HOSEA 10:5 - Allah Wene Fano Wene Hupla Inane

⁵ Afuni o kota Samaria werek mene re inailo asugun; nen it inebe inom, imam omanogo inom o Betel oba andoma nen sapi emas mene obaget hilingiri'lagwi mene andoma re, iren kembu elokhe pugun-bagansek mene a'nogo mondogat legarik wagu nen he inendawi heiselhi logolik le asugun.

HOSEA 10:5 Referans Kwoze

HOSEA 9:11

Israel mene inalong welagaikharek mene andi re, sue tarogo longgo i lagarek hak legasigin, iren inomalik ina'ma agik, inagainafuri taginafik, ikhi logogun mondok lek.

HOSEA 5:8

Hit ap Benyamin mene yi, weim yabi we'ni o! iluk inane humesu hak he, o Gibea nen pinggong ane hokho mene anethani o! O Rama nen e anggwe folelek mene anethani! Nen o Betel en he hinane ngai e'ni!

HOSEA 4:15

Hit afuni Israel mene nen he An noba hinendawinggen tiphogo logolik hilingiti lagep lek! Oba nen it Yehuda mene andi re hiren hilingiti lagep andem hakhogo hilingiti logoinogo. Hiren o Gilgal iluk ogo nen o Betel iluk ogo wene kabogesugun iluk ekhe hilingisu fuk. O andoma nen Tuhan Eluk Mondok welagarek agun a'nogo enuba hombuk palu fugat.

2 RAJA-RAJA 23:5

A'nogo fei lagaikhesik, afuni Yehuda mene inogogwi raja attak mene nen afuni hunogo mene inandugwi wurogo fuluk, o Yehuda kota mondogat inom, o kota Yerusalem esanggokwe ekhe inom, tugwi kembu andoma eisewerek logolik, anggo warogo noleti logouwageluk menfisasukwa mene omanogo mondogat wulaginafikhe. A'nogo wulakfisasikhesik, it ap ekhe, tugwi kembu Baal inom, mo inom, tugi inom, hesagal wap hokho mene inom, endep mene inom, eisewerek logolik anggo warogo noleti lagaukwa mene inom wulakfisasikheat.

HOSEA 13:2

O yogondak ogore, afuni Efrayim mene andi re, Allah ane sagalogo weak hilingituat werek. Iren he, tugwi kembu afuni inendawimo nen wenggelfuluk perak mene agauwak hilingisogo inenggiba wuri'lagwi. A'nogo wutfuluk iren ikhi logolik he: ”Wam, yi mene ti mene tugwi kembu yoma faget warogo nole'ni o,” iluk ugunem, afuni nen he sapi eak alik waganek meneba hai inambe saluk watarek andi re higit nogo a!

KISAH PARA RASUL 19:27

Andi nen, nit a'nogo hilingiti lago mene yi ninabok weak palugun o. Mene re, nit ninabok enek weak palugun fuk. Ninombalo esin Artemis awi hokho wurik yi re, lek meneat anggikhi logolik, Artemis afuni o propinsi Asia mene mondogat inom, o yi awi ti awi mene inom, inomat he, at awe a'ma kuluk logolik fogerari'lagwi mene andi sebelogo legetfogoin o!” iluk yagaisasikhe.

ZEFANYA 1:4

An nen he afuni Yehuda mene inom Yerusalem mene inom mondogat wene inoba fagain. It inanggembu Baal faget fogeratarekwe andoma werek mene re o andomaba nen An nen mondogat legetfisagain. Nen it ap hilingiri'lagwi mene andoma re a'nogo welagaukwa iluk ekhe eberisikhi logogun mondok lek.

2 TAWARIKH 11:15

At Yerobeam en he kembu sapi mene ekhe wutikhe mene andi apne wanhik, kembu andi obaget hilingitik, eluk-elugengge (muruagun) omanogo apne wanhik hilingiti logouwogeluk he wesagun inap onggwaregen menfisilik lagaikhe.

