HOSEA 11:2 - Allah Wene Fano Wene Hupla Inane

² Oba nen An namlogo andi ekhe inom woletu were'ma re ekhe inomat At ebe an noba nen hebekhogo nobagaluk eil uan arik laga-laga. Aren he wam, yi mene ti mene tugwi kembu Baal faget inom, kembu ekhe mene faget inom, warogo noletik, amben fano mene dupa noletik, ikhi laga.

HOSEA 11:2 Referans Kwoze

HOSEA 2:13

Aren An noba onggorasimbik, ninhup-nanhup amben fano mene tugwi kembu Baal andi faget enek noletik, alilingge fano mene waganogo ap inom nikharek mene andi heraginabi lagik, ikherek andi nen he, An nen wene at oba fagain o, iluk An Tuhan nen nane arat igi,” iluk ikhe.

YEREMIA 18:15

Oba nen An nagainafuri nen An noba inonggot a'luk he iren tugwi kembu faget amben fano mene duba omanogo noleri'lagwi. It he kwe o attak lagaukwa kwe a'nogo nen ineisok tunghogo waraluk he taganhogo ebekhe oan yago lekwe omanogo nen lili'lagwi.

YESAYA 65:7

andi re it inaweak faget inom, it inombawi inaweak faget inom ambisangma helogoin. Iren An li'norogo hilingnobagakhi logolik he kemenyan amben fano mene tugwi kembu faget fogeratarekwe inom, punukwe omanogo inom noli lili'lagwi. An nen he iren o endamat hilingiti lagaukwa mene omanogo faget inom unggum inoba fagain o,” iluk ikhe.

HOSEA 11:7

It an hera'nobagaluk inomamerogoat wulifunem he, afuni ekhe nen yi enggin ti enggin hilinginafunem, telinabuagaluk, inane hokhorogo kweti logogun oba nen, it ekhe nen inane holimbik telinabugun mondok lego,” iluk ikhe.

KISAH PARA RASUL 7:51

Hit afuni yoma hinobabut mondok weak hinesanggo holhi'lek hinagap hinenggalimo mene palek logoligat he, hinendawinggen tegele'lek logolik komore'lek hilingiti lagep yi ri! Hinombalagen: Allah Areagun ane andi ninabit, iluk ikhi lagaukwa hagat, hit it inobabut waganogo ikhi lagep yoma ri!

YOHANES 3:19

Nen, Allah nen wene inoba fikherek andi re, ebe yi'nogo. An nen selegerinafirek mene nebe arat kweangma pi wagagi meneat he, afuni inobabut weak hilingitarek andi nen he, At selek andi ninabiro. Athe, o mum andiat ninamolo, iluk inendawimo anggagarek.

LUKAS 13:34

”Eigo! Hit afuni o Yerusalem mene yi nendawilage! Hiren ap Allah ane yagaisagarek mene inebe inoatik, ap Allah nen inayonggo fuluk hinoba lakfisa wagarek mene heleben tamuk-tamakhogo inoatik, ikhi lagep andi nendawilage! Sue ayam eagwi ogolabi a'ma andogorogo fisikherek andi hak, an hundik-handigat hit o yoma welagep mene mondogat a'nogoat andogorogo hinobagaigeluk anggigirek meneat he, hiren, ninabit, ikhi lagep andi nendawilage!

ZAKHARIA 7:11

Oba nen he An nagainafuri inendawi mondok omame logolik iren holu re inabit mondok welagaikha, nen holu inabiren he inesanggo to'moti lagaikha.

NEHEMIA 9:30

It a'nogo weak hilingitu kwelegat, Haren he, yi tahun ti tahun wene inoba figi'lek hafe morogo logolik, komorinafi lagaginat. Hareagun ap hat hane yagaisikhi lagaukwa mene inendawimo logolik, wene andi inendawimo kagalogo yagaisugunem, iren holu inabiren inesanggo te'met fikhi lagaukwa. A'nogo hilingiti lagaukwama it inebe afuni o yi awi ti awi inunggulenu hunogoat mene inenggiba fisikhi lagagin andi.

1RAJA-RAJA 18:19

Yogondak afuni Israel mene inebe mondogat, an ninom ambi asugun engge re, tom Karmel oba lagauwagen yagaisano o. Lagakhi logolik, ap tugwi kembu Baal ane yagaisagarek mene inebe 450 nen andi inom, nen ap, ninagaisa Asyera andiat, iluk ane yagaisagarek mene inebe 400 nen andi inom, inenggi onggo at he Izebel en wogisikherek mene andi, woginarek lagaino o,” iluk yagatikhe.

HAKIM–HAKIM 10:6

Afuni Israel mene nen he Tuhan ane holhi'lek nen apne wanhi'lek hilingiti logolik he, iren Tuhan elokhoma weak hilingiti lagaukwa. Iren he tugwi kembu Baal inom, Asytoret inom, ap inunggulenu Siria inom, Sidom inom, Amon inom, Moab inom, Filistin mene inom inangge omanogoba apne wanhi lagaukwa.

HAKIM–HAKIM 3:7

Afuni Israel mene nen he it ineisena Tuhan Allah a'nogo elokhoma weak mondok hilingiti lagaukwa. Iren he At oba inonggot a'luk he kembu Baal inom, Asyera inom oba apne wanhi lagaukwa.

ZAKHARIA 1:4

It hinobawi nen hilingiti lagaukwa hak hilingiti logou fuk. O attak andoma it nabi nen weak hilingitarek mene inom, kwanirogo hilingitarek mene inom hilingiti logou fuk iluk yagaisikhi lagaukwa. Oba nen iren he, a'nogo hilingitu mene a'nogo hologo hilingiti'lek herakfisaluk An noba ogo tiphogo hilingiti lagaukwa lek.

HOSEA 4:13

Kembu fogerati lagep kwe andoma re, punu-punu ambolkwe inom tom ambolkwe inom, hiren at kembu faget warogo nolfuluk amben fano mene omanogo e ero hokho mene a'makwe andoma re, kunmo mondok sakhore'ma iluk nolhi lagep. Oba nen ambisangma re ninggi'nogo hilinglari'logo nogo? Hina'logomi omanogo hambenan nilik nikharek mene nek ari'lagwi, nen hineamal hemi omanogo re, pabi nek nili'lagwi.

YEREMIA 44:5

Oba nen hiren he inane holhik, futfigik, ikhi lagagip lek. Hiren he weak hilingisugun mene omanogo nek palfigi'lek hilingitik, wam warogo dewa obaget wogotik, hilingitu mondok welagep.

HOSEA 4:17

It afuni Israel mene re tugwi kembu nen inendawinggen ninggemo re, it he herakfisani.