HOSEA 11:1 - Allah Wene Fano Wene Hupla Inane

¹ Tuhan nen ikhi logolik mel ikhe, ”An nen at Israel ebe oan obaat ayonggo fesigisik nendawiratigi. nen ebe oan obaat ayonggo fesigisik, o Mesir en wulibi wesuageluk yagatigi andi.

HOSEA 11:1 Referans Kwoze

MATIUS 2:15

Lagaukwasik, o andoma mondok welagaukwa. Were'ma, at kain Herodes a'nogo ebe wa'lagaikhemo nen wagaukwa. Andi hilingitikhe andi re, it ap Allah ane yagaisikhi lagaukwa mene ekhe nen he, ’An namlogo o Mesir andoma nen wesuageluk wolhagain o,’ iluk Allah nen isikhemo lisu palogo fesikhe andi higithogoat hilinglasuageluk hilingitikhe andi.

KELUARAN 4:22

Andi nen he, haren at raja andi yi'nogo yaga'no: Tuhan nen he, mel ikhe: Afuni Israel mene andi An nagainafuri manggusa tago mene o.

HOSEA 13:4

Tuhan nen ikhi logolik: ”Hit hinebe o Mesir en wokhinarek wulibi wagagi mene hineisena Tuhan Allah re, An aro. Allah amu mene ekhe werek lek, An nami-namu nenat hit hinagap telogo hinobagasigi o.

HOSEA 2:15

A'nogo yagasimbik, at eabu anggur yabu andi hobuk ambotkwe fano hilingisogo wogotik, o Akhor tonggoma yi weak ti weak hilingiti lagaba andi hobuk fanot fikhi logogin oba hilingisogo figik, igin o. O andoma nen at ebe silerik oba o Mesir en wulibi waga logolik, An nebe wo'nafikhe andi hak wo'nabigin.

YEREMIA 2:2

”Hat hebe afuni o Yerusalem welagaikharek mene inoba lambik he, wene mel yagaisano: Hit afuni Israel mene yi sani. Aben hemi ket iginapluk, inendawinggen hundik welagaikharek andi hak, hit hinebe oan oba nenat An noba lomborogo logolik hinendawinggen An noba hundik were'ma, o leikwe yi mene ti mene awi yago lekwe andoma nombo'ne mondok nikhi lagagip a'nogo hinoba ebeti o.

MALEAKHI 1:2

Tuhan nen afuni At againafuri mene inoba yagaisikhi logolik: ”An nen hit hinoba nendawi hundik hilinghinafu welagi o,” iluk yagaisasikhe. Oba nen he iren onggo ikhi logolik he, ”Nineisena Tuhan Haren he hendawi hundik hilingninafi lagen andi re ebe ninggi'nogo hilingninafi lagen nogo?” iluk aga. A'nogo agama re, At Tuhan nen mel yagaisikhe: ”At Esau re, Yakub oe lek nogo? At Yakub oe aro. A'nogo meneat he, Yakub nendawirati logolik,

HOSEA 12:13

Yakub nit ninambu a'nogo re weak-weak o Mesopotamia lagaikhesik at agwe helagain mene faget he, ap andoma mene inamingmingengge agaikhesik logolik ap inanggo domba halhi lagaikhe.

YEHEZKIEL 16:6

Andi nen An laga logolik kwelakheasigi re hat hebene mebenek yuguk-fuguksegengge logolik he, neneik yabati lagagin, oba nen An nen hat hebe wa'lasuageluk herakhobagagi lek.

ULANGAN 7:7

Hit hinebe nineisena Tuhan endawinggen hundik mondogen wenagaisogo hinobagaikhesik hinayonggo fesikhe andi re, hinebe afuni ekhe inunggulenu hokho welagaikharek andi hangge welageben fuk. Lego. Hit hinunggulenu, we, mondok endebat welagep mene aro.

HOSEA 12:9

It inane ikhi logolik he, ”Nit yogondak ninenggi werek ago, niren lalogo helikhi lago mene andiba re ninenggi werek aga lagoma re, ap ekhe nen ninenggali wasu lekhago, ili'lagwi.

KELUARAN 4:23

Andi nen he, an nagainafuri mene andi an fogetnabi loageluk lakfisan o, iluk yagahesuageluk igi meneat he, haren, I o. Lani, iluk ikhi lagen lek. Andi nen yogondak an nen hat hagainafuri manggusa mene nek mondogat inoasigin o, iluk ikhe yaga'no,” iluk yagatikhe.

MAZMUR 129:1

Samban uogeluk wuni warik lagakhi lagaukwa mene. Israel yei, hat hebe sougeba nen engge, it haselei mene nen hoba enggin-fenggin fikhi lagaukwa mene a'nogo yaganisan o.

YEREMIA 12:7

Tuhan nen ikhi logolik, ”O kweang An nanggweang aga mene a'nogo re herakfisigi, nen An nagainafuri nendawi hundik hilinginafi lagi mene omanogo ogore it inaselei mene inenggimo figiat, nen An nebe welagirek oba re obogerisagainat andi.

HOSEA 10:15

Yago afuni o Betel welagep mene yi, hiren weak mondok hokhorogo hilingitep andiba re, hit hinoba re weak andem higit asi wesigin. O mo kwelabi wagarek andem oba weim yafu aple erorasimbik hilingitu kwelek andem hit hinoe raja re wa'lasigin o,” ikhe.

KELUARAN 19:4

”Hit he, An nen afuni Mesir mene inoba hilingfigirik, hit hinebe sue rajawali nen eagwi ogolabi amboloba woginarek lagarek andi hak, An nomame hokho meneba An noba yoma hinobagai wagi andi hineilenggen arat hegebo.

ULANGAN 33:3

Eberogoat nineisena Tuhan he againafuri endawi welagarego. Afuni Aren wenaginafe mene nek inebe lombok mondogat ferinarek welagarek. Nit at awe a'ma nineindep awi yagaisogo nen fogeratik, Aren, yi'nogo hilingiti logoino, ti'nogo hilingiti logoino, iluk yaganisasikhe wene andi hologo higithogo hilingitik, ikhi logouwogo.

YESAYA 43:4

Hat hebe An neilhanem he esin mene welagen ma re, agaukhogo nendawit hafirego. Andi nen he hat hebe hoasinogoluk hagap telogo it afuni inunggulenu ekhe mene inoasuagaluk hobali'mo fisigimo o.

YEHEZKIEL 16:22

Hat heluk logolik yanani nilik nikhi lagen mene andi re mondok wiik weak mene hilingirik nikhi lagen o, hat he attak hebe yenggerek logolik welagagin mene aremnogo ebethikhi lagen lega, hat halfulukwa kogouk were'ma hameben yuguk fugukhogo welagagin aremnogo ebethikhi lagen lega?” iluk ikhe.