2 RAJA-RAJA 17:16

Iren ineisena Tuhan Allah nen wene melalek omanogo mondogat sagalogo fikhi logolik, iren kembu no sapi logam mene ebe pire alik hilingisogo apne wanhi lagaukwa. Iren he kembu dewa Asyera alik waganogo wutik, hesagal enggen fogeratik, kembu dewa Baal a'nogo obaget hilingitik, hilingiti lagaukwa.

2 RAJA-RAJA 10:29

A'nogo hilingitikhe andiba re Tuhan nen Yehu ba ikhi logolik, ”Haren at Ahab eisok erokwe mene inoba hilingfisuageluk yagahete mene a'nogo re mondogat hilingiten. Andiba re hat hagainafuri inom iren tagomangge mene inom ta'larik logoin mene huli enggaminogo nek meneba andoma re afuni Israel mene inobaget inoe raja logogun nen wene watheti o,” iluk yagatikhe. A'nogo yagatikheba nen he, at Yehu nen afuni Israel mene ineisena Tuhan Allah a'nogoba endawinggen himbirik logolik Tuhan Awene melalek omanogo higithogo hilingiti lagaikhe lek. Aren he, Yerobeam hilingiti lagaikheba it afuni Israel mene kembu emas mene o Betel oba inom o Dan oba inom wutukwa mene omanogoba fogeratunem Tuhan oba weak hilingisogo fikhi lagaukwa a'nogo hak hilingiti lagaikhe.

HAKIM–HAKIM 18:24

A'nogo heinok wokhasukwama at Mikha nen onggo ikhi logolik he, ”Haren an nanggembu alik waganek inom, ap andoma yabu hilingiri'lago mene imam inom waluk wulibi wagepma an nangge ekhe werek he lek oba nen, hiren ikhi logolik, nena mene weregen iluk ikhi lagep ari a?” iluk yagaisasikhe.

YOSUA 7:2

Andem huli re, Yosua nen ap inebe fenakwe o kota misik ekhe o Betel en mo lagai wagarek fikhit o Bet-Awen horokhogo, o Ai andoma ineil penesi loageluk lakfisasikhe. Lakfisasikhemo lagaukwasik he, iren hilingisuageluk yagaisasikhe mane a'nogo mondogat hilingfuluk he,

2 TAWARIKH 13:8

Hit hinebe esa hokho ari nen hit hinanggo sapi emas mene kembu dewa iluk at Yerobeam en wuthisikhe mene andiet werek andi nen he, Tuhan nen at Daud ambisangma meneba inomame werek inap logouwageluk wokhisikhe mene ari sagalogo fogoin iluk hilingiti lageba?

YESAYA 46:2

Tugwi kembu andoma nen he ap ha'luk lagaikharek mene andoma leberisa lek hak, nen it inonggwarek mene ogore hele warek higit woginarek lagaikharek. It inebe legasugun he a'nogoat.

HOSEA 9:1

Hit afuni Israel mene yi sani, hiren linggene lego mene omanogo faget ebeti logolik halok he, it inunggulenu amu mene nen hilingiri'lagwi andoma hakhogo hilingiti logogubo. Hit he, hineisena Allah a'nogo herakfisegepsik at oba tiphogo welagi'legengge hilingiti lagep. Gandum enggen lolhukwe omanogo mondogat he hit hinebe uang herakhikhi logolik dewa baal oba hambenan hilingiti lagep, nen hit he, gandum dewa andi nen onggo wo'nisili'lago iluk helugu mene faget enek hinagaiyek welagep!

AMOS 3:14

An nen afuni Israel mene inobabut weak mondok hilingiri'lagwi andi nen wene inoba fikhi logolik, o Betel en wam, yi mene ti mene tugwi kembu faget warogo noletarek mene andi ebe mondok legetfisikhi logolik, unggut fena-fena andimuk hilingik mene andoma ambisang somborisilik lamo re sinukhogo kweangma lobak ilik lagain o.