobagauwak, iluk he perak 34.000 kilogram en mene wogetikhe.

ULANGAN 17:16

At raja halok he agoromi tentara sikhe fisogo mene faget wam kuda weim yaferek mene iluk hokhorogo fisogo logogin lek. At hineisena Tuhan Allah nen he afuni An nagainafuri yi o Mesir inambotkwe logoin lek iluk ikhemo re, it afuni yi o Mesir kuda hunisi loageluk ogo, athe kuda amu mene inom agamesi loageluk ogo, onggo pali lani iluk lakfisogoin mondok lek.

AMOS 4:11

Afuni hit mene fenakwe re An nen afuni o Sodom inom, Gomora inom wulil tagalogo legetfisasigi andi hak inebe leget fisigimo, fena ekhe hineluk welagep mene andi, hinebe endu aro endumo nen yegelogo wanharek andi hak welagebo. A'nogo meneat he, hit hinambotkwe sugulogo An noba wesu hinabirat welagep.