HOSEA 1:5 - Allah Wene Fano Wene Hupla Inane

⁵ Andem sambul he, an nen afuni Israel mene, o Yizreel tonggoma andoma nen sikhe sige falelu hak inomame legetfisambik mabenetfisagain o,” iluk yaganetikhe.

HOSEA 1:5 Referans Kwoze

HAKIM–HAKIM 6:33

Andem sambul he afuni inunggulenu Midian mene inom Amalek mene inom afuni inunggulenu ekhe o ilingage leimo i Yordan fena mo liabi wagarek fikhit andoma werek mene inom mondogat kabogetukwa. Kabogetukwasik i Yordan palogo wagaukwasik he inawi tenda o Yizreel tonggoma andoma wutukwa.

YOSUA 17:16

A'nogo isikhemo it Yusuf ambisangma mene omanogo nen ikhi logolik he, ”O kweang tomkwe andoma re nit ninom higit he lego, nen it inunggulenu Kanaan mene o kweang tonggo langse'ma andoma logolik inangge kereta weim yafarek mene posiemanggen oba wurik mene fisogo andoma re it o Bet-Sean werek mene inom, it era'lukwe maserogo werek mene andoma mondogat inom, nen it o Yizreel tonggo kwe werek mene andoma inom ogo re, a'nogo nek hilingik,” iluk yagatikhe.

HOSEA 2:18

Andem sambul he, yi wam ti wam inom, sue tarogo nikherek mene inom, kisu kweanggwe pololangerik nikherek mene inom, mondogat wene warisikhi logolik, Hiren An nagainafuri weagerinafi logou fugo, iluk wene warisagain. A'nogo wene warisambik, An nagainafuri inaiba andoma inebe fano lioksek logouwagaluk, sikhe, sige, karok, weim yafarek mene andoma mondogat lilibukhogo legetfisagain.

YEREMIA 51:56

It he Babel weaget fisigik, ap sikhe fisogo inap omanogo senfisigik, nen it mene sige sikhe omanogo wolelenggen isigik uwogoluk weri'lagwi. An Tuhan nenat at a'mageba hilingiri'lago mene andoma faget unggum wogosigin, nen Babel he aren hilingiti lagaikhe higithogo An nen ogo hilingfagain aro.

MAZMUR 46:9

At Tuhan nen elalin mene o kweangma yoma hilingiterek mene andi kwelakha we'ni!

MAZMUR 37:15

A'nogo meneat he, afuni inobabut weak mene andi re, inonggwaregen inenggarok oba lisogo inebe warigik, inasikhe falelogo figik ugun werego.

2 RAJA-RAJA 15:29

At Pekah ebe raja logolik melalinafi lagaikheba re raja Asyur mene hun Tiglat-Pileser a'nogo nen he o kota Iyon inom, Abel-Bet-Maakha inom, Yanoah inom, Kedes inom, Hazor inom, o Gilead kwe andoma inom, it afuni Naftali mene inaiba andoma inom, telhikhe. Telhikhesik he afuni hele warogo woginarek he o Asyur lagaikhe.

YEHEZKIEL 39:3

Andoma nen An nen asikhe yei payuk oba fouthugunem enggi harekwe fisogo logogin engge a'nogo helelarogo pigin, nen An nenat andok herap palek omanogo re enggi pikhit fikhiren telogo pelabigin.